Sensacional actuación de Gema Buitrón no prestixioso Villa de Madrid

27

A arqueira pontesa Gema Buitrón Cortiñas tivo unha gran actuación esta fin de semana no torneo Internacional Villa de Madrid, onde se deron cita os mellores arqueiros estatais, e tamén representantes de outros países. Xa na rolda calificatoria Gem sumou un total de 635 puntos, aventaxando en 15 á súa gran rival, Magali Foulón.
Na rolda final foi vencendo sucesivamente a María Coronado (dezaseisavos), Anna Costa (octavos), María Antonia Oroza (cuartos), á prometedora naronesa Iria Grandal (semifinais), para acabar derrotando a gran Magali Foulón na final.


En recurvo masculino, Andrés Gómez impúxose a Daniel Morillo, namentres que en arco composto Jose Ignacio Catalán venceu a Víctor Canalejas, e como non, a tres veces subcampiona do mundo Fátima Agudo impuxose a Irene Cuesta.
Por equipos ganou o Sant Josep en Forma integrado por Foulón, Miriam Alarcón e Isabel Colomar, namentres que o Silex Narón integrado por Buitrón, Grandal e Cristina Maroñas quedou en segunda posición. No resto de categorías gañaron os clubs Eivissa Pat Humanitat (recurvo masculino), Informática Compuesto (compsoto masculino) e Sagitta Compuesto (composto femenino).
Gema iniciará as probas da Copa do Mundo en Maio.
Nova cortesía de Xose Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios