Nota Informativa Auxiliares Endesa – As Pontes

Unha representación da Coordinadora de Auxiliares de Endesa-As Pontes mantivo hoxe unha reunión co Comité de Empresa de Endesa e, posteriormente, outra reunión no Concello de As Pontes.

257

Reunión co Comité de Empresa de Endesa

O Comité de Empresa non considera que a situación sexa extremadamente preocupante, pola información que nos trasladan vaise probar a queimar lodos e cren que isto pode darlle horas de funcionamento á Central; por outra parte, tampouco consideran que a formación para persoal interno anunciada por Endesa lle afecte ao traballo das Compañías Auxiliares.

Reunión no Concello

Por parte do Concello estiveron representados todos os Grupos Municipais, neste caso a visión é moito máis pesimista que a do Comité de Empresa, na súa opinión o tema da mestura do carbón con outros materiais, de ser viable técnica e administrativamente, tampouco vai ser unha solución a curto prazo e, polas conversas que tiveron coa Dirección de Endesa, o futuro das auxiliares é moi complicado, pois a empresa di que se non ten traballo para o seu persoal propio máis difícil o vai ter para as auxiliares.

Ademais o Concello ten solicitada unha reunión á Xunta e ofrece a participación dunha representación das Auxiliares nesa reunión.

Por último, quedou en estudar a posibilidade de crear unha Comisión Político-Sindical, que represente ao conxunto do pobo nesta crise.

Reunión con Endesa

Recibimos contestación da Dirección de Endesa, a nosa petición dunha reunión, e imos manter esa reunión o vindeiro martes, día 30, ás 12 h. na oficinas da Central Térmica.

As Pontes, 23 de xullo de 2019

Consegue en tempo real avisos de novos artigos no teu dispositivo, subscribete agora.

También podría gustarte
Comentarios