Intensa fin de semana de competición no piragüismo esta fin de semana.
Os representantes do club pontés desplazaronse a Tui e Betanzos para participar nas respectivas competicións da Liga Galega de Descensos, Travesías e Maratón.
O sábado en Tui celebrouse a 41º edición do Descenso do Miño, cunha participación record de arredor de 700 padexeiros principalmente de galicai pero tamen do resto de España, Portugal e incluso de Sudafrica .Grupo Xuvenil acadou unha meritoria 18º posición na clasificación xeral por clubes, destacando o 11º posto de David Tonislavov en K1 home cadete, o 6º posto en k2 home Junior de Pablo Moreno e Alex González, e o 20º posto en K2 home senior de Ernesto Gancedo e José Manuel Bellas, que na clasificación oficiosa de veteranos serían 4º.
O primeiro posto absoluto foi para a K2 dos sudafricanos Antony Scott e Cam Shoeman, en en k1 o tudense Ivan Alonso seguido de preto polo portugués Alfredo Miguel Nogueira e o pontés (ainda que representando ao club de Viveiro) Antonio Polo.
Xa o Domingo na Travesía da Ria de Betanzos salientar a 3ª posición de David Tonislavov en K1 home cadete, os postos 14 e 16 de Alex González e Pablo Moreno respectivamente en K1 home Junior, e o 18º posto de Ernesto Gancedo en k1 home senior.

Un ano máis a parroquia pontesa de Ribadeume celebrou as súas festas patronais na honra á Asunción de María e San Roque, que por mor do calendario adiantáronse á fin de semana anterior ó 15 de agosto, día no que máis de 250 vilas, parroquias e aldeas de Galicia celebran a festividade da Virxe de Agosto.

A boa climatoloxía acompañou a estas tradicionais e populares festas, que comezaron o venres cunha verbena coas orquestras Xente Nova e Combo Dominicano. O sábado, despois das bombas de palenque, celebrouse a misa na honra da Asunción de María, seguida da procesión e a sesión vermú coa orquestra Fania, que tamén estivo na concorrida verbena da noite, o mesmo ca do venres, xunto a Super Combo.
Na derradeira xornada, o domingo, repetíronse os mesmos actos relixiosos con misa e procesión, para despedir os festexos deste ano coa sesión vermú do grupo Fusión, que ofreceu o mellor do seu repertorio ós numerosos lugareños e visitantes que se achegaron a esta fermosa parroquia pontesa.

Salientar que na xornada do sábado a procesión pasou sobre unha alfombra floral que ía dende a igrexa ata o cruceiro e na que se representaba o máis emblemático da parroquia, a música. Pois Ribadeume foi e é terra de músicos, unha tradición que comezou co párroco Juan Vázquez Vázquez alá polo ano 1909. A alfombra comezaba no adro da igrexa cunha figura representando ó cura, seguida dun pentagrama musical e varias estrelas con diversos instrumentos musicais para rematar no cruceiro coas figuras da Asunción e San Roque e unha representación do sarcófago paleocristián, que se atopa á carón da igrexa, ademais dunha cabana castrexa, pois hai que sinalar que Ribadeume é unha terra de castros, os chamados de guarnición.

[BOP, 13 de agosto 2012] O Pleno do concello, en sesión do día 09 de agosto de 2012, aprobou inicialmente o orzamento xeral correspondente ao exercicio de 2012, así como o cadro de persoal para o dito exercicio.
O citado orzamento queda exposto ao público na Intervención deste concello por prazo de quince días hábiles, que comezarán a contar dende o día seguinte á inserción deste anuncio no Boletín Oficial da Provincia, durante o cal os interesados poderán examinalo e formular, ante o Pleno, as reclamacións que estimen pertinentes, de conformidade co disposto no artigo 169.1 do Real Decreto Lexislativo 2/2004, do 5 de marzo, polo que se aproba o texto refundido da lei reguladora das Facendas Locais.
No caso de que, transcorrido o prazo de información pública, non se tivesen presentado reclamacións, o orzamento considerarase definitivamente aprobado. En caso contrario, o Pleno disporá dun mes para resolvelas.
O que se fai público para os efectos previstos na citada lexislación.

[La Voz de Galicia, por Xavier Alcalá] Don Manuel Molares Porto é un home poliédrico e lonxevo. O traballo nos ferrocarrís ensinoulle o que custaba o carbón mineral, a súa amizade con carboeiros ensinoulle o valor do carbón de toxo. Cando chegou o butano pasou aviso: unha bombona facía o mesmo servizo que un carro de leña acarboada. Leña, carbón de leña e carbón mineral teñen un longo percorrido parello durante a Historia. Serviron para quentar lares e fundir metais ata que se puxeron ao servizo do vapor. A revolución industrial provocou unha grande avidez polo carbón mineral. Ollando o mapa do mundo logo se ve unha relación de avances técnico-científicos, económicos e sociais coa proximidade ás minas de carbón. España non tivo sorte nos repartos da Mai Natura: aquí o carbón sempre foi malo de apañar.

Casa del Libro ha puesto en marcha Ediciones Tagus, su editorial digital, que publicará mensualmente 2 o 3 obras accesibles desde cualquier e-reader o dispositivo electrónico. Casa del Libro ha creado Ediciones Tagus, su sello editorial para el entorno digital. La apuesta se enmarca en estrategia por diseñar una completa oferta de lectura digital en castellano.