MIGUEL ALVARIÑO CONSIGUE UN OURO E UNHA PRATA NOS XOGOS EUROPEOS
O ouro en Recurvo Mixto dalle praza en París 2024
O deportista pontés Miguel Alvariño García ven de lograr dúas medallas este fin de semana nos Xogos Europeos que se están levando a cabo en Polonia.
Na competición por equipos, Miguel, Pablo Acha e Andrés Temiño, clasificados entre os oito primeiros coa terceira mellor marca, gañaban 5-1 a Ucraina e Suiza nos cuartos e semifinais, caendo polo mesmo tanteo na final ante Italia, co Campión Olímpico Mauro Nespoli, Paoli e Musolesi, acadando a medalla de prata.
Xeniais estiveron Miguel e a catalana Elía Canales na competición mixta, na que, coa cuarta mellor marca, gañaron sucesivamente por 6-2 a Austria, Turquía (co Campión Olímpico Mete Gazoz), e Alemaña. Xa na gran final impuxeronse a Ucraina por 5-1, polo que ambos lograron praza en París 2024.
Aínda queda a competición individual na que Miguel foi oitavo nas tiradas previas con 676 puntos, por 692 do Campión Olímpico Mete Gazoz.
Nova cortesía Xose Ferreiro. Foto RFETA.