Representantes ecuatorianos visitan o territorio de Euroeume para importar as súas experiencias no sector turístico

32

Catro alcaldes da provincia andina de Riobamba, e o Prefecto da Provincia, acuden para coñecer, e tratar de adaptar ó seu territorio, boas prácticas turísticas impulsadas por EuroEume: Cantinas, casas e actividades de turismo alternativo.


Mañá mércores chega a nosa terra unha representación da provincia de Riobamba (Ecuador), encabezada polo Prefecto Provincial, que ven acompañado dos alcaldes dos municipios de Alausí, Chunchí, Cumandá e Guamote. Esta visita encádrase no marco do Programa de Cooperación EXPIDER, (Experiencias Piloto de Desenvolvemento Rural en América Latina), e ten por obxectivo trasladar as exitosas experiencias derivadas da Iniciativa Leader +, e fundamentalmente aquelas centradas no desenvolvemento do sector turístico.
A viaxe dos representantes políticos significa a continuación das visitas efectuadas por técnicos dos Grupos de Acción Local ós territorios beneficiarios deste Programa de Cooperación EXPIDER.O obxectivo desta visita é coñecer as experiencias que EuroEume desenvolveu ó aveiro dos diferentes programas de desenvolvemento rural xestionados nos últimos anos, nun intento por adaptar as boas prácticas do sector turístico ó seu territorio, situado na zona andina, e que ten un gran potencial de desenvolvemento neste ámbito.
A xornada preséntase axetreada para o grupo de representantes ecuatorianos. Ás 10.30 horas da mañá programouse unha recepción con D. Víctor Guerreiro no Concello de As Pontes. Unha vez rematada a mesma, e xa nas oficinas que EuroEume ten na vila pontesa, realizarase unha xuntanza na que participarán representantes de AGADER, alcaldes dos concellos do territorio, e por suposto do propio Grupo de Acción Local. Nesta xuntanza abordaranse temas relacionados coa experiencia de EuroEume en concreto, e dos Grupos de Acción Local en xeral, en canto o potenciación dos espazos rurais gracias a programas desenvolvemento baseados na filosofía de traballo LEADER.
Despois da xuntanza realizaranse visitas a proxectos promovidos co apoio dos programas xestionados pola Asociación: Alvarella Ecoturismo, empresa adicada á realización de actividades de turismo alternativo e educación medioambiental, e a Casa Castelo de Andrade, unha das nove “Casas do Eume”, que forma parte da rede que establecementos de turismo rural agrupada polo C.I.T. Eumeturismo.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios