VideoReportaxe sobre o roteiro organizado pola Plataforma na Defensa do Patrimonio das Pontes e a Liga Céltiga Galaica durante os pasados 27 de marzo e 23 de abril polo Camiño dos Arrieiros entre As Pontes e Vares, e que contou coa colaboración da Asoc. de Estudos Históricos Hume, a Asoc. Informática Amigus e o Clube de Montaña "O Caxado".

A marcha foi dividida en dúas xornadas, que levou a máis de 40 participantes ao longo desta vía empregada dende a Prehistoria como arteria comercial entre o mar e a meseta. Máis de 80 mámoas emprazadas ao longo dos máis de 40 quilómetros polos que discorre, fan deste camiño un conxunto patrimonial de especial interese no noso territorio.