amigus-party verán-2004

7 e 8 de agosto de 2004 no local social das Campeiras.

Unha nova edición da amigus-party se está a preparar, esta vez co-organizada co concello das Pontes, coa colaboración da Asociación de Veciños das Campeiras e con conexión a Internet gracias a OPENOR.

Poderedes asistir á party, ás charlas ou ós obradoiros... OU A TODO ;-) esta vez non é precisa entrada ningunha, será todo gratuito. O único que vos pediremos será que vos apuntedes no formulario que se indica máis abaixo. Se non o facedes, non vos garantimos que poidades asistir, xa que as prazas son limitadas.

Para asistir á amigus-party verán-2004 debes vir equipado co teu ordenador e todo o necesario para poder conectalo a un só enchufe. Ten en conta que tes dereito a unha praza onde instala-lo teu ordenador, a un enchufe de rede eléctrica e outro de rede de datos. O resto deberás traelo ti. Para que non te esquezas de nada imos poñer unha pequena lista de cousas imprescindibles:

- CPU, monitor, rato, teclado e cables (moita xente esquece o rato, ¡ollo!).
- Tarxeta de rede Ethernet con conexión RJ45 ou tarxeta inarámica.
- Regreta de enchufes.
- Cascos para a música. OS ALTOFALANTES ESTÁN TERMINANTEMENTE PROHIBIDOS.

- Roupa para os 2 días, toallas e útiles de aseo.
- Saco de durmir e esterilla.
- DNI.

Aparte disto, é recomendable traer:

- Unha almofada.
- Un desparafusador de estrela, para poder abri-lo teu PC se algo falla.
- Un cd de instalación do sistema operativo e os drivers das tarxetas que teñas instaladas.
- Cargador de teléfono móbil (se tes teléfono móbil).

Non está de máis que faigas unha copia de seguridade dos datos importantes, antes de acudir a amigus-party verán-2004, e que instales un antivirus.

O prazo de inscripcion remata o 6 de agosto ás 16:00 horas, e pódela realizar cubrindo este formulario

Listados dos obradoiros propostos:

1.- Sábado (12:30-13:30) - Instalación de sistemas Linux > http://www.mandrake.com, http://www.debian.org

2.- Sábado (16:00 - 20:00) - Macromedia Flash > http://www.macromedia.com
Animación en Flash, ActionScript e publicación para Web

3.- Domingo (10:00 - 14:00) - Photoshop > http://www.adobe.es/
Uso de capas e canais alpha, retoque de imaxes, efectos 2D

4.- Domingo (16:00 - 17:00) - Sistemas operativos > MacOSX, Windows, Linux, FreeBSD ...