Mugardos levará o Internet á zona rural cunha rede sen fíos

28

O Concello de Mugardos ofertará aos seus veciños das parroquias rurais a posibilidade de sumarse a un programa piloto da Deputación provincial polo que conseguirán unha conexión gratuíta a Internet a través dunha rede sen fíos Wifi. O proxecto, que consistirá nunha campaña de proba que se desenvolverá no municipio ata o mes de xullo, entrará en funcionamento a vindeira semana, despois dunha charla informativa que acollerá o salón de plenos do Concello mañá, ás oito da tarde, na que se explicará aos veciños interesados en sumarse á iniciativa o sistema que se vai empregar.


Con isto, aqueles mugardeses que se apunten previamente recibirán os dispositivos de conexión precisos para conectarse naquelas zonas nas que a calidade do sinal de ADSL non é suficiente para cubrir as súas necesidades, e tamén se lles instruirá sobre o uso dos mesmos. Os interesados tamén poden apuntarse chamando ao número de teléfono 981 470 338, na extensión número oito.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios