SEGUNDA DIVISIÓN B DE FÚTBOL SALA: UNIVERSIDADE VALLADOLID – O ESTEO AS PONTES FS (8-2)

71

Comezaba o partido cun Esteo impoñendo un ritmo serio ó encontro ante un dos colíderes do grupo realizando un bo xogo e creando moitos problemas ó conxunto local, pero os esteístas non era capaces de concretar as súas oportunidades de gol. Polo contrario, en dous erros dos de As Pontes, o Uva lograba poñerse por diante no marcador por 2-0, resultado co que se chegou ó descanso. Na segunda parte o Esteo continuaba levando a iniciativa e o gol tiña que chegar, sendo Pelu ós cinco minutos deste segundo tempo quen lograba acurtar diferenzas e despois Bolly, de dobre penalti, empataba o partido. Sen embargo, nada máis de sacar de centro chegou o terceiro gol local que foi como un xerro de auga fría para os ponteses. Bolly estivo a piques de empatar nun potente lanzamento dende dez metros que se foi ó pau. De novo marcan o cuarto os locais amosando a súa efectividade e uns instantes despois sentenciaban o partido co quinto tanto. Os ponteses sacan porteiro-xogador, pero é unha táctica que ultimamente non lle sae ben, pois nos minutos finais recibiron outros tres goles máis ata poñer o definitivo 8-2, un resultado que a tenor do sucedido na pista antóllase algo excesivo, pois o Esteo mereceu algo máis neste partido. E por se isto non fora pouco, no encontro resultaron lesionados Gerveno, Gerardo e Rubi, este último de máis gravidade, cunha posible lesión nos ligamentos do seu xeonllo. Na vindeira xornada o Esteo recibe no pavillón da Fraga ó Azkar B Prone Lugo.
esteo_13-14.JPG


FICHA DO PARTIDO
UNIVERSIDAD VALLADOLID: Félix, Molina, Leal, Adri, Dani Martín –cinco inicial- Ofa, Balle, Javi López, Miguelín e Víctor.
O ESTEO FS: Choto, Gerardo, Héctor, Rubi, Rober –cinco inicial- Pelu, Fran, Bolly e Diego Pellón.
ÁRBITROS: Rubén Gómez Cobalo (Zamora), Rubén Miguel Velasco (Segovia) e na mesa Ana Hérnández (Valladolid). Amoestaron a Blle e Javi López, do Valladolid, e Fran, Bolly e Diego Pellón, do Esteo.
GOLES: Min. 5 (1-0), Abel. Min. 20 (2-0), Javi López. Min. 25 (2-1), Pelu. Min. 28 (2-2), Bolly (dobre penalti). Min. 29 (3-2), Miguelín. Min. 31 (4-2), Molina. Min. 33 (5-2), Leal. Min. 34 (6-2), Molina. Min. 36 (7-2), Balle. Min. 38 (8-2), Balle.
INCIDENCIAS: Partido da sétima xornada de liga de Segunda División B disputado no polideportivo de Fuente de la Mora, de Valladolid, que rexistrou unha boa afluencia de espectadores.
Nova cortesía de A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios