O Fendetestas derrotou ó CRAT de A Coruña nun partido no que á fin puido dispoñer de efectivos, sendo desta vez o rival o que acudía con tan só catorce xogadores.

Dispostos a reconducir o errático rumbo da primeira volta, os ponteses saíron moi metidos, sabedores de que era a súa ocasión, e de camiño acadaban o primeiro ensaio para adiantarse.

Coa mesma intensidade foron quen de manter o balón sempre en campo rival, contragolpeando con moito perigo, e seguros atrás, cando os herculinos trataban de sacudirse a presión xogando ó pé.

Xa con dous ensaios de vantaxe, o equipo visitante perdería outro xogador por lesión, co que quedaban con dous homes menos, malia o que seguiron defendéndose con moita orde, o que obrigou a redobrar esforzos ós da casa para acadar dous ensaios máis que deixaban o bonus ofensivo asegurado xa no descanso.

Virábase a situación da primeira volta, cando os ponteses xogaron todo o partido con dous homes menos, malia o que gañaron aquel choque, polo que no segundo tempo non se permitiron confianzas e seguiron mantendo o seu esquema de xogo de agrupar ata crear os espazos, e só entón despregar o xogo á man.

Os ensaios seguiron caendo ata chegar ó 50 -0 final que permite afrontar cun rearme de moral o derbi desta fin de semana en Ferrol.

O máis positivo para os verdes foi o bo papel dos máis novos, os xuvenís Borja e Miguel, e a adaptación de Antón ó posto de apertura, que asinou catro ensaios. O negativo as lesións de Ángel e do propio Antón.
Xogaron polo Fendetestas: Moncho, Lois, Xose, Ángel (Iago, min. 50), Gallardo, Rafa, Toño, Mariño, Kiko, Antón (Huesy, min. 60), Borja (Víctor, min. 70), Álvaro, Robert, Pablo, e Miguel.

3ª DIV. SENIOR CB CULLEREDO 51 CB AS PONTES 47
Buen trabajo del senior ante el 2º clasificado a pesar de que solo pudimos disponer de 6 jugadores

2ªDIV.INFANTIL MASC CB AS PONTES 31 NARON 67
Partido igualado en la 1º parte que solo se decanto a favor del equipo visitante a partir del tercer cuarto

PREMINIBASKET CB AS PONTES 33 NARON 23
Primera victoria del premini, enormes peques!!!

MINIBASKET MERCEDARIAS 84 CB AS PONTES 68
Partido muy igualado e intenso, un mal 2º cuarto marcó la diferencia, aún así siempre estuvieron cerca, lucha, entrega, muy bien chicos/as

Gravísimo paso atrás do As Pontes que tralo traspés de hoxe queda xa a 4 puntos da salvación. No soubo aproveitar o equipo local a tesitura e dar un paso adiante, nun equipo azul algo descentrado que por momentos pareceu abstraerse da trascendencia do choque, e que incluso perdeu parte da consistencia que viña amosando as semanas anteriores.

E iso que comezou ben o equipo azul e Hugo Soto quedou so ante o gardamallas visitante pero non marcou (11´), sen embargo houbo tres chegadas seguidas do Betanzos, Chote saca baixo paus (13´), tiro fora de Javi cando estaba so (15´), e un despexe de Simón a tiro de falta de Xoel, que Álvaro con todo a favor cabeceou fóra (17´). Tras pase de Bossa, Hugo Soto non puido controlar un balón que o deixaba en posición franca (30´). Tras un gran pase o futbolista pontés Xoel González Fontenla, ex Deportivo e ex selección española sub15 1997, non chega a empalar por pouco (36´). Foi no 38´ tras unha gran xogada local, que Moncho mandou un zapatazo dende fóra da área, un defensa visitante desvía e o balón acaba no fondo das mallas, e asi se chegou ó descanso.

A pesar de certos desaxustes os da terra do bendito repolo non teñen para nada mal equipo, e moito menos para estar antepenúltimos, sobre todo de medio para arriba, e non se viñero abaixo e no 51´ empataron, tras un pase de Javi, que cruzou toda a área e remata chegando desde atrás libre de marca o recén saído Marcos (51´).

O cadro de Calpita arrancou un empate na súa visita ó Somozas B (1-1). Non foi o mellor resultado pero hai que sacar a conclusión positiva de que o segundo equipo tense que agarrar a un cravo ardendo e ó feito de que, ó contrario que o equipo de Terceira e o Xuvenil da Galega que de momento teñen nin máis nin menos que seis descensos, nesta categoría, e anque Cariño e Eume andan renqueantes, de momento so hai dous, asi que os azuis situanse terceiros pola cola con 17 puntos, de momento mantendo a categoría, namentres que Barallobre con 16 e Valdoviño con 12 serían os descendidos. Nin que dicir ten que unha victoria ante o Ortigueira o vindeiro domingo sería un bálsamo.

Moi ben o xuvenil de Liga Galega que no seu desprazamento a Cervo venceu ó San Ciprián 1-2, e tendo a circunstancia actual dos seis descensos na categoría, dous naturais, e catro por arrastre de equipos do Norte da Liga Nacional, alonxa os postos de descenso en nove puntos, sitúanse séptimos con 31, a dez puntos da zona de ascenso que a marca o Vilalbés. Compostela semella garantir unha praza con 50 puntos, e pola outra loitarán Vilalbés (41), Caranza (39) e Ordes (39). Precisamente nun duelo comarcal o As Pontes recibirá ó Caranza o vindeiro sábado. Goles dos dianteiros Javi e Marcos Novo.

O equipo feminino perdeu 2-1 na súa visita ó segundo clasificado, Milagrosa, tanto de Yaiza. As de Salido quedan oitavas con 30 puntos recibindo dentro de dúas semanas ó colista San Tirso, que non será un rival doado, quedando apenas tres xornadas por disputar de Liga.

O segundo xuvenil gañou hoxe ó Portuarios por 4-1, que acabou con nove por un expulsado e un lesionado xa feitos todos os cambios anque iso non resta méritos ó triunfo dos de Javi, que marcaron por medio de Darío, que fixo dobrete, igual que hai un par de semanas, Alberto e Marcos. Son novenos con 20 puntos e a semana que ven visitan ó Meirás. Xogaron Jairo (Krikry), Esteban, Rubén, Gonza, Darío, Álvaro (Marcos), Galego (Pablo), Alberto, Tiny, Keko e Lucho.

O sábado 4 de febreiro, como peche das "xornadas acuaticas" deste outono-inverno, o Club de Piragüismo Grupo Xuvenil e o Concello das Pontes organizan unha xornada de competición de kayak-polo.
Celebrarase un torneo infantil cos nenos e nenas que participaron nas xornadas, e un de maiores no que participaran kayak-polistas do club Copacabana de Ferrol, e do Siero de Asturias, xunto con membros dos equipos ponteses do Xuvenil e o Folixa.
As competicións comezarán as 9 da maña e desenrolaranse ao longo do dia, ata as 19:00 aproximadamente, na psicina climatizada municipal.
O acceso ás gradas será gratuíto.

IX Memorial Eduardo Fernández Villamarín. Carreira de Rábade.

O pasado día 21 de Xaneiro disputouse no Concello lucense de Rábade, o segundo máis pequeno dos 315 de Galicia, a novena edición da xa coñecidísima carreira popular. Como non podía ser de outra maneira, os atletas do Olympo de As Pontes estiveron alí. Cun día moi favorable para a práctica do atletismo a pesar de estar en pleno mes de xaneiro, xuntouse unha gran afluencia de atletas e público a ver a proba. Nun primeiro momento deronse as saídas ás probas infantís, e ás 17h deuse o pistoletazo de saída á proba absoluta, onde estaba a participación do Olympo.

Sobre unha distancia de 6733 metros logrou a victoria da proba absoluta o atleta lucense Carlos Villamor da Sociedade Ximnástica de Pontevedra, gañando ó atleta ourensán da súa mesma xeneración Alejandro Fernández, do Ourense Academia Postal, cunha diferencia de tan só un segundo. O terceiro posto a máis de 20 segundos da cabeza foi para o lituano afincado en España dende fai moitos anos, e para moitos o xa galego Robertas Geralavicius, tamén da Ximnástica. Sen dúbida gran xeneración a de 1984-1985.

Desde Club Galiorient Sport´s invitaros a todos los amantes de la aventura a la presentación del Trail de Montaña "KM 29, VILA DE AS PONTES" que se celebrara el dia 28 de Julio en un enclave privilegiado y especial para la practica de este deporte.

También os queremos a la par de dicha presentación invitaros todos los amantes de las dos ruedas a conocer BKOOL sistema nuevo implantado en el mundo, el cual aporta un grado mas a tus entrenos indoor, ven a conocerlo y te sorprenderá.

Axenda deportiva da fin de semana dos días 4 e 5 de Febreiro.

HORARIOS COMPETICIÓN CLUB BALONCESTO AS PONTES 28 E 29 DE XANEIRO

O Mobles Eume segue firme para lograr o título de liga despois de catorce xornadas disputadas na liga de veteranos de As Pontes. O conxunto mobleiro continúa invicto con once vitorias e dous empates, 45 goles a favor e tan só catro en contra.

Resultados esperados nesta 14ª xornada, con goleadas de Construcións Guerreiro e Santaballés sobre As Pontes 74 (4-0) e MMYPM (4-1). Mobles Eume superou por 3-1 a La Galaxia e Farmavida a Xuntanza por 2-0. Salientar a vitoria de Maren sobre Cafetería Bahía por un gol a cero.

Segue de líder, en solitario, na clasificación Mobles Eume, con 35 puntos, seguido de Farmavida (29), Santaballés (26), Construcións Guerreiro (24), As Pontes 74 (23), Cafetería Bahía (21), La Galaxia (15), A Cepa (11), Xuntanza (8), Maren e MMYPEM (3).

Na clasificación de goleadores, segue primeiro Juancar (C. Guerreiro), con 17 goles. En segunda posición está Iván (Santaballés), con 14 tantos marcados. Con doce está Michel (C. Guerreiro), con nove, Fernández (A Cepa), con oito, Pepe (Mobles Eume) e con sete tantos marcados, Roca e Luis (As Pontes 74).

En canto ó trofeo Zamora, é primeiro Marcelino (M. Eume), seguido de Santi (Santaballés), Luis (Farmavida), Enrique (C. Guerreiro) e Peruzzi (C. Bahía).

3ª División Senior CB AS PONTES 72 - DI SOM TEMPLE 67
Merecida victoria, gran primera parte de los nuestros que se complico tras el descanso, para acabar el partido muy igualados, buena victoria, enhorabuena!! a por más victorias!!!
Preminibasket UNIVERSITARIO FERROL 38 - CB AS PONTES 34
Partido muy igualado entre los dos equipos al final la suerte sonrio al Universitario, fenomenal trabajo de los más peques, pronto llegarán las victorias!!
Minibasket CB AS PONTES 42 - FERROL CB CANIDO 69
Derrota a causa de que en los primeros cuartos no estuvimos muy finos, seguir trabajando equipo!!
Tanto el infantil masculino y femenino no jugaron este fin de semana.

O Fendetestas segue co seu particular calvario nunha liga na que non acaba de poder plantar cara en igualdade de condicións ós seus rivais. Desta vez caeu por 10-39 diante do Lalín, perante o que tan só puido presentar doce xogadores de inicio, tres menos dos que conforman un equipo.

O futbolista pontés Alex Cabarcos ven de ser convocado nesta nova andaina da selección galega sub18 para o ano 2012, selección que xogará esta segunda fase en Galicia, probablemente en Ourense, contra a todopoderosa Cataluña, e tamén Aragón. A selección galega pasou a primeira fase con seis puntos, e necesitará sumar alomenos outros catro máis para colarse entre os catro mellores equipos semifinalistas.

Este mércores enfrontaranse nin máis nin menos que ó Coruxo FC de Segunda División B, no Campo de O Vao, a partires das 16:30.

Segunda derrota do Esteo no que vai de temporada diante do Caloto Loyo, de Sarria, por 5-2 (2-0 ó descanso). Medio cento de espectadores no polideportivo do Chanto de Sarria.

Segunda derrota da liga do Esteo nun partido que estivo moi igualado e ó que o conxunto pontés acudiu coas baixas de Gerveno, Santi, Ito e Rubi e por se isto non fora pouco, ós dous minutos de xogo sufriu a lesión de Gerardo. A igualdade foi a tónica do partido, sendo a clave a efectividade dos lugueses que souberon aproveitar as súas ocasións, non así os ponteses. Na primeira metade o conxunto de Sarria marcou logo dun saque de esquina que rematou Darío. Posteriormente Carlos, de potente disparo e pola escuadra, logrou o segundo para o seu equipo. A tónica do segundo tempo foi a mesma, igualdade no xogo e efectividade nos locais que a falta de oito minutos gañaban por 3-0 despois do gol de Carlos, que anotou tres tantos para o seu equipo. Nos últimos cinco minutos o Esteo sacou porteiro-xogador creando moitos problemas na portería local, logrando Pellón o primeiro para o seu equipo, pero nunha indecisión dos ponteses o Caloto establecía o 4-1 por obra de Carlos e no derradeiro minuto de xogo Anxo e Jairo estableceron o definitivo 5-2 co que rematou o partido. Pese á derrota o Esteo xa é campión de liga e na vindeira xornada descansa para viaxar na derradeira á casa do Rececende, da Pontenova.

Sensacional o equipo de Terceira División que venceu en Abegondo ó complicado filial do Deportivo, por 1 gol a 2, co que da un paso adiante cara á súa complicada salvación. Comezou adiantandose o equipo pontés con dous goles de Hugo Soto (13´) e Chicho (31´). Tralo descanso os locais empataron no 49´ por medio do internacional español Iago Beceiro, e a pesar da expulsión de Sergio Arias a falta de 20 minutos para o final, incluida a de Lemos, os azuis aguantaron o resultado xogando con dez e sumaron tres puntos vitais, e agora mesmo sendo a situación aínda moi complicada situanse sextos pola cola con algo de marxe sobre os cinco últimos, sendo a día de hoxe seis descensos sumando o actual do Montañeros e o do CeltaB que segue a un punto da salvación. Somozas ten 34, Vilalonga e Dorneda 32, Racing de Ferrol 30, Negreira 29, Bergantiños 26, As Pontes 25, Estradense 21, Areas 19, Betanzos 17, Lalín 15 e Sanxenxo 13. Con tres feridos de guerra conta o As Pontes para o vindeiro encontro, Angeriz e Jordi, que se retiraron tocados, e Arias sancionado, para recibir ó Betanzos de Xoel nunha auténtica final. Xogaron Simón, Moncho, Fernando, Chote, Rochela, Angeriz (Jordi 23´ Dani 46´), Cata, Bossa, Chicho, Arias e Soto (Pablo 72´).

O Xuvenil B conseguiu unha gran victoria, por 0-1, ante o Narón BP, situandose oitavos con 17 puntos. Recibirán ó Portuarios o sábado que vén. Gol de Lucho.

O equipo cadete tamén gañou a domicilio, 1-5 ante o EF Galicia de Caranza. Situase terceiro, empatado a puntos co Narón BP, con 12, e a tres do Galicia de Caranza. Recibirán o vindeiro sábado ó Amistade de Meirás. Goles de Nahum (2), Alex F, Diego e Rey.

O equipo infantil goleou 11-1 ó Miño. Os de Iván Rodríguez escalan ata a séptima praza con 14 puntos acudindo a fin de semana o campo do Cadaval a xogar co Narón BP. Tres goles de Iago e Jandro, dous de Airton, e un de Jorge, Raquel e Josiño.

Empate a 0-0 no encontro disputado hoxe á tarde no Campo Anexo Jose entre o segundo equipo pontés e o cadro de Fene.

De valioso se pode calificar o punto dado que o conxunto local tivo que xogar ata 60 minutos cun xogador menos.

No minuto 32´ da primeira metade produxose a xogada clave do encontro cando o colexiado expulsaba rigurosamenete a Borja tras protestar deixando con dez ós seus compañeiros.

A pesar de xogar cun futbolista menos os azuis tiveron varias ocasións no segundo tempo, un disparo lonxano de Púas, un cabezazo hacia atrás de Fran, Donapetry que se traba en boca de gol, e un zapatazo de Guille e unha falta de Hugo Gegundez sacadas in extremis polo porteiro.

Si se sufriu por momentos, e os visitantes tamén tiveron as súas, pero a gran presencia de Iván González na porta mantivo o casilleiro a ceros.

Pouco máis se lle pode pedir hoxe ó cadro de Calpita, ante o terceiro clasificado e tan limitado de existencias no plantel, sen embargo queda nunha delicada situación, habendo dous descensos directos e renqueantes Cariño e Eume na Primeira Autonómica, o As Pontes é penúltimo con 16 puntos empatado co Barallobre, pero Somozas B e Neda están a catro puntos, e Narón BP e San Sadurniño a seis.

Unha auténtica final terán o próximo domingo na súa visita ó Somozas B ó que necesitarán gañar nun duelo de rivalidade.

Xogaron polos de Calpita Iván, Antón (Palas 70´), Alex Antón, Carlos, Fran, Donapetry, Xabi Pellón (Hugo Gegundez 50´), Danilo (Guille 45´), Borja, Fernando e Púas.

Empate do equipo feminino no encontro disputado na mañá de hoxe no Campo Anexo Jose ante o cadro que marcha quinto clasificado, quedando catro xornadas para o remate da Liga.

Non foi un gran partido, o As Pontes afrontou o mesmo como ven sendo habitual coas xogadoras dispoñibles tendo en conta as continuas baixas coas que o adestrador nunca pode dispoñer de todo o plantel. O cadro visitante presentaba un equipo algo rexuvenecido en relación a anteriores visitas.

No minuto 30´ da primeira metade adiantaronse as visitantes por mediación de Cintia. Por parte locais resaltar un remate de Chipy contra o corpo da porteira (37´) e algunha que outra ocasión que se paseou pola área visitante, tamén no segundo tempo, nas que non se conseguiu sacar nada positivo.

Nun tedioso segundo tempo as azuis empataron o encontro tras un saque de córner en curto, centro á zona perigosa de Jani, e Carlota chegando desde atrás fai o 1-1. Undécimo gol no que vai de Liga e 27º na súa conta particular.

Pouco que reseñar no segundo tempo, a saída de Alba recuperada deulle algo de chispa e talento ó ataque pontés, mentres Jani estaba en tódalas partes, agora que ten que facer de dúas xogadoras ó mesmo tempo, polas visitantes perigosos contragolpes ben secados atrás coas de sempre, Silvia e Noelia, e nos laterais as pequenas Mireia e Andrea Pita. As visitantes tamén defendían o seu, en especial a número 5 Fani, que semellaba Beckembauer e tamén boa laboura da portería Uxía a pesar da súa extrema xuventude.

No 75´ Noelia non estivo atinada nunha falta perigosa ó borde da área provocada por un xogadón de Alba e no 86´ quedou Patri Rochela en posición franca pero tardou tanto en rematar que se lle botou a porteira enriba.

Victoria nos últimos minutos do cadro de Carballo ante o conxunto santiagués por catro goles a dous no encontro disputado na tarde de hoxe no Campo Anexo Jose.

Dous tantos do goleador de Cerdido Javi a pouco de comezar o encontro (3´) e a piques de rematar a primeira metade (40´) semellaban sentenciar o encontro.

Nada máis lonxe da realidade pois os santiagueses empataban mediado o segundo tempo.

Sobrepuxeronse os azuis e a falta de sete minutos do final o traballador medio centro Fabio situaba o 3-2 no marcador.

Pero non foi fácil manter os tres puntos, e incluso no longo desconto foi expulsado Dani Villar polo colexiado ferrolán García Villaverde.

No minuto 96´ Sergio Criado, despois de tres intentos, conseguía marcar o 4-2 definitivo outorgandolle tres importantes puntos ó As Pontes situando ós locais nunha zona relativamente cómoda, novenos con 28 puntos, a 8 do descenso e a 13 dos postos de ascenso.

Compostela, líder destacado con 47, e Vilalbés con 41, copan as dúas prazas, seguidos estes últimos moi de preto por Caranza (38), Ordes e Lugo B (36), que non ceden.

A semana que ven os de Carballo e Boo viaxarán a Cervo a enfrontarse ó San Ciprián, equipo cuarto pola cola con 20 puntos, que marca a criba do descenso, que na ida perdeu 7-1, pero que mellorou moito desde aquela.

Xogaron Alex Reina (Julián 45´), Diego, Rubén, Isma Prieto "Palas", Marcos Otero, Beto (Chungui 70´), Marcos Novo, Fabio, Javi, Borja (Dani Villar 80´) e Gogas (Sergio Criado 71´).

O lesionado Fran Prieto "Toti" volveu a entrar na convocatoria

Axenda deportiva da fin de semana dos días 28 e 29 de Xaneiro.

MINIBASKET SABADO 28 10:00 PABELLON MUNICIPAL CB AS PONTES-FERROL CB CANIDO
3ª DIV.SENIOR SABADO 28 20:00 PABELLON MUNICIPAL CB AS PONTES-TEMPLE BASKET
PREMINIBASKET DOMINGO 29 12:00 UNIVERSITARIO FERROL-CB AS PONTES, COLEGIO ESTEIRO (FERROL)
2ª DIV. INFANTIL MASC. DOMINGO 29 A LAS 12:00 ELECTRORAYMA NARON -CB AS PONTES COLEGIO, SANTIAGO APOSTOL (NARON)
INFANTIL FEMENINO JORNADA DE DESCANSO
SUERTE A TODOS

O Esteo logrou o título de liga logo da súa vitoria o pasado sábado diante do Cidade de Viveiro por 6-2 (ó descanso, 5-0) en partido da Terceira División disputado no pavillón da Fraga ante uns 250 espectadores nas gradas.

Triunfo cómodo para o Esteo diante do Cidade de Viveiro, que lle permite proclamarse campión da fase regular da Terceira División a falta de dúas xornadas para o final da liga e no que Noé facía a súa despedida do equipo pontés para marcharse á máxima categoría portuguesa de fútbol sala despois de aceptar a oferta do Clube Operário Desportivo, de Lagoa (localidade de 14.000 habitantes a uns poucos quilómetros de Ponta Delgada, capital administrativa da rexión autónoma) na illa de San Miguel das Azores, que milita na primeira división portuguesa xunto a históricos como Benfica, Sporting de Lisboa, Académica de Coimbra, Os Belenenses, Braga, Boavista.

En canto ó partido, sinalar que o conxunto pontés de camiño encarrilou o encontro con goles de Noé, Rubi, Gerardo e Anxo, en dúas ocasións, resultado co que se chegou ó descanso. Na segunda parte, con todo a favor, os locais relaxáronse e baixaron o ritmo do xogo, o que facilitou a saída dos viveirenses, que anotaron dous tantos neste segundo período por un de Pelu para o Esteo, aínda que, que de xogar a outro ritmo os locais puideron lograr unha goleada máis ampla. A falta dun minuto para o remate Noé foi substituído recibindo unha calorosa ovación dos compañeiros e afeccionados presentes no pavillón. Ó final do partido os compoñentes do plantel do Esteo saltaron ó centro da pista cunha pancarta na que expresaban o agradecemento da afección pontesa polo apoio recibido ó longo da temporada.

Dende estas liñas desexámoslle ó bo xogador pontés moita sorte na nova etapa na máxima categoría do fútbol sala portugués.

Este Domingo, como estaba previsto, o Club de Montaña O Caxado organizou unha camiñada polo antiguo Camiño Real da Carba, no treito de Xermade. Este era unha via de comunicación que discorria entre Mondoñedo e Ferrol e que enlazaba cos camiños Reais de Vilalba, As Pontes e de Viveiro a Betanzos.

As nove da maña saia un autobus cheo do Polideportivo municipal de As Pontes, de feito , e debido a cantidade de xente que quixo participar, vimono obrigados a dispor de algun vehiculo particular pois superouse a capacidade do autobus. Asi que as 9:30 h 62 participantes comenzan a camiñada dende a Igrexa de Luosada de arriba, dende alí, tomamos dereción leste e arrincamos xcunha subidiña que nos quita o frio das primeiras horas da maña, despois de pasar o lugar da Garrona, subimos un pequeno treito mais ate chegar a un cruce á esquerda ondevemos xa as marcas feitas polo persoal do concello de Xermade. Ese camiño, que en algunhos sitios estaba moi encharcado, levaranos a traves de fragas e de prados ate volver a pasar polo punto de saída na igrexa de lousada, dende alí seguiremos agora en direción oeste pola estrada ate deixar atras as ultimas casas e logo coller unha desviación pola dereita que nos vai levar por Teixido, pola Abelleira, onde podemos ver a casa que din que foi propiedade da lendaria bandoleira Pepa a Loba, logo seguimos polo Boucello e Penavaqueira pasando por diante da Capela do Campo para chegar a Roupar de Arriba onde faremos unha paradiña para repoñer forzas, xuntar o grupo e facer unha foto diante da escola habaneira de Roupar.

Un gol de Angeriz no minuto 95´ salvou un punto para o As Pontes no encontro de rivalidade xogado na tarde de hoxe no Campo do Poboado.

A primeira metade foi do cadro lucense, que sobre todo creou perigo nos lanzamentos a balón parado do seu crack Justino. Asi, tras dous córners, puido marcar Félix en sendos remates de cabeza despexados por Simón no 3´ e paradón in extremis no 11´. Outro lanzamento de falta de Justino no 23´ despexouno con apuros Moncho a rentes do pau. Pra o As Pontes tan so salientar un balón rexeitado que lle caeu a Moncho na zona de perigo, que non acertou a marcar (6´), amén dalgúns tiros lonxanos de Chicho. Por si fora pouco que o xogador número 10 dos verdes fora un perigo constante nos lanzamentos a balón parado, resulta que tamén sabía marcar, e estando so no 46´ e a piques de sonar a bocina do descanso marcou o 0-1 de tiro cruzado.

Xarro de auga fría pra os ponteses que hoxe por momentos estiveron irrecoñecibles, moi nerviosos, e ante un rival ben replegado atrás, curiosamente por momentos os xogadores que máis tocaban o balón eran os defensas e Simón, a quen unha cesión de Chote no 28´ case lle costa un disgusto ante Dani.

No segundo tempo máis do mesmo, a piques estivo case de sentenciar Roberto, tras saque de córner, pero o seu remate de cabeza vai ó pau (62´).

Chicho mandou outro balón por alto, e Moncho tampouco sacou proveito doutro barullo na área visitante, asi que foi outra vez Justino, do mellorciño que pasou este ano polo Campo do Poboado quen volveu a marcar tras facer unha gran xogada e volvendo a anotar de tiro cruzado ante o que tampouco puido chegar Simón (73´).

Outro tiro por alto de Chicho (76´) e cando parecía perdido o As Pontes, a sete minutos do final, Bossa, co seu guante marcou unha falta pola escadra desde uns 25 metros e poñía o 1-2 no marcador e daba algo de esperanza a parroquia local. Xa no 88´ chegou o penalti, riguroso, sinalado polo colexiado Antonio Loira, que provocou a expulsión do adestrador visitante Charli e un xogador do banquiño. Non houbo lugar pra a protesta ou reclamación pois Chicho, no seu lanzamento ante un porteiro de non moita envergadura física, lanzouno polo centro e Jose Ángel despexouno. O cuarto penalti fallado de cinco lanzamentos pra os azuis.

No 95´, cando semellaba que o público, escaso pero moi fiel, se ía a marchar outra vez cabizbaixo do Campo do Poboado, Ángeriz recolle un rexeite dentro da área, controlao co peito e sen deixala caer coloca o balón onde non pode chegar o perteiro visitante situando o 2-2 definitivo no marcador, resultado que non satisfizo a ningún dos dous contendentes, anque vistas as circunstancias e o resto de resultados o As Pontes segue vivo unha semana máis.

O segundo equipo pontés foi incapaz de gañar na casa do colista. Perdeu 2-1 en Valdoviño, tanto de Danilo, perden o goal average co último, e seguen segundos pola cola con 15 puntos, en descenso directo, e anque Eume e Cariño non están en moi boa situación na Primeira Autonómica, de momento parece ser que non hai arrastres e solo baixarían dous equipos. O Barallobre está a un punto e o Somozas B a dous, e para a semana ven o outro equipo fenés, a Cultural Maniños, equipo cuarto clasificado, enfrascado na loita polo ascenso, pero ó que hai que gañar si ou si, para un equipo azul que leva dende o 20 de Novembro, máis de dous meses, sen gañar e necesita tres puntos como o comer.

Empate a 1-1 do Xuvenil de Liga Galega ante o Montañeros B, o que deixa ós de Carballo décimos con 25 puntos, recibindo o sábado que vén ó Conxo B, dous postos e catro puntos por riba. Lidera Compostela con 44, equipo que semella que vai lograr os dous ascensos, e Vilalbés con 38.

O equipo feminino salvou un empate a 0-0 na casa do penúltimo clasificado Silleda, equipo que, como xa advertimos, ten moito máis plantel do que indica a súa clasificación actual. Pero o punto do equipo feminino foi o máis valioso dos seus catro anos de historia. Comezando o ano coa mesma falta de puntería que o 2011, para este encontro a porteira titular Leti non puido acudir, co cal saiu a súa suplente, Alba Romero, a quen nunha xogada desafortunada no primeiro minuto lle partiron o labio e tivo que ser sustituida no minuto 3. Para colmo de males, hoxe tampouco foi da partida Yaiza, a multiusos, así que a heroína da xornada foi a dianteira Candela Prieto, quen emulando os xenes do seu irmanísimo campión de Europa Borja Prieto, mantivo a portería a cero durante os 87 minutos restantes logrando un punto para as azuis que suman 29 e a semana que ven recibirán á complicadísima Pastoriza. (Máis información en http://aspontesenfeminino.wordpress.com).

O segundo xuvenil empatou 2-2 co Numancia de Ares. Marcha decimoprimeiro con 14 puntos. A semana que ven acudirán ó Cadaval para enfrontarse ó Narón BP. Os dous tantos foron anotados polo polivalente e talentoso Darío.

O sábado disputouse en Lugo a 2ª carreira do Circuito Corre con Nós ó que se achegaron bastantes participantes ponteses, entre eles 12 atletas do Clube Atletismo Olympo.

A pesar do frío as rúas estaban cheas de espectadores dispostos a ver ós máis de 1000 atletas de tódalas categorías que competiron nunha carreira nocturna de 4 kilometros que discorreu polo centro de Lugo.

A proba absoluta rematárona 884 atletas, sendo o gañador da proba o grandísimo atleta lucense Gustavo Platas Vidal, acompañado no podio por Nicolás Arrojo (gañador da primeira proba) e Fernando Pérez. En categoría feminina a gañadora foi Patricia García, que encabeza a clasificación absoluta feminina do circuito, seguida de cerca pola xove Marta Casanova e por Noemí Moral.

[La Voz de Galicia] El arquero pontés Miguel Alvariño afronta esta tarde su debut internacional. El deportista del Sílex será el único representante gallego en el torneo de Nimes. En su primera temporada como júnior, compite en la prueba de más prestigio de la temporada en sala. «Reúne a unos 1.300 paticipantes y hay premios en metálico importantes. El nivel es incluso superior al de un Mundial, porque acuden varios deportistas por país, sin el límite de tres», explica su compañero Xaquín Mira, exintegrante del equipo nacional.

Axenda deportiva da fin de semana dos días 20, 21 e 22 de Xaneiro.

MINIBASKET Sábado 21 10:00 Pabellón Municipal (As Pontes) CB AS PONTES-CB IRMANDIÑOS
PREMINIBASKET Sábado 21 10:00 Pabellón Municipal (As Pontes) CB AS PONTES-TIRSO DE MOLINA
3ª DIVISION SENIOR Sábado 21 20:00 Polideportivo Riazor 1 (A Coruña) XERION-CB AS PONTES
2ª DIVSION INFANTIL MASCULINA Domingo 22 10:00 Pabellón Municipal (As Pontes) CB AS PONTES-ELECTRORAYMA NARON
2ª DIVISION INFANTIL FEMENINA Domingo 22 12:00 Pabellón Municipal (As Pontes) CB AS PONTES-CB COSTA DA MORTE

Despois do descanso de Nadal recomezouse a competición de fútbol de veteranos de As Pontes coa disputa da décimo segunda xornada de liga, na que destacan as goleadas de As Pontes 74, Construcións Guerreiro, Mobles Eume e Cafetería Bahía sobre Maren, Xuntanza, Santaballés e MMYPEN. Máis igualado estivo o choque entre Farmavida e A Cepa con vitoria final dos farmacéuticos por 2-1.

Encabeza a clasificación en solitario M. Eume, con 29 puntos, seguido de Farmavida (26), C. Bahía (21). A continuación están Santaballés e As Pontes 74, con 20 puntos, C. Guerreiro (18), La Galaxia (12), A Cepa (11), Xuntanza (8), MMYPEN (3) e pecha a clasificación Maren con cero puntos, despois de que se lle dera por perdido o partido contra MMYPEN por aliñación indebida.
Para a vindeira xornada salientar o choque entre o primeiro e segundo clasificados, Mobles Eume e Farmavida, con tres puntos de diferenza para o líder. O encontro dispútase o sábado ás sete da tarde (19,00).

Na clasificación de goleadores, segue primeiro Juancar (C. Guerreiro), con 17 goles. En segunda posición está Iván (Santaballés), con 10 tantos marcados. Con nove está Fernández (A Cepa) e Michel (C. Guerreiro), con oito Pepe (Mobles Eume) e Susín (M. Eume) e Luis (As Pontes 74).

En canto ó trofeo Zamora, é primeiro Marcelino (M. Eume), seguido de Santi (Santaballés), Luis (Farmavida), Miguel (As Pontes 74) e Peruzzi (C. Bahía).

[La Voz de Galicia] Con posibilidades todavía de alcanzar la clasificación para Los Juegos Olímpicos de Londres 2012, Gema Buitrón Cortiñas ganó el sábado el Campeonato Gallego de tiro con arco en sala, celebrado en el pabellón de Calabagueiros de O Barco de Valdeorras. La pontesa superó en la modalidad de arco recurvo sénior a otra integrante del equipo nacional, la ferrolana Iria Grandal.

PREMINIBASKET MERCEDARIAS 62 - CB AS PONTES 37
Buen trabajo de nuestros peques que siguen dando la cara en todos los partidos a pesar de la diferencia de edad, a seguir trabajando!!!!!!
MINIBASKET TIRSO DE MOLINA 79 - CB AS PONTES 29
Derrota clara ante uno de los favoritos de la liga, animo minis!!!!
2º INFANTIL MASC. ASADOR GAVIA 56 - CB AS PONTES 27
Buen partido de los infantiles,seguimos mejorando poco a poco
2ª INFANTIL FEMENINA CB AS PONTES 44 - CB CULLEREDO 34
Importante victoria de nuestras chicas que siguen luchando por el 2 puesto de la liga
3ª SENIOR FUCOBET BETANZOS 76 - CB AS PONTES 56
Derrota ante uno de los equipos de la zona alta de la tabla,jugamos con muchas bajas, esperemos pronto recuperar a todos nuestros jugadores y poder competir a nuesetro nivel real

Clara vitoria do Esteo na casa do Mera B por un gol a seis (0-3 ó descanso). Partido da décimo cuarta xornada da Terceira División disputado no pavillón da Rabadeira, de Oleiros, ante un cento de espectadores.

Contundente triunfo do Esteo na pista do pechacancelas do grupo norte da Terceira División nun partido que os ponteses dominaron de principio a fin. O goleador Rubi, con dous tantos, e Gerardo puxeron en franquicia o marcador xa na primeira metade. O segundo tempo foi un calco da primeira, con dominio e posesión do balón por parte dos ponteses, que volveron a marcar por mediación de Noé, con dous goles, e Pelu. Xa nos minutos finais Rubi, nunha desafortunada xogada, marcaba en propia porta o tanto da honra dos oleirenses. Logo dos resultados desta xornada o Esteo supera en nove puntos ó segundo clasificado, Rececende. Un só punto nas tres xornadas que restan de competición, o Esteo lograría o título de liga da fase previa desta Terceira División e clasificaríase para disputar a fase de ascenso á Segunda División B. na vindeira o Esteo recibe no pavillón da Fraga ó Cidade de Viveiro.

Hai unhas semanas, antes de rematar o 2011, coñecíamos a feliz nova do triunfo dun pontés na Mylaps Superliga de Atletismo, da firma Championchipnorte, unha especie de Campionato Galego de Carreiras Populares que discorre por toda a xeografía autonómica, na que gaña o que máis puntos obtén unha vez rematadas todas as probas e na que participaron máis de 1300 corredores. Modesto superou os 7700 puntos aventaxando en máis de 500 ó segundo clasificado e en máis de 1300 ó terceiro.

Desde Amigus quixemos poñernos en contacto con este sacrificado deportista do Clube Atletismo Olympo, nacido no desaparecido lugar de Ribeirón hai 46 anos, e Modesto atendeunos moi amablemente.

- Hola Modesto, antes de nada, darche a noraboa, e permíteme unha pregunta persoal, lamentando a miña profunda indiscrección. Por curiosidade, ¿tes algún tipo de parentesco cos Rochela futbolistas?

Gracias! Pois sí, somos primos lonxanos, anque eu non os coñezo persoalmente.

- Vaia, compartides xenes de calidade deportiva (risas), un campión de fútbol e o outro campión galego de atletismo, entre outras cousas, anque che teño que dicir que a a calidade deportiva dos teus primos é infima en comparación coa súa calidade persoal. ¿Segues as súas traxectorias? ¿Que sentiches cando David quedou Campión de Europa e Subcampión do Mundo?

Teño que recoñecer que non os sigo moito, porque me gusta ver partidos de fútbol, pero non son forofo de ningún equipo en concreto, anque por suposto alegranme os triunfos dos equipos galegos e españois. Pero sinceramente alegreime moito por él, porque é de As Pontes e ademáis meu parente, co cal xa te podes imaxinar. Tamén sentín certa envexa porque son logros ó alcance de moi pouca xente, e a todos nos gustaría vernos na cresta da ola nalgún momento das nosas vidas. É moi gratificante ver como xente cercana a ti alcanza o triunfo porque che sirve de motivación e referente.

- Non che conto a alegría que tiven cando David quedou Campión de Europa, e iso que non me une ningún tipo de parentesco (risas). Sen ánimo de meterte nun apuro, preséntate a grandes rasgos, para os iniciados.

Pois chámome Modesto Barro Rochela, e son o quinto de dez irmáns, das que seis son mulleres e catro homes. Nacín en xaneiro de 1965 no lugar de Ribeirón, unha pequena aldea de As Pontes que foi absorvida pola mina e agora afogada polo lago. Actualmente traballo e adestro en As Pontes e vivo no Concello de Neda.

Empate con sabor agridoce do As Pontes na Malata. Sendo maxistral o punto obtido, os verdes contrarestaron o inicial gol de Bossa de falta maxistral, cun tanto do nixeriano Elvis Onyema a falta de 15 miutos de tiro cruzado. O As Pontes, que saiu de inicio con Simón, Moncho, Rochela, Chote, Fernando, Angeriz, Coedo, Bossa, Chicho, Iván e Sergio suma un punto que o mantén sexto pola cola, pero a derrota do Celta B hoxe no Anxo Carro 3-0 ante o Lugo, fai que momentáneamente haxa seis descensos en Terceira. En zona máis ou menos perigosa quedan Somozas con 30 puntos, Vilalonga 29, Dorneda 28, Ferrol 27, Negreira 26, Bergantiños 25, As Pontes 21, Estradense 20, Areas 18, Betanzos 16, Lalín 14 e Sanxenxo 12. A vindeira semana visita o Poboado o veciño limítrofe, Racing Vilalbés, brillante cuarto clasificado, e hai que intentar que os tres puntos queden na casa co apoio do público.

O Xuvenil B non tivo un bo inicio de 2012 pois perdeu 4-0 co Val, o líder da categoría, o que o sitúa na 12ª posición con 13 puntos, e rematarán a primeira volta recibindo ó Numancia de Ares.

O Infantil empatou 2-2 co EFG Caranza, victima do seu mal inicio de encontro, sendo quintos con once puntos. A semana que ven xogarán en Ares co Numancia, que vai un posto por diante nunha Liga monopolizada por Portuarios e Racing de Ferrol ata que se enfrenten entre eles. Marcaron Andrés Pita e Iago de penalti.

En situación crítica queda o segundo equipo pontés que xa está en posición de descenso directo ó situarse penúltimo trala súa derrota no día de hoxe e tralo resto de resultados da xornada.

Mellorou a imaxe con respecto á pasada fin de semana o filial pontés, non obstante segue nunha mala dinámica futbolística, amén das baixas e ausencias como as de Criado e Junior.

Na primeira metade resaltar dúas ocasións para ambos equipos.

No segundo tempo xa se foi impoñendo o equipo visitante co paso dos minutos, e a vinte minutos do final o dianteiro Berto tivo unha moi clara que sacou Juan milagrosamente.

O mesmo xogador non perdoou intres despois, xa que tras saque de falta, adiantouse ós defensas e empalou a gol sen deixar caer o balón.

Xa nos últimos minutos tras un riguroso penalti por man de Donapetry dentro da área sentenciaron os visitantes, o que os sitúa cuartos, pelexando polo ascenso á Primeira Autonómica.

O As Pontes Xuvenil rematou a primeira volta goleando ó Recesende (6-0), actual colista da categoría, o equipo de Teo.

Ó contrario que os seus maiores, e, sobre todo, o segundo equipo, o xuvenil remata esta primeira volta sen tanto sufrimento e nunha posición algo máis desafogada.

Anque aínda quedan dezasete partidos por diante, senon lograr a praza de ascenso, que agora mesmo parece moi complicada, si polo menos hai que tentar quedar o máis arriba posible.

Compostela (38) e Vilalbés (35) rematan esta primeira andaina como equipos en posición de ascenso a Liga Nacional, pero por detrás veñen apretando, Caranza con 32 e Ordes, Lugo B e Residencia con 30, con 29 estarían Fátima e Conxo B. O As Pontes é noveno con 24 puntos, con un marxe de 6 ou 7 puntos sobre os postos perigosos, asi que convén non despistarse.

No encontro de hoxe deixaron resolto os azuis na primeira metade, con tres goles nos últimos quince minutos de Javi (2) e Fabio (foto).

No segundo tempo, Javi redondeou o seu particular hat trick, e tamén anotaron Gogas e Marcos Novo, pra un conxunto local que tivo moitas ocasións, dúas moi claras de Borja.

2ª DIV. INFANTIL FEM. CB AS PONTES-CB CULLEREDO SABADO 14 12:00 H MONTE CAXADO

2ª DIV. INFANTIL MASC. ASADOR GABIA-CB AS PONTES DOMINGO 15 10:30 H POLIDEPORTIVO ESTEIRO FERROL

MINIBASKET TIRSO DE MOLINA-CB AS PONTES SABADO 14 11:30 PABELLON TIRSO DE MOLINA FERROL

PREMINIBASKET MERCEDARIAS-CB AS PONTES SABADO 14 12:00 H PABELLON MERCEDARIAS FERROL

3ª DIV. SENIOR MASC. FUCOBET-CB AS PONTES DOMINGO 15 19:00 H MUNICIPAL DE BETANZOS

Axenda deportiva da fin de semana dos días 14 e 15 de Xaneiro.

O pasado sábado 7 de xaneiro celebrabase a doceava edición do Trofeo Concello de As Pontes, organizada polo Club Silex no Pavillón Municipal de As Pontes. Competición recoñecida pola FGTA para a obtención da subvencion para o Cpto de España e nesta ocasión homologada FITA o que supon que as puntuacións obtidas serán recoñecidas pola Federación Internacional.

Os 76 participantes iniciaban a competición as 15.30, en 14 categorías ainda que so se pudieron disputar 5 categorías, xa que no resto non participaron arqueiros en suficiente numero, é necesario un mínimo de 5 arqueiros para que se dispute dita categoría. A boa organización do Club Silex facilitou que o trofeo discurrise a bon ritmo, asi as 18,30 terminabanse as series de clasificación, después dun descanso para repoñer forzas iniciabanse as eliminatorias nas 5 categorías que tiñan a participación suficiente para ser disputadas.

Do “Round” clasificatorio destacar a puntuación obtenida por Miguel Alvariño a mais alta do Trofeo e superior de largo o que nos ten acostumbrados, lastima que non conseguira un bon resultado final que corroborara o seu bon estado técnico e deportivo.

O As Pontes comezou o ano como o rematou, sufrindo de maneira indecible, i é que non se pode perdoar tanto nin ter tan pouca fortuna. Polo menos nos dous últimos encontros sacaronse seis puntos, e o equipo sale a flote, algo que se deberá refrendar nas vindeiras xornadas.

Estivo moi incisivo Chicho no primeiro tempo, con dúas aproximacións con perigo no 7´ e 13´. Comezou o particular festival de ocasións azuis no 21´, tras un gran pase en profundidade co "guante" de Bossa, Chicho queda so e Pajarillo saca co corpo. Apenas un minuto máis tarde nunha falta lateral botada polo vivariense, rexeita o porteiro, vaille ós pes a Fernando que remata e saca un defensa baixo paus coa cabeza. No 32´tras un corner remata Ángeriz, un disparo que semellaba ir dentro pero que rebota nas costas doutro defensor visitante.

Asi se chegaba ó descanso pero no segundo tempo seguía a mesma tónica, nunha internada de Chicho, Coedo chegando desde atrás remata frouxo (56´), Moncho para Chicho, en boca de gol tanto quere colocar o ferrolán que vai a rentes do pau (63´), Sergio Arias vaise do lateral e cruza demasiado (66´).

Pero tanto vai o cántaro á fonte que no 74´, tras unha falta lateral, prolonga Angeriz de cabeza e Sergio Arias cabecea a gol case sen ángulo, tanto que lle adicou a Hugo Soto levantando a súa camisola co número 9. Segundo gol na tempada pra o "Rooney de Portomarín" que agardemos lle serva pra rematar co seu particular mal fario.

O As Pontes non aproveitou a dinámica do encontro pra intentar sentenciar, encerrouse atrás e sufriu ata o final, unha cesión de Moncho puidolle complicar a vida a Simón (87´), e Amado no desconto casi marca con Pajarillo descolocado. Antes, Chote, no 79´ rematou por alto.

Os azuis conseguen tres puntos vitais ante un rival directo, situanse sextos pola cola, estando o Celta B en promoción de descenso, son cinco descensos en Terceira a día de hoxe. Magoa que o rival máis cercano por enriba sexa o Negreira, 5 puntos por encima, pero aínda quedan 18 partidos e o As Pontes deberá tentar sacar algo positivo da súa visita a Ferrol onde se enfrontará a un dos mellores equipos da categoría, que hoxe fixo un fraco favor tras perder contra o Vilalonga.

Con máis ou menos perigo quedan Somozas 27, Ferrol e Vilalonga 26, Bergantiños, Dorneda e Negreira 25, As Pontes e Estradense 20, Areas 18, Betanzos 15, Lalín 14 e Sanxenxo 11.

Valioso punto do equipo feminino no seu retorno á competición ligueira.

Hoxe chegaba o Villestro, sexto clasificado cun partido menos e a so seis puntos do liderato, o equipo de Santiago, que se estreou na competición este ano e que vai mellorando a pasos axigantados partido a partido. Despois de golear 17-1 ó Chantada e de permitirse o luxo de empatar a 2-2 na casa do líder Dubra hoxe viñan a polos tres puntos.

Pobre imaxe a ofrecida hoxe polo segundo equipo pontés no reinicio das competicións ligueiras tralo parón de Nadal.

Mala impresión de cara a intentar a salvación a que causou o filial, preocupante tendo en conta que falta toda a segunda volta por diante.

O CD As Pontes, como clube en si, rematou o 2011 sufrindo e comeza o 2012 do mesmo xeito, algo que parece vir impreso no carnet de socio.

Os visitantes, que apenas estaban dous puntos por riba dos azuis marcaron tres goles e puideron ser máis pois aparte das anotacións tiveron 3 ou 4 oportunidades moi claras. Polos locais, co partido xa sentenciado, apenas un par de chegadas con perigo, nun encontro no que había baixas importantes como as de Criado, Junior, Fernando, Carlos ... por non botar de menos a Pedro, que por outra parte sería o particular regalo de Reis pra este equipo na segunda volta.

Á espera de que xoguen entre si Rápido de Neda e Somozas B mañá, momentaneamente os de Calpita son cuartos pola cola con 15 puntos. A semana que ven comezan a segunda volta, e necesitan gañar, e xa non so contar co apoio do público senon coas mínimas ausencias posibles.

Tralos dolorosos empates en casa ante o Valdoviño, e sobre todo ante Somozas B e A Capela nos últimos minutos, tres empates nos que fuxiron seis puntos, ós locais non lles queda máis remedio que buscar gañar pra intentar cambiar o rumbo.

Recibirán ó Mandiá, un rival ó que gañaron no debut ligueiro 1-2, pero que meses despois vai de quinto loitando polas prazas de ascenso, pola decimoquinta posición dos azuis.

Xogaron Juan, Xabi Pellón, Alex Antón, Juan Donapetry, Fran, Mourín (Hugo Gegundez 45´), Guille, Danilo (Hugo Cascudo 45´), Moya (Antón 57´), Púas e Borja.

El portero Simón Cabarcos las fabrica y surte a numerosos futbolistas españoles

[La Voz de Galicia] «Las espinilleras de fibra de carbono han hecho bien su trabajo. Son caras pero merece la pena», así se expresó Mouriño, el entrenador del Real Madrid, tras el partido disputado recientemente entre el Real Madrid y el Atlético de Madrid, encuentro en el que Perea le hizo una durísima entrada a Cristiano Ronaldo, de la que el portugués salió indemne gracias a esta protección. La tecnología entró de lleno en el fútbol y las espinilleras para las piernas de los futbolistas son ahora de fibra de carbono, más ligeras (apenas llegan a los cien gramos) y mucho más seguras y efectivas.
Ahora mismo las que están de moda en el fútbol español se hacen en As Pontes y las fabrica el actual portero del Club de Fútbol As Pontes, Simón Cabarcos, que entre partidos y entrenamientos encontró tiempo para montar la empresa Blindaxe.com que se dedica a la fabricación, de forma artesanal, de este tipo de armaduras para las piernas.

Nunha mañá que non acompañou como estes días anteriores, anque por fortuna non foi excesivamente chuviosa e apenas se notou, cunha gran participación de case 600 persoas entre todas as categorías, e unha magnífica organización, disputouse a primeira San Silvestre Pontesa.

Nunha curiosa modalidade que incluía carreira a pé ou andaina, e na que os participantes tiñan que ir disfrazados, houbo gran éxito de participación con personalidades variopintas, o Clube de Atletismo Olympo, os nosos campionísimos David Rochela e Borja Prieto, o Clube de Rugbi Fendetestas, asi como numerosos representantes do Clube Deportivo As Pontes, O Esteo e diferentes asociación deportivas locais. Dende Ferrol tamén se achegaron as grandes campionas galegas da velocidade, Lidia Casal e Candela Díaz.

Ó finalizar a proba houbo chocolate quente pra todos os participantes, e posteriormente entregaron os trofeos a gran atleta pontesa Susana Castro, do Clube Olympo, o alcalde Valentín González Formoso, o concelleiro de Deportes Carlos Castro e a Técnica de Deportes Ana Alonso, en nome do Concello de As Pontes, organizador da proba, ademáis dun representante do Centro Dental San Pablo de Ferrol, un dos patrocinadores da mesma.

O futbolista pontés Alex Cabarcos disputou este mércores e xoves coa selección galega a Primeira Fase do Campionato de España.

A selección galega tivo un magnífico rendemento pois impúxose ó conxunto anfitrión (0-1) e onte gañou a Extremadura (2-4).

O primeiro encontro presentabase como o máis complicado, e a selección galega sorprendeu ó gañar á selección de Euskadi, campiona do torneo o ano pasado coa magnífica xeneración do 93, gracias a un gol do deportivisita Dani Iglesias ó pouco de comezar o encontro que souberon defender ata o final. A pesar de contar nas súas filas con dous dianteiros internacionais sub17 o ano pasado, os donostiarras Iker Hernández e Eneko Capilla, e contar co apoio do público, os actuais campións perderon ante a selección galega que deu a campanada anticipandose ás do sábado. Se cadra sorprendeu un pouco ó aproveitamento ó máximo da xeneración do 94, e que o seleccionador vasco non contase cos dous medios centros do Athletic, Iker Undabarrena e Óscar Gil, habituais na actual selección española sub17 (1995).

[La Opinión] Cerca de ochenta niños de As Pontes, Pontedeume, Ferrol, Lugo y A Coruña participan en el II campus de baloncesto de Tecnificación que se celebra estos días en el ayuntamiento pontés y que ha sido organizado por el Clube de Baloncesto Ferrol y el Clube Sant-Yago da Coruña. Los participantes, de entre 8 y 15 años, aprenden a mejorar la técnica, sus jugadas y el control del balón con la mano gracias a las enseñanzas de conocidos deportistas como Marc Guillen, Óscar de Paula o Chiqui Barros. El campus, que se imparte en los pabellones polideportivos de As Pontes, finalizará mañana.

[La Voz de Galicia por AF] El Club Deportivo As Pontes ya ve la luz al final del túnel en su objetivo de lograr la permanencia en Tercera, tras su agónico, aunque merecido, triunfo sobre el Bergantiños en la última jornada de la primera vuelta. Sin lugar a dudas esta victoria sobre el conjunto de Carballo supone para los ponteses tres importantes puntos que vienen realmente bien después de dos meses sin ganar. También le permite mejorar su estado anímico y recobrar fuerzas para afrontar la segunda vuelta de la competición, en la que el equipo que prepara José Luis Lemos deberá dar la medida que los aficionados, pocos aunque fieles, esperan de su equipo.

Estes días disputouse na localidade pontevedresa de Bueu a primeira fase do Campioanto de España Feminino, entre Madrid, Murcia e Galicia. A primeira xornada tivo lugar o martes nos enfrontamentos entre galegas e madrileñas, as sub18 perderon 0-2, no conxunto das sete estrelas había ata 4 campionas de Europa Sub17, mentres que o combinado sub16 logrou un heroico empate a 1-1.

Na xornada do mércores o combinado madrileño impuxose a Murcia, 4-1 en sub16 e 5-2 en sub18.

Lugo Monumental:

Nunha mañá con moito frío (2ºC), como cabe de esperar en terras lucenses, e máis nestas fechas, achegáronse ata a cidade monumental sete integrantes do Clube Atletismo Olympo de As Pontes para disputar a décima edición da popular “Lugo Monumental”, carreira de aproximadamente 10 kilómetros, que recorre o centro da cidade, e como punto culminante está o remate da carreira correndo por riba da muralla romana. Remataron 1245 atletas, 180 deles mulleres.

ADESTRAMENTO DE ALEX CABARCOS EN VIGO