Consegue en tempo real avisos de novos artigos no teu dispositivo, subscribete agora.
Dende hoxe día 17 e ata o 20 de abril na Bahía de Laredo disputarase a 61 edición do Campeonato de España da clase Vaurien, organizado polo Real Club Náutico de Laredo.
Está confirmada a participación dunhos 40 barcos da clase provintes de Cantabria, a Comunidade de Madrid, Castilla e León, País Vasco, Andalucía, Galicia e Comunidade Valenciana que competirán por lograr o primeiro posto ó longo das 12 probas programadas, das que deberán completarse cando menos 2 delas para que o Campeonato de España sexa válido.
Entre a flota galega o Club de Vela Fluvial de As Pontes participa neste campeonato con 3 tripulacións, todas elas xuvenís, que aspiran a entrar no equipo español que participará no Mundial da clase que se celebrará o vindeiro mes de xullo no lago di Bracciano, moi perto de Roma.
Na categoría xuvenil masculina Adrián Gregorio e Antón Dopico estarán tratando de poñer broche de ouro á magnífica tempada que fixeron no ranking galego; na categoría xuvenil feminina, por unha banda, Alba Abril e María Lefler pelexarán por tratar de revalidar o título de campeonas femininas obtido no 2024 en Vigo e, por outra banda, Paula González e Iida Suoniemi (Bazán Ferrol) con menos experiencia nesta clase vaurien pero que non escatimarán esforzos para tratar de quedar o máis arriba posible na clasificación final.
Nova cortesía do club de Vela Fluvial.