A Irmandade As Pontes-Lesneven-Carmarthen convoca unha nova edición dos cursos de francés e inglés nas modalidades de iniciación e perfeccionamento, dirixidos a adultos e escolares.

As clases de lingua francesa, que tiveron o seu inicio no ano 1992, serán os luns e mércores (de 20,00 a 21,30) e as de inglés, os martes e xoves, tamén no mesmo horario. As clases serán impartidas no edificio de cultura “Casa Dopeso”. Requírese un mínimo de seis alumnos por clase.

O inicio dos cursos está previsto para o 1 de outubro. Para inscrición e máis información os interesados poden facelo ó correo-e irponlescar@hotmail.com ou chamar ó teléfono 662.393.596 antes do 30 de setembro.

A Irmandade pontesa tamén está a traballar no próximo intercambio coa cidade de Lesneven, que será en As Pontes o vindeiro ano. Sinalar que dende 1991 lévanse realizado trinta encontros de cidadáns europeos, máis os intercambios escolares cunha participación de máis de 1.500 persoas.

A IV edición do Concurso de Tapas das Pontes xa esta en marcha e como en anos anteriores poderán participar tódolos bares, cafeterías, restaurantes e mesóns de ámbito municipal.

Este ano entre as novidades que se inclúen esta a cota de inscrición que deberán pagar os establecementos interesados en participar. Para iso terán dirixirse ao local da Asociación de Empresarios e Comerciantes, na avenida da Habana nº 59, de luns a venres, entre as 9.00 e 13.00 horas para aboar dita cota. O resto da documentación requirida deberá entregarse no Rexistro do Concello antes das 13.00 horas do 11 de setembro.

Para máis información poden poñerse en contacto coa Asociación de Empresarios e Comerciantes no tfno 981451153 no horario antes citado ou ben consultar a páxina web do Ippec ou do Concello.

O lugar da Esfarrapa, un dos anacronismos da división territorial de Galicia, pois esta aldea pertence parte a As Pontes e outra a Somozas, celebrou a festividade do San Cristovo, festa que antes da explotación da mina de carbón conmemorábase na vella capela da aldea do Vilar.

As festas comezaron o sábado con música a cargo do grupo tradicional Os Suplentes. Despois da misa e procesión o Grupo Enclave amenizou a sesión vermú e a verbena da noite. O domingo Alfaia foi a encargada de acompañar a procesión e novamente Enclave puxo a música da sesión vermú.

O domingo, despois das pezas da misa a cargo de Enclave, máis de 350 persoas celebraron un xantar de confraternidade para á tardiña bailar ó son do Grupo Enclave. Un ano máis, á cita non faltou a señora Herminia de Angustio do Meidelo, quen ós seus 90 anos amosa unha excelente vitalidade e incluso se atreveu a dar uns pases de baile.

De toda esta barriada tan só quedan as aldeas da Carballeira, O Castelo, Cheibán, A Esfarrapa, Rámez e O Reboredo. Están situados ó norte da parroquia de Vilavella e neles habitan unha trintena de persoas cando en 1970 a “barriada”contaba cunha poboación próxima ós catrocentos habitantes. O lugar do Grou atópase na actualidade en ruínas. A explotación da mina, hoxe convertida nun lago de oito quilómetros cadrados con praia incluída, fixo que desapareceran para sempre as aldeas da Cartilida, O Casaldaboa, A Casalonga, O Castro da Uz, Ferreira, O Meidelo, O Outeiro, A Picheira, O Ribeirón e O Vilar.

[Diario de Ferrol] Los ayuntamientos de As Pontes y A Capela han decidido unir sus fuerzas para generar empleo. En el último municipio, el paro afecta a 105 personas, según datos del INEM.

El acuerdo se materializó el pasado viernes y pasa por la petición conjunta de ambas administraciones para acceder a un taller de empleo de los que concede la Consellería de Traballo e Benestar de la Xunta. El proyecto, presupuestado en torno a los 600.000 euros, tiene una vigencia de seis meses y está pensado para un total de 60 alumnos.