O As Pontes viaxa ao terreo de xogo do Vizoño

18

[Diario de Ferrol] O CD As Pontes comeza hoxe o sprint final dunha liga chea de sobresaltos, e faino visitando ó Vizoño nun partido que pode afastar definitivamente as dúbidas e permitir xa un plácido tramo final da competición.


Aínda que logo da victoria da semana pasada o panorama xa aparece máis despexado, este choque é vital, pois podería supoñer que a pouco máis dun mes para o remate da liga, se poda certificar xa unha continuidade que por veces perigou, e sobre todo condeando a un rival directo. O equipo de Abegondo está a tentar aferrarse á categoría, e leva dous empates consecutivos, polo que precisa xa dos tres puntos para seguir dependendo de si mesmo á vista dos choques directos que lle quedan.
Para afrontar a primeira das seis bolas de partido que aínda teñen os de Alberto López, vai faltar un home que se descubriu fundamental neste tramo final da liga co seu acceso ó primeiro equipo dende os xuvenís. David Amado non vai estar recuperado da escordadura de nocello que sufría esta semana, e sumarase ás baixas de Dani, Boo e Pedro. Moi perto de ter tamén que descansar están outros catro xogadores, que van disputar este partido a un cartón da suspensión. Son Jorge, Piru, Alberto e Chote.
O partido xógase ás seis da tarde no campo de El Pinar, e a xunta directiva do cadro pontés agarda un bo resultado da súa formación para escalar algún posto na táboa.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios