SEGUNDA DIVISIÓN B DE FÚTBOL SALA: O ESTEO AS PONTES F.S. – AD ESPINAR ARLEQUÍN FS (5-4)

50

Despois de cinco xornadas o Esteo volveu a gañar na Segunda División B en partido disputado esta sábado no pavillón da Fraga. Custoulle ó equipo de As Pontes dobregar a un Espinar, equipo que tamén se xogaba moito neste encontro, pois os dous estaban na zona baixa da clasificación empatados a tres puntos e necesitaban imperiosamente a vitoria. Comezaron mal as cousas para o Esteo cando ós tres minutos de xogo os segovianos adiantáronse no marcador logo dun erro defensivo local. Tardou en chegar o empate dos ponteses nunha xogada que culminou Gerardo. Pero, pouco durou a alegría, xa que un par de minutos despois Gerardo tivo a mala fortuna de introducir o balón na súa propia portería e dous minutos máis tarde Javi marcaba un perigoso 1-3. Rubi a falta de catro minutos para o descanso acurtaba diferenzas no marcador, resultado co que se chegou ó descanso.
Na segunda parte os ponteses saíron decididos a pola vitoria e ós dez segundos de comezar Rober empata o encontro. A partir de aí o Esteo dominou máis e tivo moitas ocasións para marcar, aínda que tamén os segovianos dispuxeron de varias oportunidades, que desbaratou o meta pontés Chotto. Ós trece minutos deste segundo tempo Rubi volve a anotar poñendo por diante ós ponteses e un minuto despois marca o terceiro da súa conta particular logo dunha gran xogada. Tras este gol. todo facía pensar nunha clara vitoria dos ponteses, xa que dispuxeron de boas oportunidades para incrementar o resultado. Sen embargo, serían os visitantes, que a falta de tres minutos para o remate xogaban con porteiro-xogador, os que marcarían o 5-4 definitivo despois dun lanzamento de dobre penalti. En definitiva, tres importantes puntos para o Esteo que o distancian en tres do seu rival desta tarde. Na vindeira xornada o Esteo visita ó líder Universidad de Valladolid, que este sábado empatou a tres goles na casa do Zamora.
esteo


FICHA DO PARTIDO
O ESTEO FS: Choto, Gerardo, Héctor, Rubi, Rober –cinco inicial- Pelu, Fran, Gerveno e Bolly.
ESPINAR ARLEQUÍN: Carlos, Javi, Óscar, Felipe, Abel –cinco inicial- Luís, Isaac, Sacristán e Angulo.
ÁRBITROS: José Hevia Campa e Andrés Vanegas Betancurt, do colexio asturiano; na mesa Laura Vila Rivera, da Coruña. Amoestaron ós visitantes Javi, Óscar e Sacristán.
GOLES: Min. 3 (0-1), Abel. Min. 11 (1-1), Gerardo. Min. 13 (1-2), Gerardo en propia porta. Min. 15 (1-3), Javi. Min. 16 (2-3), Rubi. Min. 21 (3-3), Rober Paz. Min. 27 (4-3), Rubi. Min. 34 (5-3), Rubi. Min. 39 (5-4), Felipe, de dobre penalti.
INCIDENCIAS: Partido correspondente á sexta xornada de liga de Segunda División B disputado este sábado no pavillón municipal da Fraga, que rexistrou unha boa asistencia, preto duns 250 afeccionados nas gradas do polideportivo pontés.
XUVENIL E CADETE
Na liga nacional xuvenil o Esteo empatou a dous goles co Noia nun partido no que mereceu mellor sorte. Xogaron polo Esteo: Aldrey, Pablo, Diego, Tucho, Dani Río, Alberto, Álex, Picos, Miguel e Dani. Marcaron os tantos do cadro pontés Pablo e Dani Río.
A continuación deste partido disputouse un amigable entre os equipos cadetes do Esteo e Noia, con vitoria dos visitantes por 3-4. O Esteo xogou con Yadai, Ramudo, Pablo, Pedro, Jarel, David, Sergio, César, Aitor, Julen e Román. Pedrito, Jarel e David forton os autores dos tantos ponteses.
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
esteo
Nova cortesía de A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios