ACTUACIÓN DE SERGIO OTERO E DANI PAJARO EN MADRID
Galicia sub18 remata a competición con catro puntos
Consegue en tempo real avisos de novos artigos no teu dispositivo, subscribete agora.
Os futbolistas ponteses, do Racing de Ferrol, Sergio Otero, e do Ural coruñés, Dani Pajaro, estiveron esta fin de semana en Colmenar Viejo na segunda fase do Campionato de España Xuvenil sub18.
Non estivo moi atinada Galicia o sábado xa que perdeu 7-0 contra a locataria Madrid, despedíndose con bo sabor de boca o domingo tras gañar 2-1 a Castela e León, con tantos do deportivista Mujaid Sadick e do porriñés Sergio Ramilo co tempo cumprido.
Dani Pajaro xogou os dous partidos completos, e incluso no segundo actuou como capitán. Sergio Otero participou no primeiro encontro ata ser sustituido no minuto 69.
A selección xuvenil remata a competición con catro puntos, dado que na primeira fase perdeu coa locataria Illas Canarias (1-0) e empatou con Cantabria (2-2).
Nova cortesía de Xose Ferreiro