O Esteo As Pontes – U. Aginsu Fene (7-3)

38

O Esteo fíxose cos tres puntos no derbi comarcal contra o Aginsu Fene (7-3) en partido xogado no pavillón da Fraga, que rexistrou unha das mellores entradas da temporada, uns 300 espectadores.


O ESTEO FS: Ito, Jaime, Fran, Noé, Rubi –cinco inicial- Gerardo e Pellón.
AGINSU FENE: Coco, Pacuco, Louzán, Pilli, Gerveno –cinco inicial- Queco, Lardin e Josito.
ÁRBITROS: Trincado Fernández e Rodríguez Pereira (A Coruña). Expulsaron con roxa directa a Pacuco e tamén foron amoestados Coco, Louzán, Pilli e Gerveno, todos do Aginsu Fene.
GOLES: Min. 11 (1-0), Rubi. Min. 18 (1-1), Josito. Min. 20 (2-1), Noé. Min. 24 (3-1), Noé. Min. 27 (3-2), Josito. Min. 32 (4-2), Rubi. Min. 35 (5-2), Noé (dobre penalti). Min. 36 (6-2) Noé (dobre penalti). Min. 39 (7-2), Rubi. Min. 40 (7-3), Pilli.
Bonito partido o que disputaron Esteo e Aginsu Fene no municipal pontés, con dous equipos entregados completamente na procura da vitoria que se decantou a prol dos locais, xa que dominaron máis e nesta ocasión sí estiveron máis atinados de cara ó gol, sobresaíndo a derradeira fichaxe Noé, autor de catro goles, mentres que o goleador, Rubi, materializou os tres restantes. Os feneses mereceron algún gol máis, pois dispuxeron de boas ocasións para marcar e lanzaron dous balóns ós paus por outros tantos os locais. O encontro decidiuse a falta de cinco minutos para o remate ó acumular o Fene as cinco faltas de equipo e aproveitar ben as dúas seguintes Noé en senllos lanzamentos de dobre penalti. O bo porteiro fenés, Coco, rexeiteou outro de Jaime e Noé lanzou ó poste o cuarto. Con este resultado os ponteses afiánzanse na terceira posición mentres que os de Fene continúan na zona baixa da clasificación.
Nova cortesía de Antón F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios