Nota de prensa XPAP: Xunt@s por As Pontes apoia as reivindicacións das traballadoras do servizo de recollida RSU e limpeza viaria

O luns 16 ás 20:30h, diante do Concello, terá lugar a concentración en demanda dun convenio colectivo local, a equiparación salarial e a restitución dos dereitos económicos.

562

A plataforma veciñal Xunt@s por As Pontes apoiamos as reivindicacións dos traballadores e traballadoras da UTE que xestiona o servizo de recollida de residuos sólidos urbáns e limpeza viaria do Concello de As Pontes.

O luns ás 20:30h estaremos acompañándoas e animamos a toda a veciñanza a participar na concentración que se celebrará ás portas do Concello en defensa dos seus dereitos laborais:

– a negociación dun convenio colectivo aplicable ao centro de traballo local, que recolla e garanta os dereitos das traballadoras;
– a equiparación salarial entre os traballadores das dúas empresas que conforman a UTE (Valoriza – limpeza viaria- e Grupo Soil – recollida RSU-). Actualmente, as empregadas de Valoriza teñen salarios inferiores por desempeñar o mesmo traballo;
– a restitución dos dereitos económicos e laborais dos empregados de Valoriza, que dende o 2016 permanecen co salario conxelado.

Ademáis, dende o grupo municipal de Xunt@s por As Pontes e cos outros grupos da oposición, vimos de pedir a convocatoria urxente da Xunta de Voceiras para que o goberno local nos explique a situación na que se atopan as traballadoras e as xestións que están levando a cabo coa UTE concesionaria para dar solución ás súas lexítimas demandas laborais.

As Pontes, 13 de xullo de 2018

Máis información en www.xuntosporaspontes.com

Consegue en tempo real avisos de novos artigos no teu dispositivo, subscribete agora.

También podría gustarte
Comentarios