Nota de prensa BNG: UNHA PARCELA PRÓXIMA Á ESCOLA INFANTIL EN CONDICIÓNS PERIGOSAS

81

O estado de abandono causa intranquilidade entre os residentes do Poboado das Veigas.
As Pontes, 19 de agosto de 2010.- O BNG ven de solicitar ao Concello que, no cumprimento das súas obrigas, adopte as medidas oportunas para solucionar a problemática xurdida polo estado de abandono dunha parcela con vivenda no Poboado das Veigas.
veigas.jpg


A parcela e parte dun grupo de vivendas ancoradas, o que ocasiona a lóxica alarma dos veciños e veciñas polas consecuencias negativas que se poidan derivar, quer de seguridade polo perigo de lume, quer de sanidade e salubridade, que se incrementan máis pola súa proximidade á Escola Infantil Municipal “Barosa”, con actividade nestas datas.
O descontrol e a permisividade facilitan a aparición de situacións como a denunciada nunha zona que pertence ao patrimonio industrial das Pontes, e que foi referenciada e estudada en congresos de urbanismo a nível europeo.
O Concello e Endesa, como propietaria, iniciaran na anterior lexislatura as conversas para o tratamento urbanístico que permitira a venda das vivendas, nas condicións acordadas coa representación social. En 2007 Endesa debería facer correccións no documento de parcelación presentado, referidas á dotación de servizos (saneamento, auga, electricidade, beirarrúas, estradas, …) e á propia definición das parcelas, modificacións que foran analizadas nunha reunión coa Asociación de Veciños do entón goberno municipal do BNG; tamén estaban pendentes de concretar as cesións que debería facer a propietaria ao Concello e as súas condicións.
O BNG non ten información sobre do estado actual das conversas.
Asemblea Local do BNG das Pontes

Consegue en tempo real avisos de novos artigos no teu dispositivo, subscribete agora.

También podría gustarte
Comentarios