CLUB DEPORTIVO AS PONTES RESULTADOS DA FIN DE SEMANA

21

Nunha xornada na que tódolos equipos do CD As Pontes disputaron os seus respectivos compromisos, rexistráronse cinco triunfos para os ponteses e sete derrotas. Salientar a vitoria a domicilio do cadro feminino e a novena do equipo infantil, que suma nove triunfos de nove partidos xogados (ten pendente un encontro), nos que marcou 50 goles e encaixou tan só tres.
futbol_cd_aspontes_001.jpg


CD AS PONTES PREFERENTE: O CD As Pontes gañou con claridade ó Chantada por 4 goles a cero. Os ponteses puxeron o partido o seu favor no primeiro cuarto de hora cos goles de Parada e Suso Peña. A cinco minutos do descanso Álvaro establecía o 3-0 e xa no minuto oitenta Iván González redondeou a clara vitoria dos ponteses (4-0), un resultado que mantén ó cadro das Pontes na cuarta posición a oito puntos do líder Betanzos, pero cun partido menos, o que disputará o 8 de decembro en Dorneda, conxunto situado na segunda posición con 25 puntos.
CD AS PONTES FEMININO: Excelente resultado do conxunto feminino na súa saída a Oleiros, onde gañou ó Pastoriza por 0-2. As de Salido amosaron unha imaxe diferente a dos últimos partidos e dominaron claramente o partido de principio a fin. Paty, no minuto 37 marcou o 0-1 e a catro minutos do final Lara puxo o resultado definitivo. Xogaron polo As Pontes: Leti, Yaiza, Laura, Jani, Silvia, Lara, Clara, Patri, Paty, Sara e Paula Alvariño (Paula Barro, 61).
CD AS PONTES XUVENIL: Derrota dos dous conxuntos xuvenís. Os da liga nacional caeron en Vigo (3-0) diante do C.H. San Roque e os da competición comarcal foron superados no Poboado polo Galicia de Caranza B (0-2). O xuvenil A ocupa posto de descenso con seis puntos, grupo que é liderado polo Conxo con 30 puntos. O equipo B está clasificado na duodécima posición con 9 puntos a 14 do líder, Eume Deportivo.
CD AS PONTES CADETE: O equipo cadete gañou con claridade o seu compromiso no Poboado diante do Val, por dous goles a cero, tantos marcados por Álex e Criado. O equipo que adestra Calpita ocupa a quinta posición con 16 puntos, a oito do primeiro, Galicia de Caranza.
CD AS PONTES INFANTIL: Logo de oito xornadas disputadas o As Pontes infantil suma outros tantos triunfos. Este sábado gañou no campo de San Xoán ó Racing de Ferrol por 0-4. Diego Filgueiras marcou dous goles e Álex Fernández e David Rey foron os autores dos outros dous tantos. O equipo que adestra Rebolo continúa na primeira posición do grupo quinto con 27 puntos e un partido menos.
CD AS PONTES ALEVÍN: Derrota dos dous equipos de categoría alevín. O conxunto A perdeu diante do líder Meirás por 6-3 e o equipo B caeu no Poboado perante o Eume Deportivo (1-2), con gol marcado por Josiño. O cadro A é pechacancelas con só un punto nun grupo que encabeza o Meirás con 21 puntos. O equipo B é sexto con nove puntos, sendo primeiro deste grupo o Galicia de Caranza C con 19 puntos.
CD AS PONTES BENXAMÍN: Goleada do equipo A ó Rácing San Pedro B por seis goles a cero, tantos marcados por Bruno (3), Sergio Otero, Diego e Alberte. Pola súa banda, o conxunto B perdeu pola mínima na súa visita a Ferrol diante do ánimas (4-3). O As Pontes A é sétimo con 10 puntos do grupo que encabeza o Eume Deportivo con 21 puntos. No outro grupo é primeiro o Galicia de Caranza D (21 puntos) e o As Pontes B ocupa a undécima posición con oito puntos.
CD AS PONTES PREBENXAMÍN: Derrota do As Pontes A no Poboado por 2-3 perante o Numancia de Ares. Vicente, que fixo un bo partido, foi o autor dos goles ponteses. Pola súa banda, o equipo B sufriu unha severa goleada (19-0) en Ferrol diante do líder Rácing San Pedro. O equipo B aínda non puntuou na liga e ocupa a derradeira posición mentres que o cadro A é sétimo no seu grupo con tres puntos sendo primeiro o Ánimas con quince.
RESUME RESULTADOS
PREFERENTE: CD AS PONTES – SD CHANTADA (4-0)
XUVENIL NACIONAL: C.H. SAN ROQUE – CD AS PONTES (3-0)
XUVENIL COMARCAL: CD AS PONTES – GALICIA CARANZA (0-2)
FEMININO: SCD PASTORIZA – CD AS PONTES (0-2)
CADETE: CD AS PONTES – SD O VAL (2-0)
INFANTIL: RACING FERROL – CD AS PONTES (0-4)
ALEVIN A: MEIRÁS CF – CD AS PONTES (6-3)
ALEVIN B: CD AS PONTES – EUME DEPORTIVO (1-2)
BENXAMIN A: CD AS PONTES – RACING SAN PEDRO (6-0)
BENXAMIN B: ÁNIMAS SD – CD AS PONTES (4-3)
PREBENXAMIN A: CD AS PONTES – NUMACIA ARES (2-3)
PREBENXAMIN B: RACING SAN PEDRO – CD AS PONTES (19-0)
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
futbol_cd_aspontes
Nova cortesía de A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios