O Grupo Xuvenil acada a medalla de bronce no Trofeo Príncipe de Asturias e Jesús Rodríguez acaba segundo no Descenso do Tui

86

O K4 do Grupo Xuvenil integrado por Antonio Polo, Carlos Pedreira, Alberto Pigueiras e Jesús Rodriguez acadou a medalla de bronce no Trofeo Príncipe de Asturias disputado este sábado en Pontevedra, proba na que participaron máis dun cento de embarcacións provintes de tódalas partes do Estado, e tamén de Portugal, Arxentina e Francia.


Despois de 16 kilómetros de percorrido os primeiros en chegar foron os compoñentes do Kaiak Tudense (Alonso, Dobarro, Sobrado e Rodríguez), seguidos do Piraguismo Vilaboa (Palmas, Pazos, Conde e Sánchez) e o Grupo Xuvenil Endesa entrou con un tempo de 1 hora 8 minutos 11 segundos, recibindo ademáis un merecido premio de 600 euros pola súa terceira posición.
Xa na xornada de onte os palistas do grupo Xuvenil acudiron ó Descenso do Tui, e na proba de K1 Jesús Rodríguez Léon acadou un brillante segundo posto cruzando a meta con 1 hora, 4 minutos e 51 segundos, por detrás de Alvaro Fernández Fiuza (Pontevedra) e por diante de Felipe Besada (O Grove). Pola súa banda Antonio Polo Campello entrou na séptima posición nunha proba que tivo máis de 60 participantes en K1 Senior e que contou cun percorrido de 14 kilómetros.
Pola súa banda, Alberto Pigueiras Leal e Carlos Pedreira Carneiro competiron na proba de K2 na que finalizaron en 17ª posición, competición gañada polos arxentinos Pinta e Mozicafredo que xa foron terceiros hai una semana no Descenso do Sella.
Nova cortesía de Xóse Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios