Valoración da mesa redonda ‘As pedras tamén morren’

36

Sábado 17 de Xuño do 2006, na Casa Dopeso
A gran abstención política na participación do acto do pasado sábado, lévanos a plantexarnos en primeiro lugar, unha autocrítica en positivo analisando os cauces de comunicación postos en marcha e en que medida puideron ser insuficientes. Ademais invádenos a curiosidade de saber en que recuncho das Pontes se agocharon os nosos representantes políticos. A este respecto debemos aclarar que neste proceso non existen dúas posturas extremas, tal e como se chegou a indicar dende algún partido, nós non estamos en contra da autovía, estamos en contra da ineptitude e a desidia, froitos dos que se nutriron as mans escuras que consentiron unha brutal destrucción patrimonial nas Pontes, nos últimos corenta anos. En ningún momento a intención da plataforma foi poñer nun apreto preelectoral a ningún dos políticos convidados nin aos seus respectivos partidos. Só queriamos coñecer as posturas dos nosos representantes ao respecto da destrucción do anel lítico da Mourela e abrir dunha vez por todas un foro a nivel local onde a palabra Patrimonio significara algo para tod@s ¿é cecais tan complexo de entender?


O feito da escasa participación das asociacións locais no debate, si que nos preocupa de verdade, pois dende o comezo verquíronse informacións contradictorias sobor de todo o proceso, por parte de tódolos actores implicados, o que incidiu á baixa na nosa capacidade de chegar a tódol@s veciñ@s. Por isto cremos necesario e urxente abrir unha vía de contacto con tódalas asociacións locais, co obxecto de, por un lado informar contra a desinformación e por outro, buscar un punto de encontro onde xurda a colaboración, pois entedemos que isto é cousa de TOD@S. A Mourela non só ten unha importancia arqueolóxica e científica, senón que posúe tamén un importante valor como Patrimonio Inmaterial, pois é memoria de tódol@s galeg@s e isto nunca poderá ser destruido.
Debemos deixar claro que a plataforma non é só unha iniciativa cultural sen máis, é tamén unha posición legal na demanda do cumprimento da lexislación vixente a nivel galego, español e europeo en materia de Patrimonio Cultural, que manteremos non só no caso da Mourela senón tamén noutras desfeitas patrimoniais que se realizaron e que se seguen a producir hoxe en día no noso concello. Tanto ADEGA como a plataforma seguiremos a traballar nesta liña, ata darmos cos responsábeis desta barbarie.
Como cidadáns libres estamos no noso dereito de declararnos apolíticos e independientes de sombras escuras que movan os fíos do trebello. A maquinaria que puxo en marcha a plataforma nada ten que ver cos intereses partidistas nin duns nin doutros, é unha maquinaria ceibe, chea de forza e sentido común, que avanza rauda por esta maraña de irregularidades, nun proceso que atenta claramente ao noso patrimonio.

CANTO
MÁIS?

Consegue en tempo real avisos de novos artigos no teu dispositivo, subscribete agora.

También podría gustarte
Comentarios