Amigus Labs • Workshops

O Lar de Endesa, acolleu unha nova xornada de traballo de Amigus Labs, o Fab Lab pontés, onde medio centenar de argalleiros puideron gozar aprendendo neste espazo maker.

728

Pola mañá os máis pequenos puideron coñecer e fabricar os seus primeiros circuítos electrónicos, e coñecer nocións básicas de electrónica e compoñentes, elaborando sinxelos circuítos en papel, utilizando cobre adhesivo, unha batería, ledes e mina de lapis para facer unha resistencia variable.

Xa pola tarde, tras recargar enerxía coas pizzas do Lar, os mozos argalleiros, aventuráronse a fabricar cada un o seu propio segue liñas, descubrindo os materiais e compoñentes e en moitos casos soldando con estaño por primeira vez. En apenas dúas horas os pequenos robots estaban listos para pasar á acción. Finalmente toco a hora de deseñar un circuíto de carreiras, onde os sete segue liñas fabricados puideron facer duras competicións.

Noutras zonas da Amigus Labs, os argallerios seguiron poñendo a punto a fresadora CNC de Amigus Labs. As impresoras 3d non pararon de extruir plástico en todo o día, nesta ocasión, Nando mostrounos a súa nova impresora que xa funciona á perfección. Javier mostrounos a súa máquina de corte e gravado Láser, que ten unha pinta espléndida. Ademais mostráronse distintos materiais e compoñentes e proxectos feitos con Arduino e Raspberry PI, así como drones.

De novo foi un día xenial para aprender e compartir coñecementos entre todos, onde todos nos fomos con ganas de repetir moi pronto.

Desde Amigus Labs queremos agradecer a todas as entidades colaboradoras e á súa implicación día a día no proxecto: Concello das Pontes, COHEMPO, ENDESA, EuroEume, Nauta, No Ping, Nodo Dixital, Triade, Severiano Agrocomercial, Escourido Asociados, Clip Carbono, Ferretería Marcos, Lujo, Matojoma, You can school of English, Fitter, Pontesa Marmoles y granitos, Desguaces Vilabella, Óptica Carmela, Galiorient, Servicio Móvil, Areco, Panadería San José, Fotografía Fabian, Don Dino, CONPLC, IcoEume, Preludio Musical, Arprosa, Radio Eter e ao Grupo de Empresa de Endesa.

Amigus Labs é un proxecto da Asociación Informática Amigus.

O noso obxectivo é achegar posibilidades novas cada día, e facémolo poñendo en contacto persoas, ideas e proxectos, e facilitando o acceso a tecnoloxía e recursos.

Amigus Labs está formada por persoas curiosas e con ganas de aprender nun entorno de traballo amigable. Con acceso á tecnoloxía e compañeiros que nos axudarán na nosa aprendizaxe e con ese proxecto que tes en mente, que sabes que pode facerse, pero que agora non sabes como.

Amigus Labs é un proxecto en fase de desenvolvemento para a creación dun Laboratorio de Arte e Creación Dixital. Nestes espazos os deseños realizados por computador pódense materializar en obxectos reais.

O proxecto centrarase na creación dun espazo de traballo comunitario para fomentar o uso e o coñecemento da fabricación dixital e as novas tecnoloxías.

Amigus Labs poñerá a disposición de todos os cidadáns coñecementos e máquinas de precisión controladas por computador para poder realizar e desenvolver as súas ideas. Descubrirás o fácil que é chegar a usar as novas tecnoloxías para fabricar case calquera cousa, a través dun programa educativo de sensibilización que comprende talleres, actividades e cursos de capacitación relacionados coa arte e creación dixital.

Desde a cultura ‘open source’, baseada no concepto de compartir o coñecemento e fomentar o intercambio aberto de ideas. Queremos crear un impacto social e tecnolóxico a escala local empoderando aos cidadáns de As Pontes e comarca a través do uso de novas tecnoloxías, a reciclaxe e a creatividade.

O noso obxectivo é converternos nunha ferramenta educativa e creativa aberta para todos os públicos, a través dun espírito baseado na colaboración, o deseño e o coñecemento compartido.

Amigus Labs é un proxecto en fase de procura de colaboradores e financiamento, que nos permita dispoñer dun espazo físico entendido como espazo de traballo, estudo e desenvolvemento de proxectos.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios