España, décima na competición por equipos. Os homes loitarán polo bronce.

96

A selección española integrada por Magali Foulón, Beatriz Cabrero e Gema Buitrón, 12º nas calificatorias do pasado xoves, perdeu nos oitavos de final ante o experimentado equipo alemán (5º), formado por Richter, Schaefer e Winter, por 207-200, a pesar de chegar ó ecuador da proba con ventaxa de 102-100, as alemanas acabaron impoñendo a súa veteranía pra acabar gañando con certa suficiencia. O xove equipo español acabou décimo dunha proba na que a final a disputarán mañá Corea contra Rusia namentres que polo bronce competirán China e Italia.


Moito mellor lle foron as cousas ó combinado masculino de recurvo, pois tras pasar á fase final coa 13ª mellor nota tivo que enfrontarse en oitavos a Xapón, que obtivera a 4ª nota nas calificatorias do xoves, so por detrás de Corea, Francia e India, pero Daniel Morillo, Andrés Gómez e Elías Cuesta sacaron o mellor de si e venceron 210-205, por si fora pouco en cuartos cruzabanse co 5º mellor clasificado e equipo anfitrión China, ó que venceron por un axustado 206-205, e deron o mellor de si en semifinais ante o gran favorito Corea do Sur, co que caeron por un honroso 216-213. Pelexarán mañá polo bronce ante o cadro mexicano, 6º nas calificatorias. A final será entre os dous favoritos, Corea e Francia.
Mañá levaranse a cabo as tiradas correspondentes á loita polo ouro e polo bronce en categoría individual, mixta e por equipos, e posteriormente terá lugar a ceremonia de clausura desta cita da Copa do Mundo á espera dos Mundiais que se celebrarán en Ulsan (Corea).
Nova cortesía de Xóse Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios