TERCEIRA DIVISIÓN: C.D. AS PONTES – VILALONGA F.C. (1-1)

36

Ó As Pontes non lle está sentar nada ben o inicio da segunda volta, xa que logo de tres derrotas seguidas, dúas na casa, na tarde-noite de hoxe non pasou do empate diante dun Vilalonga ata hoxe en posto de descenso directo; pero, que no Poboado fixo méritos para levarse un punto despois de que o partido rematase con empate a un gol. Sen embargo, nos minutos finais o As Pontes tivo tres clarísimas ocasións para desnivelar o marcador e alzarse cos tres puntos. Pero, primeiro Eloy a centro-chut de Dieguito, enviou o balón fóra. Despois Sergio Arias mandou un balón por alto que bateu no poste esquerdo da portería de Pazos, e na máis clara, Iván González, só e a tres metros da frontal da porta mandou o balón ás nubes. Antes Jorge tivo a ocasión máis clara para o Vilalonga nesta segunda parte.
Os primeiros corenta e cinco minutos de xogo estiveron igualados con escasas ocasións para os dous equipos, agás os dous goles que subiron ó marcador e que ó final foi o resultado definitivo. O primeiro para os visitantes logo dun erro da defensa local e o segundo, o do empate, a falta de catro minutos para o descanso. Na segunda parte a tónica de xogo foi a mesma cun As Pontes con pouco mordente en ataque e un Vilalonga que se defendeu ben e contragolpeaba con certo perigo. Salientar no equipo pontés a boa actuación de Hugo no seu debut co primeiro equipo. Ó final xusto reparto de puntos, unha nova decepción dos afeccionados ponteses e un As Pontes que semella volver a tempos pasados e que terá que mellorar no seu xogo para saír deste bache no que se atopa desde que comezou o ano. Despois desta xornada o conxunto pontés baixa á novena praza con 31 puntos, a oito do descenso directo e na vindeira xornada visita ó Betanzos, outro dos equipos da súa liga particular, décimo cuarto con 26 puntos.
cdaspontes


CD AS PONTES: Kiko, Hugo, Nano, Dani, Rochela, Esmorís, Iván González, Bossa, Eloy (Álex, 89), Cañi (Dieguito, 70) e David Amado (Sergio Arias, 69).
VILALONG F.C.: Pazos, Quini, Leo, Machu, Javi Nogueira, Miguel, Tenorio, Nelo (Uru, 66), Jorge Fernández (Pichi, 85), Saúl e Fran Matos.
ÁRBITRO: Abel Fernández Lodeiro, auxiliado por Queija Pérez e Hernández Giadans (Santiago). Expulsou por dobre amarela ó visitante Quini (min. 81). Tarxetas amarelas a Cañi e David Amado, do As Pontes, e Leo, do Vilalonga.
GOLES: 0-1, Jorge Fernández (min. 17). 1-1, Eloy (min. 41).
CAMPO E INCIDENCIAS: Poucos espectadores no Poboado, apenas uns 150 afeccionados nas gradas do recinto deportivo pontés.
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
cdaspontes
Nova cortesía de Xose Ferreiro e A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios