Plataforma: ¡¡ QUE SE ACLAREN !!

44

Contramanifesto da Plataforma ao comunicado da Xunta. Preme aquí para lelo


A Plataforma quere manifestar:
– Entendemos que neste comunicado existen unha serie de contradiccións:
No primeiro párrafo dise: “ As excavacións arqueolóxicas no círculo lítico da Mourela proseguirán….” E un pouco máis abaixo dise: “…máis alá do 10 de maio os restos arqueolóxicos do que orixinariamente era un círculo lítico”.
Ante isto xa non sabemos se a Dirección Xeral de Patrimonio considera que existe un círculo lítico ou se existen restos dun círculo lítico. ¡¡ Que se aclaren !!
No segundo párrafo manifestan: “ ata o momento do inicio real das obras no treito afectado ”. Se consideran que existe un “ treito afectado ”, ¿querrán dicir con isto que existe unha estructura arqueolóxica que impide a consecución das obras? ¡¡ Que se aclaren !!
No terceiro párrafo falase de “conxugar o ritmo dos traballos arqueolóxicos cos prazos de obra “. ¿Enténdese logo que o ritmo dunha excavación arqueolóxica debe vir dado polo ritmo de avance da maquinaria? ¡¡ Que se aclaren !!
O cuarto párrafo é de cachondeo chamanlle ao arqueólogo ortigueirés Federico Maciñeira, “ Fernando “. Isto denota unha clara falta de interés e de documentación pola súa banda. Non é de recibo que unha Dirección Xeral de Patrimonio se trabuque no nome dun arqueólogo tan coñecido na Galiza polas súas investigacións no campo da Prehistoria. Cecais o escribano cometeu unha torpeza. ¡¡ Que se aclaren !!
E xa no derradeiro párrafo lémbrannos que existen riscos de perde-los fondos da UE. ¿ E nos preguntámonos, pareceralle tan mal a Europa que defendámolo noso patrimonio ?. ¿ Haberá cartos para dentro duns meses, cando se realicen unhas excavación rigurosas para saber do que realmente estamos a falar? ¡¡ Que se aclaren !!
Plataforma Cidadá na Defensa do Circulo Lítico da Mourela
Comunicado da Consellería de Cultura

Consegue en tempo real avisos de novos artigos no teu dispositivo, subscribete agora.

También podría gustarte
Comentarios