CAMBIOS NO GRUPO MUNICIPAL DO BNG

211

Na próxima reunión do Pleno do Concello das Pontes aceptaranse as renuncias de Susana Vilaboy Cabarcos e de Xaime Castro Paz, concelleir@s do Grupo Municipal do BNG que, por motivos de saúde, e seguindo as prescricións médicas, vense na obriga de renunciar ao posto para o que foron elixidos polas veciñas e polos veciños da nosa Vila nas eleccións municipais de maio de 2007, ao non poder cumprir coa dedicación que tal responsabilidade esixe.


novo_bng.jpg

De esquerda a dereita: Paco, Susana, Xaime e Anxo

Os novos representantes do BNG no Concello serán Anxo Meizoso Permuy, veciño de Goente e membro de Galiza Nova das Pontes, e Paco Rodríguez Iglesias, que xa fora concelleiro na anterior lexislatura, co que o Grupo Municipal nacionalista segue a manter unha das súas características: a combinación equilibrada da experiencia coa renovación -no seu máis amplo significado-.
Asamblea Local das Pontes, 19 de maio de 2009

Consegue en tempo real avisos de novos artigos no teu dispositivo, subscribete agora.

También podría gustarte
Comentarios