Gema Buitrón finaliza 53º nas calificatorias da Copa do Mundo

39

No estreo da Copa do Mundo de Tiro con Arco en Porec (Croacia), Gema Buitrón quedou 53º nas roldas calificatorias e conseguiu o pase ós trintaedousavos de final a disputar mañá.
Nunha proba de moito nivel obtivo a mellor marca a polaca Justyna Mospinek con 648 puntos, por 647 da rusa Elena Kuznetsova e 644 da india Laishram Devi. Gema obtivo 602, namentres que no resto da delegación española, Magali Foulón foi 58º con 598 puntos e Helena Fernández 61º con 591. Á noviña Irene Delgado puidolle a responsabilidade e foi a única que non se clasificou para a ronda final quedando 80ª con 451 puntos.


Pero difícil o terán na rolda final, pois a pontesa enfrontarase á numero 12, a perigosa ucrania Victoriya Koval, Magali coa número 7, Jennifer Nichols, de Estados Unidos, e Helena Fernández coa número 4, nin máis nin menos que a chinesa Ming Cheng.
Por equipos as tres representantes españolas conseguiron a 14º posición con 1971 puntos e accederon á rolda de oitavos de final, na que se enfrontaran as 3º clasificadas, Polonia (1894 puntos), que conta nas súas filas con Lipiarska, Marcinkiewicz, e a gran Mospinek. Na proba por equipos femininos a mellor puntuación obtivoa Bielorrusia con 1904, seguida de China, 1900.
Por equipos mixtos, España non puido clasificarse, pois a suma de puntos entre os primeiros de cada equipo, Daniel Morillo (648) e Gema Buitrón (602) levou ó cadro estatal a 1250 puntos, quedando na 18º posición, a 11 puntos da 16º plaza de Bélxica, a última que daba acceso ós oitavos de final.
Mañá serán as eliminatorias individuais e por equipos mixtos, e o venres as eliminatorias por equipos.
Nova cortesía de Xose Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios