A Mourela, váiselles

14 de Decembro 2007

A CPTOPT está a acometer unha actuación de emerxencia na gabia da Mourela debido á inestabilidade dos terreos

Hai xa semanas que varias máquinas e traballadores afánanse na estabilización dos taludes da Mourela realizando operacións de gunitado, mediante as que tratan de evitar que a altura excesiva da gabia, remate con parte da Mourela derrubada.

Dende a Plataforma cremos que si ben a construción da gabia significaba a destrución da necrópole megalítica, esta operación non foi correctamente concebida en base á inestabilidade dos terreos, o que podería por en serio risco a integridade dos vehículos que algún día cheguen a transitar pola autovía. Os desprendementos que agora tratan de evitar poden producirse nun futuro non moi lonxano e as condicións ambientais rigurosas no inverno, poden propiciar asemade que debido ao excesivo da altura dos taludes, o marxe de penumbra da gabia sexa tan elevado que cando se produzan as xeadas de inverno, máis de un vehículo poida verse afectado mentres circula.

En previsión disto e tratando de garantir a conservación do conxunto funerario da Mourela, o Nadal pasado propúxose dende a Plataforma e ADEGA unha solución viábel, a construción dun túnel co que se compatibilizaba o paso da autovía coa conservación do lugar arqueolóxico e do círculo lítico. Era algo sinxelo, algo que se lle ocorrería a calquera e que mesmo recibiu o apoio inicial da Dirección Xeral de Patrimonio.

A solución que era técnica e económicamente executábel foi desbotada logo dun informe arqueolóxico, que aínda non foi feito público. En todo caso dende a Plataforma cremos que a teima da Administración por desbotar a solución do túnel, respostou máis a criterios economicistas que a condicionantes técnicos ou arqueolóxicos.

Hoxe, ao subir ao lugar da Mourela e ver o que alí está a acontecer, cuestionámonos:

Canto custou o desmonte da Mourela ?

Canto custou calar a boca da constructora por estar máis de un ano parados naquel punto ?

Canto custou montar ese paripé arqueolóxico para xustificar a destrución do conxunto megalítico ?

Canto custou que Patrimonio mirase para outro lado e permitise a destrución da Mourela ?

Canto lle custará ao pobo perder outro anaco máis do seu pasado ?

Canto custa que os veciños da parte de Momán teñan que dar un rodeo porque a alguén se lle ocorreu eliminar unha ponte do Proxecto Inicial ?

Canto lle custará ao pobo que o tráfico procedente do sur, a nosa comunicación con Castela e con Europa, chegue ao pobo por un camiño en pendiente que morre nun stop no medio dun polígono industrial ?

Canto están a custar as actuacións de emerxencia para a estabilización dos taludes excesivamente altos, maiores incluso que os do Proxecto Inicial ?

Canto custaría facer un túnel co que se avanzaría nas obras do tramo, non se paralizarían os traballos durante máis dun ano e medio e permitiríase a salvagarda da necrópole megalítica da Mourela ?

Canto Máis ?

Publicado por CyberMODE -- 14 de Decembro 2007 as 12:00 PM

Axúdanos a traducir aplicacións ó galego

Comentarios

Se a vista non me engana, nas fotos que se acompañan o artigo, vense traballando a persoas colgadas nunhas cestas suspendidas de ambas gruas.Estos equipos de elevación están prohibidos atentando contra a seguridade dos traballadores e dos equipos. CANTOS MÁIS ?accidentes ten que haber para que se tome as medidas de seguridade no traballo e que é o responsablel destes traballos. NON HABRÍA QUE DENUNCIALO ?.

Publicado por : Un compañeiro -- 14 de Decembro 2007 as 06:49 PM

esto é outro grao de area, nunha montaña de escombros administrativos. Sentindoo moito, creo que temos o que nos merecemos, por conformistas e alienados.
Queremos progreso a toda costa... toma cambio climático. Queremos autovías como sexa... toma destrucción do patrimonio natural e cultural.

Publicado por : outro máis -- 14 de Decembro 2007 as 07:19 PM

habería que denunciar iso e moito máis, pero a plataforma non está disposta hoxe por hoxe a asumir labouras propias de sindicatos ou organizacións laborais. xa coa situación que está a viver o patrimonio das pontes, temos dabondo pra xestionar a súa defensa. se a lexislación se cumplise por parte das administracións e se respectase o que é noso, non habería que montar plataformas e non se xerarían situacións de confrontación como a que se está derivando desa exposición "arqueolóxica".
a vindeira semana, moitos dos que hoxe falan e din que se a importancia do círculo do Bidueiral, das mámoas das pontes, de ... cecais fiquen incrédulos observando como a plataforma volve a denunciar gravísimos impactos contra o noso patrimonio , que serán de novo denunciados ante as autoridades competentes. os responsábeis que se ateñan ás consecuencias de dar pasos en falso.

Publicado por : xosé maría lópez fernández -- 14 de Decembro 2007 as 08:43 PM

Os equipos de traballo son legais. Antes de falar saber do que se fala.

Publicado por : carlos -- 11 de Marzo 2008 as 03:05 PM

legais non sei se serán, pero o que está claro e que as obras de asentamento da gabia non serviron pra nada. E levan fusilado unha cantidade de cartos nese tramo, que se se fixese o túnel que defendía os rapaces da plataforma, facía tempo que estaba o tramo en funcionamento. Cousa da inxeñería, tantos anos na universidade... pero sen sentidiño ningún.

Publicado por : autovía xa -- 30 de Maio 2008 as 09:35 AM

Engade un comentario