CONCERTO CANTAREIRAS DE ALENDE, vénres 30 ás 21.00h no cine Alovi

113

A Asociación Cultural Alende naceu no 1996 da antiga actividade de baile tradicional do Grupo Xuvenil das Pontes que existía dende o ano 1978.
Alende desenvolveu dende entón actividades de baile tradicional, música e canto tradicional, teatro, bailes de salón…
Traballamos pola recuperación do noso folclore e das nosas tradicións, saímos a cantar os aguinaldos, temos comparsa de entroido e participamos na festividade dos músicos Santa Icía en colaboración con outras asociacións da vila.
O grupo de cantareiras de Alende leva varios anos traballando na recuperación de cantos tradicionais : aguinaldos, cantares de cego… pero sobre todo pasándoo ben botándolle unhas pezas.
O grupo formano cantareiras, frauta, zanfona e percusión. Temos actuado en diversos festivais en Galicia e Portugal, onde cantamos xunto outros grupos os aguinaldos.
O concerto OUTRAS MÚSICAS DO MUNDO é un repaso por cancións das máis variadas procedencias. Desde o máis próximo, o folclore portugués ou asturiano, ata cancións significativas da cultura vasca, catalana ou aragonesa e músicas do outro lado do mar, con temas canarios ou arxentinos. Un atrevemento feito desde a humildade e o gusto pola diversidade.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios