ACTUACIÓN DE GEMA BUITRÓN NA UNIVERSIADA DE SHENZH

41

A arqueira pontesa Gema Buitrón está estes días en China na disputa da 26ª Universiada de Verán, das que España albergou a de Palma de Mallorca en 1999 e dúas de Inverno en Jaca en 1981 e 1995, ademáis da que terá lugar en Granada en 2015.


Nas roldas eliminatorias de recurvo feminino Gema foi 31ª con 604 puntos e a naronesa Iria Grandal foi 34ª con 601. Sensacional estivo a junior salmantina Helena Fernández, que foi 24ª con 617 puntos, co que, ademáis de ser a mellor das españolas nas eliminatorias gañouse ó deretito a disputar a competición mixta xunto ó mellor dos homes, Elías Cuesta, que logrou unha brillante 14ª praza, 22º Antonio Fernández e 40ª Andrés Gómez. As coreanas coparon as tres primeiras prazas, sendo a primeira europea Nina Mylchenko, de Ucrania (6ª)
Na competición por equipos disputada esta madrugada, as españolas (Fernández, Buitrón e Grandal) superaron na primeira rolda a Kazhakstán por un apretado 14-13, caendo na rolda de cuartos de final ante a gran favorita Corea do Sur, por 22-14, concluindo a competición por equipos na séptima praza. As semifinais serán Corea-Xapón, Ucrania-China Taipei.
Non tiveron mellor sorte os homes e caeron na primeira rolda 17-15 ante os xaponeses, finalizando na 13ª praza, mentres en recurvo mixto Helena e Elías caeron tamén na primeira rolda, no desempate ante o perigoso equipo chino (11-11), acabando na décima praza.
Mañá terá lugar a fase final da competición individual, onde, casualidades do destino, Iria e Gema se enfrontarán entre si na segunda rolda, a das 48 mellores, tras quedar exentas da primeira. A que clasifique terá un envite nada apetecible nos dezaseisavos de final, a coreana Dasomi Jung, segunda nas calificatorias. Algo máis doado o terá Helena Fernández, que defrontará a Tapashi Mondal, da India, e de pasar probablemente se atoparía nos dezaseisavos coa mexicana Aída Román.
Nova cortesía de Xosé Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios