Un amplo dispositivo policial impide aos mariscadores bloquear a entrada do gaseiro Mourad Didouche na ría de Ferrol

88

Dende as 7 da mañá do día de onte, un amplo dispositivo policial impediu o acceso dos mariscadores ferroláns ás súas embarcacións

P1020386.JPG


Unha ducia de equipos antidisturbios da Policía Nacional así como axentes da Autoridade Portuaria impediron onte sair a faenar a un cento de mariscadores de Ferrol, para evitar un posíbel bloqueo da ría ante a chegada do gaseiro Mourad Didouche.
Durante a mañá unha delegación de mariscadores entraron no edificio da Autoridade Portuaria e esixíron ao xefe da mesma, Amable Dopico, presentara a súa demisión por permitir a entrada do buque e o bloqueo das embarcacións que saían a faenar.
Contra as tres da tarde máis de medio millar de veciños e mariscadores de Ferrol, concentrábanse no porto ferrolán pra protestar contra a entrada do gaseiro na ría. Logo de varios intentos frustrados por parte dos mariscadores para acceder ás súas embarcacións, ás catro e media do serán entraba o gaseiro pola bocana da ría levado por dous remolcadores e escoltados por dúas patrulleiras e varias lanchas da Garda Civil.
Dende eiquí os manifestantes dirixíronse ate a sé dos xulgados ferroláns para recibir ao patrón maior da Cofraría de Ferrol, Bernardo Bastida, detido o pasado martes cando trataba de impedir a entrada do gaseiro na ría. Este entraba a prestar declaración escoltado por un amplo dispositivo policial de axentes da Garda Civil e equipos antidisturbios da Policía Nacional que tomaban os accesos aos xulgados. Á saída comunicábase a prisión provisional sen fianza para o patrón maior, imputándoselle delitos de coaccións, ameazas e desobediencia cívica.
Xa ás sete do serán un grupo de mariscadores, aproveitando a concentración dos efeitivos policiais ás portas dos xulgados, conseguían acceder ás súas embarcacións e dirixirse ao metaneiro que ficaba xa atracado no porto de REGANOSA en Mugardos.
Dende o comité cidadán alértase de que a planta de gas, carece dun plan de emerxencia e ainda así os metaneiros seguen entrando na ría. O problema deriva do calado destes buques que precisan a pleamar para poder acceder á ría de Ferrol. No caso de se producir calquera problema que obrigara a sair ao buque, habería que agardar até a pleamar seguinte para poder evacualo.
Nos vindeiros días e ante a chegada de novos gaseiros á ría de Ferrol, o comité cidadán anuncia novas movilizacións.

P1020233.JPG
P1020245.JPG
P1020275.JPG
P1020295.JPG
P1020348.JPG
P1020317.JPG
1.JPG
2.JPG
3.JPG
4.JPG
5.JPG
6.JPG
7.JPG
8.JPG
9.JPG

Consegue en tempo real avisos de novos artigos no teu dispositivo, subscribete agora.

También podría gustarte
Comentarios