Nota de Prensa BNG : O BNG SUSPENDE AS REUNIÓNS NO FREIXO E EN GONDRÉ

46

As convocatorias relacionadas co Decreto do Carbón previstas para o venres e o sábado provocan a decisión nacionalista.
As Pontes, 14 de outubro de 2010.- Despois do período de verán, o BNG pontés ven de retomar as visitas ás parroquias do concello e os encontros co movemento asociativo da localidade; para o venres e o sábado estaban convocadas as do Freixo e Gondré, respectivamente.


Máis a situación derivada da aprobación do decreto do carbón por parte do goberno do PSOE do Estado, nomeadamente a convocatoria da Plataforma comarcal en contra do decreto para o venres ás 19 horas no Carvalho Calero de Ferrol e a concentración do sábado diante da Delegación do Goberno na Coruña, motivan a decisión do BNG das Pontes de suspender as reunións, coa finalidade de xuntar esforzos na procura do obxectivo común de modificar a decisión do PSOE estatal.
Dende a seguridade de que os veciños e as veciñas non só entenden a decisión senón que comparten e apoian os seus motivos, o BNG fai público, de novo, o seu compromiso co rural que se concretará nunha nova convocatoria no menor prazo posíbel.
Asemblea Local do BNG das Pontes

Consegue en tempo real avisos de novos artigos no teu dispositivo, subscribete agora.

También podría gustarte
Comentarios