O ESTEO FUTBOL SALA

Despois do valioso punto acadado na pista do Noia, o Esteo ten outra saída consecutiva un tanto difícil, no Barco de Valdeorras ante o Pizarras 3C.

234

Despois de tres derrotas seguidas, o conxunto pontés logrou o seu primeiro punto da tempada, na casa do Noia, o ata agora colíder e vixente campión de liga. Nesta quinta xornada viaxa a outra cancha un tanto complicada, á do conxunto pizarreiro do Barco de Valdeorras, que ocupa a sétima posición con cinco puntos. Nesta tempada, empatou na primeira xornada (5-5) na casa do Xove, perdeu na súa pista co Noia (3-4) e venceu na Coruña ó Ventorrillo por 2-5.

Pola súa banda, o Esteo, en posto de descenso cun só punto, perdeu as tres primeiras xornadas ante Guardo (4-5), Universidad de Valladolid (6-1) e Cuéllar Cojalba (1-2), empatando a un gol, como sinalamos antes, na casa do Noia, vixente campión de liga, e actual terceiro na clasificación a dous puntos do sorprendente líder Guardo, que a pasada campaña rematou na décima posición na clasificación final.

Nos enfrontamentos anteriores en pista valdeorresa entre os dous equipos o balance está igualado, con dúas vitorias para o conxunto pizarreiro e unha para o Esteo, rexistrándose dous empates, sempre en categoría nacional. En Primeira Nacional B, 7-7 (2009/10) e 2-4 (2010/11) e en Segunda División B, 2-1 (2013/14) e 5-5 (2014/15) e 5-1 (2015/16).

SEGUNDA DIVISIÓN B (5ª Xornada)

PIZARRAS 3C F.S. – O ESTEO F.S.
Sábado 29 – Outubro – 2016 (18,30 h)
Polideportivo de Calabagueiros
(O Barco de Valdeorras)

Nova cortesía de A.F.

Consegue en tempo real avisos de novos artigos no teu dispositivo, subscribete agora.

También podría gustarte
Comentarios