Campamento de Ciencia e Tecnoloxía 2026
Consegue en tempo real avisos de novos artigos no teu dispositivo, subscribete agora.
Presentamos o campamento de ciencia e tecnoloxía 2026 de Amigus, que este ano repite ubicación no local do pulpo a carón do parque da Fraga e terá lugar na primeira semana de Agosto. O campamento terá unha duración de 5 días, de luns 3 a venres 7, en horario de 9 a 14h horas.
Como ven sendo habitual, as rapazas e rapaces entre 5 e 14 anos descubrirán a ciencia na cociña, aprenderán de forma interactiva sobre botánica, explorarán o cosmos grazas ao noso planetario inchable e realizarán numerosos experimentos. Ademais, terán a oportunidade de iniciarse na programación e na montaxe de diferentes placas electrónicas, sen esquecer as manualidades e outras actividades creativas que completarán unha semana chea de aprendizaxe e diversión.
Agardamos compartir con vós unha nova edición deste campamento que, ano tras ano, se converte nunha das actividades máis especiais do verán de Amigus.