Os piragüistas máis novos do grupo Xuvenil se estrean na Liga Provincial

O pasado domingo celebrouse no encoro da Ribeira a primeira regata da Liga da Deputación da Coruña de piragüismo para as categorías de benxamin, alevín e infantil.
Nun día unha vez máis empañado polo mal tempo que está a ser habitual esta primaveira déronse cita no encoro pontés máis de cen xoves padexeiros de todos os clubes da provincia nunha proba na que gañou con autoridade o Club Náutico Firrete de Pontedeume, seguido do Ría de Betanzos e acompañados no terceiro posto da clasificación por clubs o Ribeiras do Tambre de Ames.
Por parte dos locais destacamos o 1º posto en muller alevín B acadado por Carmela Dominguez, os 2º, 3º e 8º postos de Juan Bellas, Aaron García e Álvaro García en home alevín B, o 2º posto en k1 benxamín muller de Ada Fernández, o 6º de Manuel Alén. Na categoría de máis idade da proba -infantil A- Xosé Guerreiro rematou na 12ª praza pero xa fora de control.
A vindeira regata da liga será xa o 20 de xullo en Cabanas, organizada polo Club Cabanas KDM.

Nova cortesía do Grupo Xuvenil