«O que queira ter a marca Produto do Eume ten que cumprir un regulamento»

Teixido ambiciona un proxecto concreto para o despegue dos operadores hortícolas

236

Valora como «moi importante» o informe favorable emitido pola Consellería do Medio Rural que permitirá a posta en marcha dunha nova marca: Produto do Eume. Miguel Teixido, xerente de Euroeume- organismo impulsor da iniciativa- agarda que co tempo cada vez sexan máis os operadores da zona que se unan ao proxecto.

-A efectos prácticos, ¿que implica esta autorización?

-De entrada é un respaldo da administración. A partir de agora, colaboraremos coa Dirección Xeral no desenvolvemento da marca e nos aspectos formais. En definitiva, pasamos a ter unha garantía, moverémonos nun marco legal. De non facelo así, non contaríamos con este respaldo aínda que é certo que había quen non nos aconsellaba seguir esta vía porque o proceso administrativo é un pouco engorroso. De todas formas, preferimos facelo así porque queremos abrir novas vías de colaboración.

-¿Será compatible co que xa se está a facer?

-Non ten nada que ver. Unha cousa é a Agroalimentaria do Eume, na que participa Euroeume, é outra cousa isto. No 2004, impulsamos esa agrupación, pero nós somos só un socio máis. Hai varios produtores que teñen comercialización e distribución propia. Ademais, agora teñen vida propia con tenda online. Pero neste caso, o que queira ter a marca Produto do Eume, terá que cumplir un regulamento. Temos relación cos axentes do entorno próximo e poderían ser similares, pero non ten nada que ver. Agora, os operadores interesados terán que solicitalo. É algo que imos ir desenrolando sobre a marcha. Asimismo, é importante destacar que se poderán sumar produtores, pero tamén empresas que presten servizos.

-¿Algún produtor da zona amosou xa o seu interese concreto pola proposta?

-En concreto, dúas entidades: a Asociación de Veciños Monte Forgoselo e os apicultores da Casa do Mel de Goente. A partir de aí, estamos desenvolvendo o anexo a este regulamento co referente, nestes casos, á carne de terneira e ao mel e outros produtos apícolas. Despois, si máis adiante hai outros sectores e operadores interesados, valoraremos abrilo a novos produtos. Independente de que as primeiras conversas sexan con eles calquer outro gandeiro ou apicultor pode contactar con nós para asociarse. A convocatoria está aberta a toda a comarca de Ferrolterra e tamén a municipios límitrofes da Terra Chá ou á zona de Betanzos.

-A partir de agora, ¿que prazos teñen que seguir?

-A corto prazo rematar o proceso. Temos que trasladar toda a documentación á Oficina Española de Patentes e Marcas para que quede rexistrada. Hai varias posibilidades, algunhas delas colectivas que poderían ser interesantes. Por exemplo, sacar un regulamento para produtos de micoloxía, aproveitando a lei de montes que permite acotar e xestionar esos produtos e que hai bastante tradición en As Pontes coa Feira de Cogumelos. Tamén temas de repostería tradicional para o que poderíamos tirar das mantecadas e polvoróns. É, persoalmente, encantaríame que saíse adiante un tema que hai da horta tradicional. Na parte alta do Eume non hai moita cousa, pero si que existe en Neda, San Sadurniño ou Narón. É un sector ao que continuamente se vincula moita xente aínda que é moi complexo. A marca está pensada para pequenos produtores e volúmenes e está orientada a un comercio de proximidade e consumo local. Podería funcionar porque hai moita xente que busca unha garantía de orixe e certo compromiso coa producción local.

Autorización. A mediados deste mes de marzo, a Xunta de Galicia daba luz verde ao regulamento de uso da marca de garantía Produto do Eume. Dito informe era imprescindible para poda rexistrarse na Oficina Española de Patentes e Marcas. A comunicación, foi efectuada pola directora xeral de Gandaría, Agricultura e Industrias Agroalimentarias, Belén do Campo.

Fonte La Voz de Galicia

Consegue en tempo real avisos de novos artigos no teu dispositivo, subscribete agora.

También podría gustarte
Comentarios