Nota de prensa BNG: O PSOE CONTRATA A UNHA EMPRESA PARA CUBRIR UNHA BAIXA POR CASE QUE O DOBRE DO SALARIO DO TRABALLADOR SUBSTITUÍDO

33

No pleno ordinario, o goberno municipal rexeitou a proposta do BNG das listas de espera e bolsas de emprego.
As Pontes, 11 de xullo de 2013.- Dende o inicio do novo mandato do PSOE, O BNG ven insistindo na necesidade de actuación por parte do Concello a respecto da situación do desemprego (1009 persoas en xuño), sobre de todo a considerar a dispoñibilidade de recursos económicos da que fai ostentación o Alcalde (4,5M€ sobrantes de 2012).
No último pleno ordinario, o BNG facía, entre outras, a proposta de ampliar a todos os servizos municipais a lista de espera para cobertura de necesidades transitorias (vacacións , baixas médicas, excedencias, etc….) mediante contratación temporal, proposta rexeitada polo PSOE.


Pola contra, na mesma sesión, o goberno municipal daba conta da contratación dunha empresa para substituír a un conserxe dun pavillón, durante os meses de abril, maio e xuño, por un importe mensual de 1.687,95€ cando o traballador de baixa médica percibe 980,81€.
O procedemento non é novo, casual ou accidental: o PSOE realizou un despido improcedente dun monitor cun custe de 1.120€ mensuais e contratou a unha empresa por 2.045€, empresa que tamén foi contratada para substituír a un profesor de violín.
É dicir, o Goberno do PSOE prefire a contratación sen concurso dunha determinada empresa á creación directa de emprego local a través dunha bolsa de traballo do propio Concello.
Para o BNG, o mecanismo utilizado polo Alcalde favorece, cando menos, o clientelismo e o caciquismo e fuxe do control público dunha bolsa de emprego.
Asemblea Local do BNG das Pontes

Consegue en tempo real avisos de novos artigos no teu dispositivo, subscribete agora.

También podría gustarte
Comentarios