EuroEume atenderá as propostas da xuventude

139

O proxecto Eumexoven, ten este venres unha nova convocatoria . Nesta ocasión, será o Concello de As Pontes, quen colabora con EuroEume e Briante na organización deste foro local de debate. O encontro celebrarase nas oficinas de EuroEume a partires das seis da tarde. A súa celebración supón a continuidade destes encontros, que tiveron a súa anterior cita en San Sadurniño a finais do mes de maio.


O foro está aberto a todas aquelas persoas de entre 20 e 40 anos, e os diferentes colectivos de xoves do territorio, interesadas en aportar ideas que podan axudar a mellorar as condicións de vida da xuventude do territorio no referente a catro temas fundamentais: As alternativas de emprego e de creación de empresas, a creación dunha bolsa de emprego xove a través de internet, a organización de actividades de ocio, cultura e medioambiente, e o achegamento entre a xente do territorio.
O Proxecto Eumexoven supón unha gran oportunidade para EuroEume de coñecer as inquietudes deste sector da poboación no referente a estes temas de tanta importancia para o desenvolvemento local.
O acicate para os xóvenes será ver como as propostas que saian destas mesas poden ser apoiadas e/ou implementadas desde EuroEume a través de axudas públicas dos fondos do Leader +. A elección das propostas a implementar terá lugar durante a celebración na vila de As Pontes das 3as Xornadas de Desenvolvemento Local en Espacios Rurais.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios