Consegue en tempo real avisos de novos artigos no teu dispositivo, subscribete agora.
ARTPO nace en As Pontes como grupo artístico no ano 2012 coa fin de unirse para expoñer, pintar e traballar por intereses comúns . O 2 de marzo de 2016 constitúese como asociación cultural na súa primeira reunión de socios. En varias ocasións fanse exposicións nas que, a parte de pintura, compartiron espazo a ilustración, escultura, manualidades, poesía, música e fotografía.
Así mesmo, viaxou a outros concellos como Cerdido (A Coruña) ,Cervo (Lugo), e Foz (Lugo) onde se expuxo a arte dos asociados e como non, deuse a coñecer o noso Concello.
Colaborou con outras agrupacións como en “Nadal Pirata” co Conservatorio municipal; coa Biblioteca, creando os 6 marcapáxinas e a bolsa do aniversario; a exposición conxunta da inauguración do edificio do Exágono; As Pontes en Pezas cun mural en colaboración coa Asociación de Discapacitados Activos “A Xanela”; e na despedida da Sala de exposicións Mercado Vello xunto con Amigos da Madeira. Donacións de cadros: En 2014 Noé López Valiña dona un cadro na exposición ó Concello de Cervo; e tamén Lourdes Acera Olaso dona no 2018 una obra para Servizos Sociais de As Pontes.
En Facebook mostramos a galería dixital das nosas obras, eventos, noticias e novas e enlaces interesantes do munto da cultura plástica: @ArtpoASPontes. O noso local está actualmente no primeiro piso do local do Conservatorio.
Exposicións:
-1ª exposición ARTPO (As Pontes 2012)
-Pasearte exposicións nos escaparates (As Pontes 2012)
-Vila da Arte (As Pontes 2013)
-Bodegóns e naturezas (As Pontes 2014)
-Artpo en Cerdido (Cerdido 2014)
-Artpo en Cervo (Cervo 2014)
-Interpretacións (As Pontes 2015)
-Artpo 2014-15 (As Pontes 2015)
-As Pontes (As Pontes 2016)
-Opostos (As Pontes 2017)
-Artpo en Foz (Foz 2017)
-Flores e Natureza ( As Pontes 2018)
Nova cortesía de Artpo