ENTREVISTA A ISMAEL VEIGA BALSEIRO, por Xóse Ferreiro

O piloto pontés Ismael Veiga Balseiro conseguiu hai un par de semanas en A Capela o seu 14º título de campión galego, a pesar de contar con tan so 17 anos. Mantiven unha conversa con Ismael e estas son as súas opinións.

- Hola Ismael, noraboa polo recente título, ¿gañas tantos que xa estás acostumbrado ou polo contrario celebralo coma o primeiro? ¿Que sentiches en Vilar de Mouros cando cruzaches a meta e te proclamaches oficialmente campión?

Sempre fai ilusión, porque cada ano hai, ou ben cambios de categoría ou cambios de pilotos, polo que non sempre se compite ó mesmo nivel nin coa mesma xente. A verdade é que ó cruzar a meta non sentín nada, xa que me enterei despois de rematar a carreira que gañara.

- Gañas o título a falta de unha proba, ¿foi doado ou máis complicado do que parece? ¿Cómo valoras esta tempada?

É máis complicado do que parece porque hai bos pilotos e non te podes permitir ningún fallo. Esta tempada foi boa porque gracias a Deus non tiven ningunha lesión e a moto comportouse bastante ben.

- ¿Como te iniciaches neste mundiño? ¿Cando che empezaron a gustar as motos?

Comecei con 4 anos con unha moto automática que me emprestaron e ó ver que se me daba ben, o meu pai mercoume unha. Despois de anos adestrando, á idade de 8 anos decidimos competir no campionato galego e dende entón ata agora.

- Se non me equivoco, fuches 7 veces campeón galego de Super Cross e outras 7 de Motocross, case nada, ¿Cal foi a victoria que máis ilusión che fixo e cal foi o titulo que máis che custou gañar?

Polo momento, o que máis ilusión me fixo, e á súa vez o que más me custou, foi chegar a alcanzar o 2º posto en sénior, xa que é a categoría "reina", e agardo acabar así a tempada. Pero isto non quere dicir que os anteriores títulos non sexan importantes xa que me axudaron a estar onde estou.

- ¿Que che gusta máis?, ¿motocross ou supercroos?, ¿Cales son principais diferencias entre ambos?

A verdade é que non podo elexir, porque depende do circuito. Pero o supercross é máis divertido, xa que ten moitos máis saltos que o motocross e os saltos é unha das cousas que mellor sei facer.

- Nestes anos viaxaches por toda Galicia e coñecerás moitos lugares e circuitos, pero ¿cal é o circuito que máis che gustou?

O de Vilar de Mouros é un dos meus favoritos, porque é un circuito moi completo e moi coidado.

- Como afeccionado, supoño que sigues todo o que engloba o mundo das motos, ou decantaste por algunha especialidade en concreto, non sei, por exemplo, Edgar Torronteras e Dani Torres (Freestyle), Iván Cervantes (Enduro), Marc Coma (Dakar), Pedrosa e Lorenzo (Velocidade) ou Toni Bou e Adam Raga (Trial)…

O supercross de Estados Unidos é un dos meus favoritos e o que máis sigo. O malo é que non o retransmiten na Televisión, e teñoo que ver por internet.

- ¿Cal é o teu piloto/s favorito?

Desde pequeno o meu piloto favorito foi Stefan Everts, un piloto belga de motocross varias veces campión do mundo.

- Gran piloto, si señor, ¿A onde che gustaría chegar no mundo das motos? ¿Como te ves nun futuro?

Como a todolos deportistas ó máis alto, pero é moi complicado. Neste deporte non se pode predecir o futuro, xa que unha lesión pode apartarte dos circuitos e neste deporte é moi fácil lesionarse.

- Para os que non o saiban, Ismael Veiga foi un brillante lateral dereito que xogou nas categorías inferiores do CD As Pontes, incluso gañou varios títulos de Liga e Copa. ¿Cómo valoras os teus anos como futbolista? ¿Deuche pena deixalo ou os teus múltiples compromisos coa moto facíanche moi dificíl compaxinar ambos deportes?

Teño bos recordos e fixen moitos amigos, ademáis o fútbol axudoume moito para prepararme físicamente para ambos deportes. Deume pena deixalo, porque nun principio abandonei o fútbol por unha lesión. Pero actualmente tampouco poderia compaxinar futbol e motocross xa que ó subir de nivel, aumenta tamén a dedicación en ambos deportes.

Pois moitas gracias Ismael e moita sorte este fin de semana en Meis e a ver si consigues manter o segundo posto na clasificación Senior.