AMIGABLE XUVENIL. CD AS PONTES 0 – SCDR GALICIA DE CARANZA 6
Derradeiro encontro de preparación do xuvenil pontés antes do comezo da Liga
Severo correctivo o que recibiu o xuvenil pontés na tarde de onte ante o Galicia de Caranza por 0-6.
O equipo ferrolán, quinto clasificado da Liga Galega o ano anterior, amosou porque está unha categoría por riba do conxunto pontés. A nivel comarcal, comparte Liga co Val de Narón, que foi sétimo, e só o Racing de Ferrol de Liga Nacional, estaría por riba.
Xogaron polo conxunto pontés Meidán (Lino), Fraga (Santi), David (Antonio), Pablo, Breijo, Chema (Alex), Carlos (Jose), Vilela, Cristian (Derick), Josiño (Dani) e Pita.
Os de Felipe Mieres, a pesar de comezar a Liga a semana que ven, descansan na primeira xornada, e debutarán na segunda fin de semana de Setembro ante o Portuarios B.
Nova cortesía Xose Ferreiro e AF