Nota de prensa BNG: AS PONTES: CAOS MUNICIPAL SOCIALISTA

86

O Pleno urxente convocado polo Alcalde para o venres celebrarase o martes.
A política municipal das Pontes ven de padecer outro capítulo máis de desorden e utilización partidista da institución pública protagonizado polo Alcalde socialista.
Despois dos dous Plenos da semana pasada, O Alcalde convocaba unha sesisón urxente para o venres na que se deberían tratar dous asuntos, que quedou nun só, logo da comisión informativa previa ao comprobarse a ausencia de informes técnicos e, polo tanto, a imposibilidade legal de debater sobre da situación urbanística do edificio no que está o Instituto de Promoción Económica Pontés en Penapurreira, edificio xa inaugurado e sen licenza, asunto que se demora dende hai varios anos.
O venres, cando ía ter lugar o Pleno, o Alcalde víuse obrigado a suspendelo pola imposibilidade, tamén legal, de tratar a aprobación dunha factura duns 105.000 € que fora retirada do Pleno da semana pasada.
Xa pola tarde, os membros da Corporación eran convocados, de novo, para un Pleno a celebrar o martes da próxima semana, no que o PSOE eo PP intentarán aprobar a “ditosa” factura, máis “afortunada” que outras máis antigas que, ao parecer, terán que esperar a un cambio de goberno.
O BNG quere denunciar a escandalosa actitude do goberno socialista para cumprir os seus compromisos partidistas, que constrasta co seu desinterés e pasividade para afrontar os problemas importantes das Pontes: os despidos en Galparket; as alternativas para LM, Aceriusa, Estracero, Acería, Acebrón, Lobelle, Auxiliares, …; os máis de 800 parados; as medidas municipais para a crise; o investimento dos máis de 4 M€ que ten o Concello na caixa, sen esperar ás municipais, o lago, o plan xeral de urbanismo; … Para iso si pode contar co BNG.
As Pontes, 11 de xuño de 2010
Asemblea Local do BNG

Consegue en tempo real avisos de novos artigos no teu dispositivo, subscribete agora.

También podría gustarte
Comentarios