TERCEIRA DIVISIÓN: ALONDRAS CF 0 – CD AS PONTES 2

39

Importantísima victoria a domicilio do As Pontes tras dous empates consecutivos en casa, que o sitúan na quinta posición con 8 puntos, empatado con Boiro, Cerceda e Arousa e con tan so o Deportivo B por diante con 9 puntos. E o que é máis importante, o principal obxectivo, acadar a permanencia outro ano, un pouco máis preto.
Cando un vai a Cangas atópase un lugar paradisíaco, e máis saíndo de Vigo, podese facer fotos cos grandes, Cal, Perucho, Portela, Germade … Pero con respecto ó fútbol un sae bastante disgustado do Campo do Morrazo, se hai apenas un ano e medio o As Pontes estivo a piques de descender por mor dun penalti imaxinario, entre outras cousas, onte foi vitima dunha arbitraxe cuestionable, anque o fútbol, por veces, acaba facendo xustiza.
terceira


O As Pontes contaba coas baixas de Pablo, Arias, Dani e Esmorís. Comezou dominando o equipo da casa, un balón chegou dende a dereita estando en posición franca Denis, pero este non a esperaba e manda por alto (5´), respondeu Amado un minuto despois.
A ocasión máis clara desta primeira metade foi tras un bo pase de Chicho a Amado, que este encara, regatea ó porteiro, remata e saca un defensa baixo paus (23´), o posterior rexeite tampouco o pode aproveitar o media punta ferrolán.
Bossa probou os puños de Martín na cuarta falta que tirou (30´), se ben pouco puido facer o viveirense pois sempre tiña a barreira moi preto.
Nunha gran xogada entre Iván González e Pablo Domínguez este centra e Amado sen pensalo remata a rentes do pau (33´). Outro tiro de Chicho por riba da escadra (38´) precedeu ó descanso.
No comezo do segundo tempo avisou Denis cun disparo que marchou lamendo o pau (48´), pero foi tres minutos máis tarde nunha lección maxistral de Bossa cun pase en profundidade a Amado, que o dianteiro naronés controla, avanza e cruza ante a saída de Martín facendo o 0-1 (51´).
Pero ahí apareceu a figura do colexiado, que semellaba por momentos verse presionado polas continuas protestas e reclamacións do público local, asi, no 61´, tras caer un dianteiro visitante expulsou con vermello directo a Aitor entendendo que derrubou ó xogador local cando marchaba hacia portería, creemos que lle deu ó balón e o xogador ía máis hacia córner que hacia porta, pero expulsión ó fin e o cabo e a xogar con 10 outra semana máis.
No 67´ o colexiado nin sinala falta dun defensa pontés, nin sinala unha clara falta posterior a Hugo na sua cesión a Kiko na mesma xogada, o balón queda morto, sen porteiro, e salva Rochela baixo paus a disparo de Denis.
Non se amilanou o As Pontes e tras recibir Fidi de Amado un pouco escorado á esquerda marcou maxistralemnte de tiro cruzado entrando o balón a media altura, rubricando un gran partido o herdeiro de Bossa, o seu paisano que chegou do Celta B con apenas 20 anos.
Pero foi a tarde dos xogadores de Viveiro, pois tras un leve roce de Santi cun xogador local dentro da área o colexiado sinalou penalti. Kiko estivo bravo e atallou o disparo de Mauro, e no posterior rexeite o xogador mandou o balón fora (74´).
No 78´, o colexiado, a instancias do xuíz de liña expulsou a Iván González, xa foi raro que escoitara algo pois o público local non parou de protestar en todo o partido. Reclamaba o banquiño pontés un posible penalti sobre Santi.
Ocasión de Amado no 79´, e no 83´ tras un córner que pasa por toda a defensa azul, Andrés remata sen esperala a bocaxarro por alto en posición inmellorable.
Xa no desconto desmarcouse Santi e a piques estivo de marcar pero o porteiro salvou coa manopla cando xa se colaba (94´).
Tres puntos vitais para un As Pontes que a vindeira fin de semana recibe a un Bouzas quinto pola cola con 4 puntos, partido clave para dar un paso adiante a pesar das ausencias de Aitor e Iván, pero co regreso de Sergio Arias. Nas vindeiras semanas enfrontarase a Deportivo B, un reforzado Barbadás, e ó Pontevedra, asi que unha victoria ante os vigueses semella crucial.
Por outra parte comezou a Liga Galega Xuvenil, con empate do As Pontes en Lugo ante a Milagrosa (1-1), a Liga Comarcal Feminina, con victoria do As Pontes 2-5 ante o Narón BP, e a Copa Infantil con triunfo dos azuis 0-10 ante a Cultural Maniños.
Alondras CF. Martín, Nano (Mauro 55´), Castilla, Vitra, Javi, Casas, Iago, Denis (Abraham 70´), Andrés, Mota, Campo (Serxio 65´).
CD As Pontes. Kiko Rochela, Nano, Chote, Aitor, Fidi (Santi 70´), Iván González (Hugo Filgueiras 63´), Bossa, David Amado (Alex Cabarcos 87´), Chicho, Pablo Domínguez.
Goles: 0-1, David Amado, minuto 51. 0-2, Fidi, minuto 68.
Campo e incidencias: Campo do Morrazo. Uns 350 espectadores en tarde moi calurosa e soleada. Partido correspodente á cuarta xornada de Liga.
Árbitro: Daniel Arias Penas (Vigo). Auxiliado nas bandas por Álvarez Domínguez e Penedo Portela. Amonestou a Javi, Denis, Mota, Rochela, Chote, Bossa e Chicho. Expulsou con vermello directo a Aitor (61´) e Iván González (74´).
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
terceira
Nova cortesía de Xose Ferreiro e A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios