TERCEIRA DIVISIÓN DE FÚTBOL SALA: VENTORRILLO F.S. – O ESTEO F.S. (2-4)

125

Importante vitoria do Esteo na Coruña diante do Ventorrillo por 2-4 nun partido que estivo moi igualado, sobre todo na primeira parte, xa que o cadro coruñés saíu a por todas con moita presión adiante, que sorprendeu ó conxunto pontés. Así no minuto seis os coruñeses inauguraban o marcador por mediación de Adrián. Isto serviu para que os ponteses saíran do seu letargo e comezaron a facer o seu xogo habitual, creando moitas ocasións de gol, pero tan só aproveitaron unha por obra de Pelu que serviu para empatar o encontro a falta de tres minutos para o descanso. Na segunda parte Adrián adiantou de novo ó seu equipo. Diego Paz, adestrador pontés, mandou presionar máis arriba dominando máis ó seu rival, que notou o esforzo realizado ata ese intre. Pellón, Rubi e Gerardo sentenciaron o partido nun encontro cun xogo moi igualado, o que permite ós ponteses afianzarse na primeira posición da clasificación do grupo galego da Terceira División, agora con cinco puntos sobre o Rececende, equipo que ocupa a segunda posición logo da derrota do 5 Coruña na casa do Pazos de Borbén, equipo que visita As Pontes na vindeira xornada.
O-Esteo-FS-2012-13.jpg


FICHA DO PARTIDO
VENTORRILLO F.S.: Jorge Manuel, Edu, Perce, Borja, Adrián –cinco inicial- Raúl, Sergio, Alberto e Fernando.
O ESTEO FS: Choto, Pellón, Gerardo, Fran, Rubi –cinco inicial- Gerveno, Bolly, Pelu e Diego.
ÁRBITROS: Dans Rey e Manteiga Rodríguez, da Coruña. Amoestaron a Jorge Manuel, Raúl, Perce –en dúas ocasións, polo que foi expulsado a falta de dous minutos para o final- e Gerardo.
GOLES: Min. 6 (1-0), Adrián. Min. 17 (1-1), Pelu. Min. 26 (2-1), Adrián. Min. 34 (2-2), Pellón. Min. 37 (2-3), Rubi. Min. 39 (2-4), Gerardo.
INCIDENCIAS: Partido da novena xornada de liga da Terceira División disputado no pavillón municipal do Ventorrillo ante uns cen espectadores nas gradas.
Nova cortesía de A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios