Esa nave non é feismo é desleixo da propiedade privada e desleixo administrativo na posta en valor destas propiedades. Se ao que tivera o edificio a medio facer ou caendo a cachos se lle aplicara unha sanción por telo en ese estado xa verías ti como a xente adecentaba e coidaba, ainda que fora por non pagar a sanción. É como o tema do lume se queres ter un monte teralo que ter limpo non asilvestrado como están a meirande parte dos montes galegos, coas casas pasa algo parecido. É unha pena que a fermosura se atope no formigón e na pintura rosa e non nas pedras que nos deron refuxo durante séculos.

Neste caso, a obra a medio facer é a rúa. Parte desa 'nave' está sobre a rúa proxectada polo Concello vai moitos anos.

Xa que comentas o da pedra...
eu quería ir vivir ó rural, restaurando unha vella palleira. É unha das cousas que sempre quixen facer, sendo xa moi neno tardábame por medrar para facer a miña propia casa na aldea.

Tiña pensado solicitar a cédula de rehabilitación de calidade que aprobou hai pouco a Xunta. Pero xa quedei atrancado no Concello antes de empezar, hai que levar un par de documentos do concello para iniciar o procedemento na Xunta, e xa me dixeron en Urbanismo que me olvidara. ¿Por qué? porque no seu día foi unha palleira :-O
Esto só pode pasar neste país.
Teño a opción de restaurar unha casa, pero aunque a efectos prácticos en ambos casos parto do mesmo: unhos muros de pedra, resultaríame máis barato restaurar a palleira, é máis feitiña, máis xeitosiña, mellor protexida, ten a maioría das vigas de madeira sanas, e abrindo unha buhardilla nunha das vertentes da cuberta tería unhas vistas acolloantes.
Tiña pensado tamén axardinar o arredor...
en fin

Gracias Ingmar, xa estaba eu collendo complexo por vivir no 2ª edificio mais feo das Pontes. Eu tamen vin todalas fotos presentadas a concurso (quedei moi sorprendido cando vin o resultado na Voz de Galicia) e non comparto para nada a eleccion do xurado neste caso inda que si a respecto como non pode ser doutra maneira.

Saudos

A foto da que falades parece un claro exemplo do que non se debe facer. xa que amosa a diferenza de alturas entre a capela e o monstro de 6 plantas que ten a carón (sen valorar se é un edificio bonito, nin se é quente por dentro). Seguramente poderían facerse mellores fotografías na praza do carme, pero esa para mín e un claro reflexo do feismo. Unha capela anterior no tempo, e totalmente tapada por edificios posteriores (de 5 e 6 alturas). Vergoñoso.

Xa, pero era o que faltaba que houbera que deixarlle a unha capela despexado o horizonte porque estaba antes, e ¿canto ángulo abarcaría esa panorámica? ¿qué habería que ver sobre a cuberta da capela? ¿os montes?
Ademáis a capela é fea con ganas, parece un cabano encalado, por moitos santos que teña dentro. Fálase de beleza da pedra... ¿por qué non a restauran?
Saúdos

Primeiro dicir, que fantastico concurso de choiva. Espero que se repita este ano. Eu xa lle propuxen a algun membro de choiva, que o proximo deberia ser de cousas fermosas, que ainda que menos, tamen se poden atopar no noso concello.
Xa salimos na "voz", TVG e proximamente en tele 5 por o feismo, asi que agora toca que nos coñezan por o "guapismo"...
En segun lugar, dicir que eu presenteime o concurso, e ainda que non ganei, teño que dicir que a laboura do xurado era complicada posto que elexir 3 entre mais de 200 fotos non e facil.
Por tanto total respeto y acordo ca decision do xurado.
Ramon:non te agobies, que por o menos debe haber 200 edificios mais feos que o teu...

Gracias o, xa quedo tranquilo. Xa estaba pensando en demolilo. O concurso de guapito estaria ben, sinto curiosidade polo resultado....... jajaja.

Estou totalmente de acordo con Jose A. Blanco, quitoume as palabras da boca. Sen sacarlle ningún mérito á iniciativa de Choiva, o do guapismo tería sido unha idea moito máis orixinal e a crítica á situación do urbanismo nas Pontes (e no resto de Galicia) moito máis construtiva. De paso, axudaría á xente do pobo (non sobra a autoestima) a ver as cousas fermosas que nos rodean, a ver que non son tan poucas como se pensa e, de paso, se cadra, daríamos á prensa a posibilidade de falar ben de nós, que xa toca.
César.

Totalmente de acordo amigo Cesar, a autoestima e moi necesaria, e moito mais positivo e constuctivo enseñar cal e o camiño a seguir, que seguro que hay mostras delo no noso pobo.
Por outro lado creo que se debian de tomar medidas con os edificios ruinosos que hay no pobo e hay bastantes.

Saudos

Eu tamén quero enviar os meus parabéns a Choiva Azeda e a todos aqueles que ultimamente andan a reivindicar o valor do patrimonio das Pontes.

Segundo miña opinión o edificio de vivenda detrás da Capela do Carme e un exemplo típico do descontrol urbanístico e as tomaduras de pelo que caracterizan o feismo. Cun edificio sexa rosa non quere dicir que sexa fermoso. O edificio en cuestión:

-Excede o volume permitido nesa zona co típico “timo” do baixo cuberta. A planta baixa, dedicada a garaxes, e moito máis alta ca das outras edificacións tradicionais.

- Pódese apreciar como está fora de escala respecto as edificación que tradicionalmente rodeaban a Capela. E como en vez de axudar a esta e o espacio ca rodea entra en claro conflicto con ela.

-Fai unha cousa alucinante: ocupa o espacio público, invadindo a beirarua da Avenida do Ortigueira, prexudicándonos a todos os petóns e impedindo que teñamos unha Avenida polo menos cunha alineación de fachadas. ¿Que pasaría se a todos os promotores que traballan nas pontes decidiran face-lo mesmo?

- A súa planta baixa, a parte do edificio en contacto mais directo co resto de veciños, coa praza da capela regálanos os ponteses portas de garaxes.

Non vou discutir se a Capela do Carmen e fermosa ou non. Para min o é. Ten un valor cultural, sentimental e histórico. E unha das pezas que nos serven para explicar a forma e a historia da nosa Vila. Fai anos formaba parte dun grande espacio aberto que chegaba ata a Praza Roxa, un espacio verde arborado onde se celebraban festas, feiras e romarías e se practicaban deportes e que aínda hoxe pódese ler na forma urbana.

Poderíase dignificar moito mais a Capela e o seu entorno como moitos de vos suxerides. Supoño que tanto con esa foto como coa de a Vila o mensaxe que se da e o de que debemos tentar traballar e protexer polo menos os lugares mais sensibles e de maior valor do Concello.

Entón entendo que o fundamento para calificar de feísmo a imaxe, é simplemente a diferenza de alturas. Os problemas que comentas de “invasión de espazo público” non se aprecian na foto, e si tan claro estivera tal apropiación dun ben de propiedade pública por un propietario privado ¿non estaría a cousa no xuzgado?.

Imaxino que o término feísmo poderá aplicarse tamén de forma indiviual ás construccións: o seu deseño, fisonomía, acabados, proporción, bo gusto, estado de conservación, etc…
Nese caso habería que decir que se pode apreciar no mencionado edificio tanto na súa concepción e deseño, como na súa execución unha vontade de bon facer, de gusto pola calidade, e de gusto pola estética. Dende esa premisa paréceme unha aspiración perfectamente lícita dos promotores o aproveitamento óptimo do volume construído, que permitan as normas, e sobre todo dando oportunidad a maior número de veciños a vivir coas súas vivendas orientadas cara ó sur e mirando cara a unha praza pública. (Se se trata de arroxar sombra de dúbida sobre o gusto pola calidade e a estética do constructor, decir que non cabe dúbida que hoxe por hoxe, ese constructor leva anos facendo edificios dos máis fermosos do pobo).
Mentras que no caso da Capela, se pode apreciar por parte dos seus xestores, se non un estado de abandono posto que pintada está, sí un estado de renuncia a conquerir o esplendor merecido de tan insigne construcción.

Ahora considerando o término feísmo como os efectos que produce unha construcción no entorno, baixo o meu punto de vista o mencionado edificio non degrada o entorno, porque calquera construcción que se fixera nese solar, cun mínimo de bon gusto desluciría á capela, porque para eso non fai falta moito esmero, con independencia do número de alturas. Nese sentido, o que degrada o entorno é o baixo grao de autoesixencia dos xestores da capela en canto a estética da mesma, na medida en que según vos, a súa presenza se debera tomar como punto de referencia de toda construcción que ose rodeala.
Porque xa me diredes si houber que facer un edificio en concordancia coa capela…había dar gusto velo. Porque ou lle fas un telón de fondo oscuro, ou unha casa de pedra, que desentonaría á súa vez coas construccións do lado, ou expropia o Concello o terreo. Pero claro, neste caso iría a conta dos contribuíntes, que de seguro preferirán unha normativa que lle obligue ó propietario renunciar ó valor do seu terreno urbán, en beneficio do interés público, a cambio de nada. Seguro que moitos adalides do feísmo, botarían chispas de verse no caso.
Pero incluso si o cidadán propietario afectado pola presencia da capela, de motu propio lle dera por renunciar a rendabilizar a súa propiedade, lle dera por facer unha vivenda de tipo tradicional ¿estaría amparado dalgún xeito polo concello? ¿ podería acollerse ás axudas que a Xunta de Galicia aprobou para rehabilitación de vivendas en conxuntos de interás histórico, para o cal é indispensable que o Concello teña feito tal calificación? ¿ Tén o Concello calificada a zona e vivendas perimetrais da praza como conxunto de interés histórico?

Eu ratifícame no dito. Para retratar o feísmo no noso Concello, si por tal hai que entender as construccións que degradan o seu entorno hai casos a moreas de moita gravedade e importancia si os comparamos con esa diferencia de alturas edificio-capela. Moitos deses casos foron retratados en moitas das fotos do concurso, en fotos de gran calidade, e máis merecedoras de premio. E un caso sangrante está ó outro lado da Capela.

Por outro lado non sei porqué vos empeñades en decir que o edificio é rosa, ( e por suposto en ningún momento fixen mención á sua cor para enfatizar a beleza do edificio ) porque eu non lle vexo o rosa por ningures, e o baixo non tén so garaxes. Ademáis qué problema hai en facer garaxe nun baixo? Cantos hai en As Pontes?

Saúdos

Ingmar
Plas plas plas.
-Garaxes? a plaza esta rodeada literalmente deles
- Hay unha foto que mostra o que habia antes do edificio. Unha casa de pedra que pola pinta que ten parece anterior a capela.

E pregunto eu, se e asi. ¿porque se fixo a capela
tan pegada nesa casa podendoa facer mais centrada na
plaza? E se e asi o primeiro edificio en invadir o espacio de outro e a propia capela como se pode ver a foto na direccion da baixo
http://perso.wanadoo.es/r.j.allegue/plaza_do_carmen.html
Saudos

Moi interesantes os comentarios. Observase na maioría pouca crítica, non gustades de cando vos dín verdades á faciana. Pois é o que hai. O feísmo nas Pontes é un fenómeno galopante, e a xente máis nova xa nin o percebe, porque naceron nel. Agora que volven as eleccións, xa veredes como nin se nombra. Somos igualiño cas avestruces.
O derradeiro comentario é moi triste. Está a altura daquel outro que fixera o actual presidente de USA cando afirmou que un dos principais problemas dos incendios forestais, era o gran número de árbores.
Que país!

Feísmo, claro que o vemos, ¡vaia se o vemos!!!
Efectivamente vaia país.

Pero de verdade pensas que nun pobo, que permitiu o achegamento ilegal da mina de lignito prácticamente ás portas dun barrio como o da Casilla, e permitiu a desviación da estrada que cando a vella ó lado da mina empezaba a ter fendas... un municipio sembrado de construccións abandonadas e sen rematar, un rural prácticamente abandonado, antiguas casas con engadidos de ladrillo á vista, palleiras de bloque e uralita cheas de ferros e trapalladas, electrodomésticos vellos arredor das casas..., concentracións parcelarias que desfixeron a paisaxe e non tiveron o presuposto efecto positivo na realidade socioeconómica...
nun municipio así ¿vamos ter que tragar como paradigma do feísmo pontés o contraste Capela do Carme-edificio de detrais?

...central térmica á beira do Eume, naves industriais á beira do río Chamoselo...
Capelas de séculos de antigüedade nun estado de cutrez impresentable... eso sí pintadas á conta das arcas municipais, mentras se nega o mínimo mantemento a outras construccións públicas...

¿E os políticos locais que pensan de todo isto? ¿Teñen no seu programa electoral algunhas medidas para derruir as edificacións abandoadas e para multar os incumprimentos das normativas municipais? ¿Importalles realmente o estado de caos que amosa a nosa vila? ¿Ata cando deixar facer o que a cada un lle pete?

Representantes!!! Defendede o interese público!! É a vosa obriga!! E a nosa é esixirllo!!

Volvendo a o tema o que aqui se esta a defender e que o edificio en cuestion non e merecedor do 2ª premio.
Hay que te los ben postos pa defender esa postura ou ser cego.
Moitas das fotos que se presentaron denunciaban o que estou a decir e habia moitas e con moi pouco custo arrenglanse. Alguns exemplos.

-Siveiros nas aceras, ¿Por que non se limpan? E alguns pretenden ter limpos os montes

- Ruinas que e increible que se manteñan en pe.
¿Por que non se derriban? E plantase un arbol no seu lugar.
-Edificios municipais con un capa de merda na fachada impresionante debido entre outras cousas aun diseño inapropiado a nosa climatoloxia.
¿Por que non se lavan esas fachadas?

Agora empezo a entender por que o xurado non premiou a esas fotos que denunciaban o que estou a falar. Esas fotos denunciaban algo que nos iba a quitar os colores de verdad, o peor dos feismos
o GUARRISMO.

Spontex ...

Ademáis ahora resulta que gardar o coche no baixo é feísmo. Onde o hai que gardar logo?

qué ten que ter un baixo para non ser feísmo? unha sucursal bancaria?
un McDonnals?

Un tema que me interesa moito precismante ¿Onde se gardan os coches?. Ou mellor donde se aparcan.
Desde aqui quero denunciar a os magnificos feligreses que acuden a misa de esa maravillosa capela con forma de palleira na que todos os edificios atentan contra ela (no me estraña), bueno a o que iba o que si e de foto e como aparcan estos señores, impresionante, e un ataque contra toda norma de sentido comun e de minimo respecto hacia os demais. A xente que vivimos na plaza aparca en bateria no lateral da capilla e na acera de enfrente.
Pois ben estes señores tan bos, aparcan no medio da plaza, donde e bateria a outro xeito, enfrente dos vados e mesmo algun no medio da calle.
Eu non son unha persoa agresiva pero neses momentos cando chego co meu coche e encontrome con isto poñenseme os pelos de punta.
¿Como se chama isto?
¿feismo?, ¿Pailanismo? ¿home de cromañon?, pachuloyo?
Unha lastima que non aprecera unha foto reflexando isto.

Todo esto está moi ben, mais non deberíamos quedarnos aí. Deberíamos facer unha refexión sobre que é o feismo, porque todos falamos del, temos libros, fotos, artigos, mesas redondas... pero resulta que non sabemos do que falamos. Para uns o feismo é un edificio de 5 alturas ao carón dunha capela, mentres para outros é a capela-palleira a causante dese feismo. Estou seguro que hai xente que opina que nin unha cousa nin a outra, e que ese contraste é fermoso.
Se vos digo a verdade, eu conformaríame con que os edificios (as cousas que nos rodean, en xeral) estiveran minimamente coidadas, limpas, aseadas, enfoscadas e pintadas, con que se pecharan os soares abandonados... Logo, que esas cousas sexan máis ou menos bonitas, proporcionadas ou axeitadas ao contorno... esa xa é outra historia e, polo que se ve, outra discusión.

Boas Cesar,
efectivamente o concepto de feísmo en sí mesmo é obxeto de moitas reflexións e discusións. A data de hoxe non hai un acordo que defina clara e obxetivamente os contornos dese concepto.
Tes razón que hai xente que opina que o contraste que mencionas é fermoso, e que é preferible un bo contraste que unha mala imitación.

En calquera caso é importante poder opinar, discutir, confrontar argumentos. Pero podes ver que hai xente que mexa axiña fora do testo, descalificando ó interlocutor porque non acepta as súas "verdades absolutas" en lugar de rebatir con argumentos.

Saúdos.

Aqui tedes unha definición, que igual contenta a todos, a min persoalmente gústame:

http://www.xente.mundo-r.com/44039W0001/feismo/quees.html

Xa diredes que opinades. Saúdos.

Eu estou totalmente de acordo con ela:
el "feísmo arquitectónico, urbanístico o paisajístico" se entiende como todas aquellas construcciones o obras humanas que degradan de algún modo su entorno.
A foto que lle deron o 2º premio se vos fixades podes ver que hay un home na porta da capilla.
Se a foto a sacase ese home ¿Que veria?
Pois veria unha construccion humana que mide mais de 300 mts de altura e que ademais de degradar a vista degrada o medio ambiente ben degradado.
http://perso.wanadoo.es/r.j.allegue/plazadocarmen.html
E estou a falar do concepto de feismo non dos cartos que da nin a riqueza que xenera. E comprendo perfectamente que te avitues a comvivir con ela. A min chamabame moito a atencion cando vin a vivir as Pontes, agora non.
Bueno, solo quero aclarar que capela con forma de palleira non o fixen en tono despectivo nin moito menos, se non dando a entender que na miña opinion non e un edificio que reuna grandes dotes arquitectonicas, espirituais sin lugar a dudas que si.
Por certo a foto gañadora do 2º premio esta trucada, non garda proporcionalidade e alargada pa darlle mais altura.

Saudos

Existíu un proxecto, hai anos, polo cal se pretendía construir no lugar da capela un grande santuario. Realizáronse mesmo os planos de esa edificación que logo quedou en nada por diferentes motivos. Probablemente o seu impacto tería sido forte. Eu, que coñecín esos planos, dígovos que me quedo coa "palleira" e incluso cos restos que se conservan a poucos metros da antiga capela "das arañas" que precedeu á actual do Carme. A nivel práctico aquel macrosantuario que se ía ubicar no medio da praza do Carme tiña unha visión de futuro que predecía un crecemento da vila nesa dirección, como así o foi, e pretendíase ubicar o núcleo parroquial de culto nun lugar máis céntrico e menos apartado que a ubicación actual da parroquia. Sen entrar a xulgar feísmos ou non, nin a opinar sobre o tema, deixo que sigades debatindo, so quixen darvos este apuntamento para que contedes con novos datos da realidade. Por outra banda, existen unhas normas de patrimonio á hora de intervir nas fachadas das capelas, e pódovos dicir que non resulta moi doado realizar ningún tipo de intervención. Por exemplo, ainda que a capela tivese máis pedra na fachada, dado o tipo de pedra pequena, patrimonio obriga a recebar no xeito en que está na actualidade. Nas obras de acondicionamente e arranxo do tellado de hai poucos anos púxoselle á capela un voladizo en formigón para o tellado que non lle fai moito aquel, pero o arquitecto, os permisos do concello e de patrimonio sabrán con qué criterio tiña que ser así naquel momento.
Sexa, ou non sexa fermosa, está dentro do estilo característico das da zona (Caneiro, Pontoibo, ...), e neste caso estamos a falar dunha obra de 1740, refeita por aquí e por aló en diferentes ocasións, e froito do esforzo voluntario dos propios veciños, especialmente na época do párroco don Faustino Santhomé de Aguiar. Nese tempo non había feísmo, e aquelo era un campiño sinxelo, preto da casa rectoral. A capela era unha eficiación solitaria, e que precedeu a tódalas demais. Din os apuntes dos arquivos históricos que fun topando, que incluso con moita lameira e, xa por entón, perto do camiño que ía cara a Ortigueira. Mirada así, é un signo da identidade do pasado da vila, por diante dela pasaron xeracións, e as tradicións da vila mantiveron que os que falecen teñan un acompañamento especial dende esa capela onde as xentes agardan o seu cadáver.
Como vivairense, gústame os eficios, civís ou relixiosos, que permanecen no tempo no meu pobo. É gústame chegar a Viveiro e atopar cómo cambian moitas cousas, pero como esos edificios permanecen aí e siguen a falarme da miña vila. Creo que precisamos coidar certos referentes espaciais que entrañablemente nos lembran o que fomos, e nos achegan á nosa memoria lembranzas que nunca borrou o tempo. Un saúdo. Xabier

Se agradece a información Xabier.
Saúdos

Ingmar cantos anos levas vivindo nas Pontes? pareces non entender que o pobo non permitiu nin tolerou, senón que se vendeu ao capital por non poder ceder á súa visión. Manda carallo cos que falades da palleira e logo o concello que é un cortello, de vacas ou de porcos?
Sodes unhos nacionalistas baratos de medio pelo os que nas Pontes estades a dar alento ao señor vitolo and company, seguide así criticando sen aportar nada que así construiremos unha vila mellor.
Falando e debatindo non se aporta, apórtase traballando nas propostas, non no sofá da casa cun bonito teclado que manipular en benefizo propio. Apórtase organizando un concurso pioneiro en Galiza como o que presentou Choiva Ázeda, así se aporta non aquí criticando a decisión dun xurado "por que a casa é miña". Vergonza haberiabos de dar que a vosa casa saira no xornal como exemplo do despropósito urbanístico local.

Ingrato mariano teño que darche a razon, pero e que estabamos a falar de 2 cousas disintas.
-Por suposto, si o que eu defendo vaille quitar forza ou perxudicar a o que se denuncia no concurso non sigo debatindo.
- Eu falaba doutra cousa.

Voa iniciativa a de choiva aceda.

Ata outra.

Pedazo falta que cometin, perdon. Repito
Boa iniciativa a de choiva aceda.

Señor ingrato mariano,
chámelle X, tolerar, vender a un barrio (que non venderse), ou como guste.
Seu comentario é unha empanada.
Non critico a decisión do xurado porque a casa sexa miña. A casa non é miña. Eu non teño casa.
Ó mellor non era mala idea facer outro concurso, cada quen publicando a foto da súa propia casa.

Ninguén pretendeu quitarlle mérito á iniciativa de Choiva Ázeda, nin negar a evidencia de que este pobo está afectado polo feísmo. De eso dase conta calquera que lea.
Imaxino que unha das aspiracións desta asociación con este concurso é crear debate social sobre o problema.
Pois ben, así sea, eso non exclúe o debate nos foros, nin exclúe a ninguén como participante.
Participar nun debate nun foro non dí nada respecto da aportación persoal á solución dos problemas que se debaten. Polo tanto o que saque tan precipitadas conclusións acerca dunha persoa, actúa de mala fe.
Apórtase debatindo, (non vamos tan sobrados nesta sociedade como para renunciar á liberdade de expresión), apórtase facendo propostas, apórtase denunciando o alleo, e sobre todo apórtase facendo autocrítica.

Si traballo na dirección de levar a cabo meu soño de optar por vivir no rural restaurando unha vella casa de pedra, acondicionar o seu entorno... ¿considerarío vostede suficiente mostra de aportación mediante traballo a redurir o feísmo?
Si digo que a Capela do Carme debería ter mellor tratamento ¿considarao vostede unha aportación mediante proposta?
Si denuncio neste foro o inaceptable estado da entrada á rúa Capela, o cal ten solución ¿considerao vostede unha aportación contra o feísmo?
... en concreto señor mariano, vostede ¿qué veu a aportar? ¿qué veu a propoñer?

Sr ingrato mariano como no me contestou, entendo que debatindo non perxudico a iniciatiba de choiva aceda.
1ª Vou lle dar un consello, lea ven por que mezcla cousas que din uns e outros e asi e moi dificil seguir un debate.
Enton voulle contestar:
-Diccionario da real academia de galicia
Palleira: palleiras.f. Lugar onde se garda a herba seca ou a palla, e tamén os apeiros e o carro. SIN. pallar.CF. alboio, alpendre, cabanel, pendello.
Falase da forma non do que ten dentro.
-o concello que é un cortello, de vacas ou de porcos?
Esa frase e sua, asi que contestate a si mismo..
-Sodes unhos nacionalistas baratos de medio pelo.
Eu de pelo ando bastante ben. Grazas
-estades a dar alento ao señor vitolo and company
¿O concurso de que se trataba? ¿de quitarlle o alento a ese señor?
-seguide así criticando sen aportar nada que así construiremos unha vila mellor.
-Si lee mais arriba, nos comentarios que fixen vera alguha aportacion de como arreglar alguns deles. E por certo moi baratos.
-Apórtase traballando nas propostas, non no sofá da casa cun bonito teclado
O teclado xa ten unhos anos e para escribir utilizo unha banqueta, o xofa diante dun ordenador seria unha foto que ben poderia participar no concurso, iba causar algo de risa.
-Apórtase organizando un concurso pioneiro en Galiza
Se e da organizacion, bo traballo
-así se aporta non aquí criticando a decisión dun xurado "por que a casa é miña".
Aqui xa hay un argumento:
1º Efectivamente vivo nese edificio
2º Adquirino por varias razons: vino bonito, centrico, e moi soleado, vexo o sol dende que sae ata que se pon, ten unha vista amplia a unha plaza publica, a vista ten un pero, vexo un demonio botando fume oa fondo, ainda que quiteille utilidade, sei de que lado ven o vento.
3º Critico a decision do xurado simplemente por que non a comparto.

¿Non che parece un argumento suficiente?

Chapeau! Ramón

Penso que o que se tratou con a iniciativa(potenciada e financiada dende o concello do BNG) foi tratar de desprestixiar o de sempre a pouco que se mire a casa na que ten a librería o Alcalde ou o esperpento a caron do Auditorio Municipal darase un conta que o que se quixo facer(con pouco exito ende logo) e buscarlle as cosquillas o enemigo politico.E a historia de sempre.Porque non din os de Choiva Acida canto lles deron e cales os consellos.

O que e bonito e o caseto onde os de Choiva Aceda chutanse xunto o campo de rugby.

A min o que mais me gusta e a casa don de ten a libreria o exalcalde.Que vos parece?
E a casa con chapas pra recoller escombro que esta a caron do Alovi,a que e bonita tamen?

Esta muy bien que todo el mundo opine de todo pero como es facil de comprender sin mas elementos de juicio que la propia opinion en ocasiones se dicen cosas que rozan el absurdo(lineas de edificacion,urbanismo bueno o malo usos permitidos etc).
Todo esta muy bien pero en su sitio y esto esta muy bien pero un poco fuera de su sitio y lo que es peor dirigido.
Es otra opinion,nada mas.

Sebas, acabo de ver o teu comentario, e só decirche que estás máis perdido que un polbo nunha garaxe. A iniciativa partíu de Choiva Azeda se ningún tipo de apoio do Concello (porque non fixo falla, só era organizar un concurso e unha exposición, non precisabamos consultores nin asesores internacionais), nin os cartos tampouco, que foron resultado da venda dos "almanaques azedos", se non lembras mira neste enlace:

http://choiva-azeda.blogspot.com/2005/12/calendario-charla-intermon-oxfam.html

A única intención foi provocar na xente debate sobre a situación patética do urbanismo nas Pontes. E tivemos éxito, xa que tivo moita repercusión: saíndo publicado na Voz na edición galega, na TVG, en Tele5, e en varias radios.

Todo o demáis son teorías maquiavélicas, que mostran unha inocencia malsana, da que nós estamos curados de espanto. No ano 2.003, lembro cando fixemos unha exposición con pegatinas de organizacións políticas, sociais, ecoloxistas, relixiosas, etc., e como algunha era da eta, acusóusenos por parte de xente que nin fora a vela en persoa que eramos uns jarrais apoiados polo goberno (pq nos deixaba un local público -Mercado Vello-, como non, se o solicitamos e estaba libre). Bueno, como toda publicidade é boa, aínda que sexa mala, tivemos moito máis público, e os que iban a ver as pegatas da eta, atopaban que ao seu carón tamén as había de franco e da falange, e de calquera organización histórica. Que finalmente era o obxectivo, mostrar a promoción de distintas organizacións durante a transición, e non facer apoloxía, nin moito menos, proselitismo.

Unha aperta.