BORJA PRIETO, ANTONIO POLO E CARLOS PEDREIRA CONVOCADOS POLA SELECCIÓN

25

A Federación Española de Piraguismo confirmou estes días, á espera da convocatoria oficial, que o palista pontés Borja Prieto Valera formará parte do K4 1000 metros que competirá nos Mundiais que se levarán a cabo na cidade polaca de Poznan do 19 ó 22 de Agosto.
Quedando aínda catro embarcacións por confirmar, que se xogarán as prazas definitivas o vindeiro 11 de Agosto en Verducido, os membros da Federación preferiron tratar de afianzar o K4 en vistas ós futuros Xogos Olímpicos de Londres, e Borja, que venceu con solvencia no K1 500 non dobrará e reservará ás súas enerxías para loitar xunto ós seus compañeiros Llamedo, Germade e Piña por unha boa plaza no K4 1000 metros.


Tralos selectivos controis, ós palistas da delegación española quedanlles apenas dúas semanas de adestramento pra tratar de acoplarse e encarar da mellor maneira posible a cita mundialista.
Pola súa banda os incombustibles Antonio Polo e Carlos Pedreira volveron a vencer esta fin de semana, esta vez na Travesía de Catoira, conseguindo a súa enésima victoria no que vai de temporada. Impuxeronse a Dobarro-Outeda (O Grove) e Millán-Martínez (Pontevedra), K2 ós que aventaxaron en 6 e 25 segundos respectivamente. Tamén competiron en C2 Ricardo Estévez e Hernán Fernández que acabaron undécimos.
A boa traxectoria dos palistas ponteses non pasou desapercibida pra a Federación Galega de Piraguismo que decidiu convocar a Antonio e a Carlos como o K2 que representará a Galicia no prestixioso Descenso Internacional do Río Sella que terá lugar este próximo sabado en terras asturianas.
Nova cortesía de Xose Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios