Saúdos.
Sorte nesa xuntanza... Pero, como hai pouco que fixeron traballos de recuperación da Fraga, sería recomendable non meterse tan axiña con moita xente. O certo é que agora ofrece un aspecto máis bonito, sen chapas e cristais lixados por tódolos recunchos... a ver se dura. Aos que vaian, que anden "no aire" e que recollan todo. Boa Festa.

¡Caralludo! ¡O día da Fraga non se pode pisa-la herba que se manca, pero o mes anterior non se fai dano ningún inda que se lle bote unha manta por riba!... está ben a cousa, sí! coherencia ante todo...
¡Hai que xentiña... canto sentidiño andan a predicar e que pouco teñen eles mesmos!

esa herba o día da fraga, ou os días antes, vai durar un suspiro, e non pola herba en sí que tamén é nova, senon porque ao remover a terra como se fixo quedou moi brando o chan... (aparte de que os cristais seguen nela...) e vai foular todo, con tanto marcar de cordellos e cintas, paus, chiringuitos, toldos, xente por todo durante unha semana pisando, bicis, motos, cabanas, carros, etc etc...

o da rexeneraación debería facerse en setembro, ao final do verán, e retirando as chapas e cristais, non como se apreciou perfectamente que quedaron todo remexido, e xa metidos no inverno 2006...

o parque de dona rita donouse ao concello, é un parque publico e hai 50 anos que acolle unha romaría galega que ultimamente no se ve nela, e isto pretende recuperar dita celebración.

as mantas e unhas merendas respetuosas, e unhas bolsas para recoller un par de presas de lixo, resulta agora que vai ser o mais perigoso... que pasou polo parque

anda Suso, un pouco de sentidiño do que ti dis....

e vente merendar o domingo.
un saudo

Completamente de acordo contigo en canto ó de que a rexeneración se debería facer en setembro retirando chapas, cristais, etc

Grazas pola invitación, pero non vou ir de todas formas... por suposto que confío que vós recolleredes o lixo.

Pero sego a considerar incoherente que a xente se poida meter na Fraga un día e non o poida facer outro. ¿Qué pasa, que non é de todos? Se é de todos todos temos dereito a estar na Fraga sempre que recollamos o lixo. Cántas festas non se farán en Galiza en carballeiras non se montan tantas lerias... os de As Pontes sempre andamos a da-la nota.

Alí estivemos o derradeiro domingo cós galeses. Leváramos cada quén o xeu xantar. Nós unha enorme paella que Andrea esmeróuse a repartir e eu a invitar de mesa en mesa. Despóis Carmen invitóunos a café,... mais foi fermoso ve-la tan limpa e xeitosa. Os nosos irmáns galeses ficaron encantados tanto da fraga, como co camiño que fixéchedes cara os eidos do Cómbaro, onde as xentes do Cómbaro andan a ensaiar o que vai seu un bombazo, porque, falando de todo un pouco, teñen esa enerxía que fai falla e mesmo fánno perfecto. Verémolos en Porto e Lesneven como os vimos no Dopeso. ADIANTE COS GRUPOS DAS PONTES, ADIANTE COAS FESTAS NA FRAGA, ADIANTE´CÓMBARO!!

A Fraga (carballeira ) e A Fraga festa é de todos os pontenses,non me parece moi boa idea que para solucionar un problema creemos outro.Supoño que a intención da festa do dia 25 de Xuño non é esa,pero non puiden evitar sentirme desprazada ao leer a súa convocatoria.
Que pasa si non me gustan os gaiteiros? iso implica que non me guste A Fraga como carballeira ,ou que non me guste A Fraga festa.Sintoo pero a convocatoria parece sectaria e excluinte.E dende logo os problemas que trae consigo a festa non se van solucionar asi.Moi boa a intención,muy mal as formas ,sintoo Hugo,pero polo menos a min non me gustan.Nunca entendin que para defender algo ou darlle valor ,sexa necesario menospreciar o resto .

Estou ó 100% de acordo con Carmen.

Tranquilo Hugo q hai xente q te entende. E a min tanpouco me gustan as gaitas, pero non me sinto "menospreciado" pola vosa convocatoria. Se ouvera máis xente coma ti neste povo mellor nos iria. ¿Hai q gastar 26 kilos pa pasalo ven? ¿con 10 kilos non se farían unhas festas axeitadas? ¿non vos gustaría ter unhas festas máis galegas sen tanta "oreja" ou "sueño de morfeo"?

sinto se menospreciei a alguén, non era a miña intención e retifico o que faga falla nese senso.

pero:

que pasa se non me gusta a merda un par de meses nun parque público? son raro ?

que pasa se non me gusta ver unha romaría convertida nunha especie de laberinto divisorio de lona de ensilar? non é sectario iso?

que pasa se non quero que me reguen de viño, ou pasa-la ponte sen que me guinden ao río? é excluinte que non me reguen e non me guinden?

e que pasa se quero desfrutar dun parque todo o ano, e desfrutar nel, e levar a nenos pequenos sen que escachen un nocello nun furado, ou se corten cun vidro no cóbado, e non só emprega-la zona para unha desfeita de 3 días?

creo que ir merendar á fraga e tocar unha gaita, nunca pode ser algo malo para quen prefira non ir.

saudos
non nos vemos ?¿

eu apoio esta iniciativa, porque non? Non vexo que problemática pode ter, que unha xente das Pontes gústelle ir de merenda tradicional á Fraga. Eu non sei se irei, o máis probable é que non, pero que outros vaiain, non lle atopo o mal que ocasiona.
E en canto a Festa da Fraga, iso é outra historia. É unha festa caralluda (seguro), que está crecendo exponencialmente o número de participantes, e isto tamén conleva problemas que haberá que resolver, antes de que cheguen as lamentacións.
Así que comparto con hugo que a festa debe ser replanteada en termos de "algún" civismo. Con máis organización, que implique limpeza, sen coches nin motos; replanteándose que tipo de cabanas se fan, porque tampouco é que todas sexan de xestas... pero nos últimos anos o descontrol de materiais para facer as cabanas, non é estético, e bastantes cabanas máis que na Fraga, parece que están ambientadas nun barrio de fabelas ou nunha barriada nas que temos, tamén, no noso país.
Ogallá, esta iniciativa, sirva para o seu fin: pasa-lo ben, e de paso, vexo que conleva un debate interesante: a des-organización na Fraga.

Paréceme estupendo que cada un poida ir á festa cómo mellor lle guste, sempre que respete o entorno e ó resto da xente, pero aquí topámomos cun problema: a falta de sensibilidade ou de valor, a partes iguais , dos verdadeiros responsables, que son os gobernantes de turno, por varios motivos: 1) Non teñen coraxe para impoñer o traslado dos chiringuitos, tómbolas atronantes e demáis metralla fóra do recinto 2) Non teñen coraxe para regular de verdade, e non como pose, os materiais e o impacto sobre o medio das cabanas (recordade as de dous pisos con vigas metálicas sobre base de cemento que se puideron ver o ano pasado) e 3) Están empeñandos en que a festa se convirta nunha "atracción" (léase superbotellón) a base de atraer visitantes máis alá da capacidade da Fraga para acollelos .
Mentras o Concello non asuma a súa responsabilidade nestes puntos todo o que falemos quédase en retórica ou esforzos inútiles, xa que persoalmente non espero nada do civismo dos asistentes, salvo poucas e honrosas execepcións .

XA ESTÁ EN CAMIÑO O AVISO DA FESTA RACHADA A VELLA USANZA.

HAY QUE PASALO BEN.

POR SEMPRE A FESTA DA FRAGA A ANTIGA USANZA

VIVA A FRAGA

Eu propoño: para preservar ese incomparable enclave, elevar muros de bloque (simulacion pedra, por suposto) de 4 metros de alto, rematados con xardineiras sementadas de flora autoctona (como non!!) , cada 5 metros, dous gardas armados (con escopetas de época , claro está) vestidos de oficios tradicionais, e pouco faladores para non importunar á flora e á fauna; na zona do río sería importante establecer patrullas submariñas ou mellor dito , subacuáticas, para o que me permito recomendar o uso do modelo se submariño "Isaac Peral" de que dispon o exercito nalgún museo, por aquilo se preservar a tradicion e esas cousas.

Todo isto pra comentar que : "Nin tanto , nin tan pouco", a fraga é o que é , un parque urbán con árbores, nin máis nin menos, que xa parecemos a baronesa co conto do Paseo do Prado.

Lendo estas cousas me poño realmente triste,... PQ C... NON PODEMOS PASALO BEN TODOS (CADA UN Á SÚA MANEIRA) CON RESPETO, RESPONSABILIDADE E EDUCACIÓN.
Temos moita sorte co que temos, mirade un pouquiño ó redor,... así que a deixar de rosmar tanto e a toca-la gaita, violín, ou o q sexa, e a herba... cada un sabe o que facer con ela (as vacas disque a comen).

Da Fraga poderiamos falar mil e unha horas.. como nos ultimos anos nos foros.. da web e en moitos lugares, pero vou dicir un par de cousas rápidas:

- se non se leva unha pila de merda, xa non queda alí tirada, pode haber moita festa sen tanta cantidade de materia prima que non lle vexo ningunha utilidade, mais que a de ter que recollela.

- non vexo por que a algúns lles molesta que un mes antes se faga unha festa coma se facía antes. Non é o mesmo día, polo tanto, que ten que criticar ?¿ quen non queira ir que non vaia. O do 25 de xullo é outra cousa, da que se ten falado moito os ultimos anos e seguimos empeorando a situacion, en vez de atopar un camiño a gusto de todos.

VÉMONOS O DOMINGO ! e tranquilos os que teman que manchemos a fraga, ou arranquimo-lo precioso cespede, deixarémosvola impecable para xullo. O que non sei é cómo quedará despois do 25 de Xulllllo, para poder despois desfrutar dela, imaxinadeo...

Pareceme muy acertada a opinion de J.Varela, non se pode pretender facer unha macrofraga, de 3 intensos dias de festa rachada, e con miles de persoas, sen ningun tipo de organizacion nin control. Si falla este primeiro eslabon o resto e un desastre ano tras ano. Non fan falla muros nin pistolas para organizar ben unha festa.
Por outro lado, totalmente de acordo con Isma e Hugo, non hai nada de malo por ir a fraga a divertirse de outro modo.

Saudos, e tranquilidade, opinemos sin estresss.

O que está claro é que hai un fallo de organización na Festa da Fraga. Iso témolo todo claro. E quen debe de poñer un pouco de orden é o concello, en vez de facer chafalladas ano tras ano.

A miña critica non vai a que se celebre outra festa o 25 de xunio,creo que o deixei claro,sinon a forma en que se convoca.Claro que cada un é moi libre de xuntarse e de facer a festa cando e como queira,sempre con responsabilidade.! Faltaria mais !!
Pero insisto que A Fraga é de todos,festa e carballeira, e que entre todos deberamos buscar as solucións para conservala e poder celebrar a festa(por certo ,si que me gustan as gaitas,so intentaba exemplarizar que na festa de Fraga temos que caber todos).

Eu penso q se compre prohibir todo-los elementos non biodegradables, agás a corda. E tamén penso q o concello debería d regula-lo sitio das cabanas, recollendo nomes e un prazo de 2 ou 3 dias pa recollela e o q non cumpla,porlle multa ou calquera outra sanción. ¿Q OPINADES?...

o 25 de xuño o nando tara ali
o 25 de xullo o nando non tara ali
que cada cual reparta a sua maneira ,,,,eo carallo
bo xantar

o 25 de xuño o Moncho tamén estára aló!
o 25 de xullo o Moncho non estará aló para evitar sufrir unha molladura de viño e pisar toda a merda!

Saude e Terra!
Moncho do Orzán.

P.D.: Mañá estrearemos unha cántiga adicada á Romaria da Fraga! Tod@s a cantar!!!

ooooooooppppaaaaaaaa aiiiiiii !!!

vou levar un licorcafé... de 7 estalos :DDD

eu penso que non se pode chegar a tales estremos.
Afraga e de todos e cada un pode ir de festa ali cando queira sempre que sexa unha festa de persoas e non de cabalos.
respeto o 25 de xuño a culpa e toda do concello porque o que non se pode facer e promocionar unha festa para que veña a xente de fora e despois non ter medios nin ganas de realizar un control e unha organizacion coma e debido.
un ejemplo moi claro esta no mundo celta de ortigueira xa que se xunta mais de 100000 xoves pero a semana esta todo limpo e non e porque non se manche sinon que e porque o concello ten un equipo de limpeza adecuado para ese tipo de aglomeracion de xente. O problema esta en que no se pode pretender que tres barrendeiros limpen en tres dias o que manchan 3000 persoas. Ah e a fraga e unha festa para todo o mundo non so pa xente que lle guste a musica tradicional porque de feito esta que o ano pasado habia mais xente diante da cabana dinhos rapaces que poñian musica de festa " pachangadas " que nos famosos nabiza rock e festival folk. E outra cousiña os do concello que tanto se preocupan pola fraga que a cuiden todo o ano e non so o dia da festa

Hostias... non ficara até o de agora nun detalle do que me decatei por casualidade... ¡¡Ahí hai coches metidos na Fraga!!

Histórico é unha cousa; e auténtico, outra. Non hai nada auténtico na vida. Todo é mutable: se mañán desaparecen a Fraga, as gaitas (non caerá esa breva, lamentablemente) e as merendas respetuosas (con quén?) non pasa nada. Iso sí: o que eu pediría é que non se profanase o nome de vermú (bebida inventada, por certo, polos italianos para sentarse na riviera do mar e contemplar o paso lento do tempo ou sexa a dolce vita) con sesións salvaxes coma as da Fraga. Poñede sesión licorcafé que é máis galega, ainda que o café ven de tódalas partes do mundo e o licor ven do bagazo das vides, planta descoñecida máis ó norte de Betanzos. Ou sexa: o máis pontés que eu vin na miña vida. Ou sexa: o máis auténtico.
Unha derradeira cuestión: Poderá levarse tupperware para engaiolar tortillas á festa enxebre?