Concurso de carteis 'Feira do Grelo 2004'

A Concellería de Cultura do Concello das Pontes ven de publica-lo Concurso de carteis 'Feira do Grelo 2004'.
Nel poderán participar tódolos xoves que teñan cumpridos os 12 anos antes do 31 de decembro de 2004 e non teñan os 30 na mesma data, e terá que ter un tamaño máximo de 40x70 cms. O premio será de 300 euros.

BASES
Primeira.- Poderán participar tódolos xoves que teñan cumpridos os 12 anos antes do 31 de decembro de 2004, e non superen os 30 na mesma data.

Segunda.- O motivo do cartel é anuncia-la XXIV edición da Feira do Grelo. A técnica será libre, e aparecerá obrigatoriamente no cartel o seguinte texto:
XXIV FEIRA DO GRELO AS PONTES 22 DE FEBREIRO DE 2004
As medidas do cartel serán de 40x70 cms. como máximo, e preferiblemente en orientación vertical. Só se poderá presentar un cartel por persoa/s, e deberá ser inédito e orixinal.

Terceira.- O prazo de presentación e chegada dos carteis rematará o 12 de xaneiro de 2004 ás 12:00 h. Os carteis serán entregados ou enviados ó Departamento de Cultura do Concello das Pontes, sito na Casa Dopeso, Rúa Rosalía de Castro, 28 - 15320 As Pontes, A Coruña. (teléfono: 981 44 03 44). O cartel deberá vir acompañado dun sobre pechado e coa seguinte información no seu interior: nome, dirección, fotocopia do DNI, e teléfono do autor/es.

Cuarta.- Establécese un premio único de 300 € (trescentos euros). O cartel premiado quedará en propiedade do Concello das Pontes. A entrega do premio realizarase o mesmo día da feira.

Quinta.- O Xurado estará composto por persoas debidamente cualificadas e representantes do Concello, estes con voz pero sen voto, sendo o seu fallo inapelable. O Xurado resérvase o dereito de declarar deserto o premio.

Sexta.- Os carteis que non resulten premiados poderán ser expostos con motivo da celebración da Feira.

Sétima.- A participación neste concurso implica a aceptación destas bases.

NOTA: No prazo dun mes, contado a partir do 22 de febreiro, os carteis non premiados, poderán ser retirados na Casa Dopeso.
Os carteis non retirados nestes período quedarán en propiedade do Concello.

Podes baixa-lo anuncio en formato jpg dende aquí