As Pontes

CHUS CAÑIZARES NA CONVOCATORIA DEFINITIVA PARA ASTURIAS

O futbolista pontés entrou na lista definitiva de 18 xogadores de Pichi Lucas

31

O seleccionador galego, Pichi Lucas, deu a coñecer este martes a convocatoria de 18 xogadores que disputarán a primeira fase da Copa das Rexións Uefa, contra Asturias e Cantabria, e na que estará o xogador pontés Jesús Cañizares Sánchez.

Chus xogou nos dous primeiros encontros de preparación, e pese a non poder estar no último, dado que tivo que xogar o mesmo día co seu equipo, o Silva, contra o Langreo, ó final fíxose cun oco entre os 18 elixidos.

Acuden tamén dous ex xogadores do As Pontes, Iago López e o cedeirés Marcos Souto, o pontedeumés do Compostela Alex Ares, os xogadores do Somozas Pacheco e Jacobo, e Villares do Racing Vilalbés.

A selección galega xogará contra a locataria de Asturias o día 8 en El Berrón, e o día 9 ante Cantabria en La Felguera. En ambos casos, os encontros xogaránse ás 12:00. O día 10 á mesma hora, xogarán asturianos e cántabros en Pola de Siero.

Os convocados son:
Porteiros: 1 Marcos Souto (R.Vilalbés), 13 Rodrigo Iglesias (Negreira)
Defensas: 2 Carlos Pacheco (Somozas), 3 Aarón Rama (Bergantiños), 4 Rubén Comesaña (Choco), 5 Iago López (Bergantiños), 12 Álvaro Fernández (Alondras), 14 Lucas Fernández (Choco)
Medios: 6 Cassio Luis (Barco), 7 Chus Cañizares (Silva), 8 David García (Laracha), 10 Alex Ares (Compostela), 11 Jacobo Millán (Somozas), 15 Diego Villares (R.Vilalbés), 17 Julio Rey (Arousa)
Dianteiros: 9 Edu Otero (Ourense), 16 Javi Pazos (Arousa), 18 Rodrigo Alonso (Bergantiños)

Nova cortesía de Xose Ferreiro

También podría gustarte
Comentarios