ANTONIO POLO CAMPIÓN DE EUROPA DE VETERANOS EN PORTUGAL

O piragüista pontés logra o seu segundo ouro continental

578

O piragüista pontés de 41 anos Antonio Polo Campello gañou este pasado martes a medalla de ouro no Campionato de Europa de Maratón Master, na orla de idade de 40 a 44.

Os Campionatos Europeos de Maratón estanse a levar a cabo na fermosa cidade portuguesa de Ponte de Lima, a apenas 40 kilómetros de Tui. O martes e mércores foi a competición master, e de xoves a domingo serán as competicións junior, sub23 e absolutas de kaiak e canoa, tanto en masculino coma feminino.

Polo venceu na proba de K1, na que se impuxo no sprint, cun tempo de 1:45:02, a Pablo Muñiz (1:45:05) e ao luso Nuno Henriques (1:45:12), nunha proba na que participaron nove kaiakistas españaois, ademais de piragüistas locais, de Noruega, Irlanda, Italia, Rusia e Francia.
Tamén na compaña de Ernesto Gancedo, competiron no K2, no que foron sétimos, nunha proba gañada por Rui Romao e Joao Neves, sendo segundos Óscar Cueto e César González e terceiros Juan Pazos e David Portela.

Polo xa fora Campión de Europa de Veteranos (35-39) en 2013 no K2, xunto ao viveirense Alberto Pigueiras, tamén no país luso, na localidade de Villaverde. Dada a lonxanía non participou nos Europeos de Eslovaquia 2014 e Eslovenia 2015, tendo unha inoportuna lesión que lle privou de competir en Pontevedra 2016, pero puido resarcirse esta semana logrando o seu segundo ouro europeo.

Na súa dilatada traxectoria, Polo xa fora subcampión na Copa de Europa de Maratón, en 2006, tamén en Portugal, xunto a Dani Feijoo, e acadara un quinto posto na Copa do Mundo de Dinamarca 2009 xunto ao betanceiro Carlos Pedreira.

Nova cortesía de Xose Ferreiro

Consegue en tempo real avisos de novos artigos no teu dispositivo, subscribete agora.

También podría gustarte
Comentarios